Frjáls verslun - 01.11.2006, Side 31

F R J Á L S V E R S L U N • 1 1 . T B L . 2 0 0 6 31
FORSÍÐUGREIN • MAÐUR ÁRSINS
Munurinn á okkur og öðrum er að við náum að klára hlutina en hér
þurfa menn líka að klára meira til að gera betur en hinir.“
Eigin fjárfestingar
-Þú átt 4,5 prósenta hlut í Actavis en hefur líka fjárfest víðar, ekki satt?
„Fyrir utan eignarhlut minn í Actavis hef ég fjárfest nær eingöngu í
fasteignum og landi erlendis; í Frakklandi, Montenegro, Eystrasalts-
löndum og víðar. Á Spáni á ég í landi sem er undir Lamanga Club,
einum besta golf- og íþróttastað Evrópu.“
Að stjórna eftir
eigin sannfæringu
- Víkjum að stjórnun. Er eitthvert eitt ráð sem hefur reynst þér vel?
„Ég lærði viðskiptafræði á sínum tíma, en ég held að stjórnunarstíll
hljóti að koma langmest frá manni sjálfum. Mér liggur næst að segja
að maður þurfi bara að nota heilbrigða skynsemi því stjórnun snýst
um að finna einfaldar lausnir. Þannig hefur minn stíll allavega þróast,
reyndar ekki breyst mikið frá byrjun, held ég. Stjórnun snýst um sýn
og markmið, að fá lykilstjórnendur sem fylgja þessu eftir með manni.
Ég hef ekki stúderað stjórnun sem slíka heldur bara fundið það út hjá
sjálfum mér að þetta henti mér best.
Við þjálfum okkar eigin stjórnendur bæði með markvissri þjálfun
en ekki síður með því að tala um markmiðin, sýnina og til hvers
er ætlast – en stjórnunarstíll okkar finnst ekki í neinni bók. Hann
snýst um að ná fólki með sér og geta leyst hlutina vel af hendi á sem
skemmstum tíma.
Það skiptir miklu máli að hafa sjálfur sannfæringu. Maður endur-
skoðar í sífellu eigin skoðanir og fer svo eftir eigin sannfæringu.
Aðrir verða að virða það þó að þeir séu kannski ósammála. Erfiðustu
ákvarðanirnar eru oftast þær sem enginn annar en maður sjálfur sér
rökin fyrir.
Galdurinn við að ná langt er að fá fólk til að taka skrefið aðeins
lengra, að gefast ekki upp við að leita að lausn þó maður fái fimm
sinnum „nei“. Að sætta sig ekki við að „það sé ekki hægt að gera
meira“, fá menn til að hugsa sem svo að þó að þeir hafi tekið stórt
skref sé kannski hægt að taka enn stærra skref, að þrátt fyrir góðan
árangur þurfi að athuga aftur og aftur og aftur hvort hægt sé að gera
enn betur!“