Frjáls verslun - 01.11.2006, Síða 66

66 F R J Á L S V E R S L U N • 1 1 . T B L . 2 0 0 6
ÁRAMÓTAVIÐTÖL
Hjá Samskipum fara saman kraftur og sóknarhugur nýrrar kynslóðar og ómetanleg áratuga reynsla.
Við leggjum metnað okkar í að veita viðskiptavinum áreiðanlegar heildarlausnir á sviði flutninga um
allan heim og höfum byggt upp samhentan hóp og traust flutningakerfi sem tryggja skjóta og örugga
þjónustu jafnt innanlands sem utan.
> Saman náum við árangri – um allan heim
Skrifstofur Samskipa: Bandaríkin, Belgía, Brasilía, Danmörk, England, Eistland, Færeyjar, Holland, Írland, Ísland, Ítalía, Kína, Lettland,
Litháen, Noregur, Rússland, Skotland, Spánn, Suður-Kórea, Svíþjóð, Úkraína, Víetnam, Þýskaland. Umboðsmenn: Finnland, Portúgal.
SAMAN NÁUM VIÐ ÁRANGRI
�
�
�
�
�
�
��
��
��
��
��
�
�
�
�
�
�
�

ÞÓRÐUR FRIÐJÓNSSON
FORSTJÓRI KAUPHALLAR ÍSLANDS

Ágæt skilyrði til áframhaldandi sóknar

VILHJÁLMUR EGILSSON
FRAMKVÆMDASTJÓRI SAMTAKA ATVINNULÍFSINS
Hef ekki trú á að gengið
sveiflist mikið á næsta ári
Það var einkum tvennt sem stóð upp úr á
árinu 2006. Annars vegar samruninn við OMX
og hins vegar einstaklega góður árangur.
Samruninn felur í sér að nú er íslenski mark-
aðurinn orðinn hluti af norræna markaðnum.
Þetta þýðir að markaðurinn hér er orðinn
alþjóðlegur og fyrir vikið getur Kauphöllin
veitt skráðum fyrirtækjum mun betri þjónustu.
Fyrirtækin verða sýnilegri á alþjóðavettvangi
en áður og aðgangur erlendra fjárfesta greiðari.
Þá jókst veltan gríðarlega, nær tvöfaldaðist frá
árinu á undan, og afkoman hefur aldrei verið
betri.
Ég tel ágæt skilyrði til áframhaldandi sóknar
á nýju ári. Enginn vafi er á því að vænleg
tækifæri felast í því að íslenski markaðurinn
er orðinn hluti af stærri heild og ég er viss um
að þátttakendur í viðskiptalífinu munu finna
leiðir til að nýta sér þau. Það er engin ástæða
til ætla annað en að það verði áfram kraftur í
íslenskum fjármálafyrirtækjum á næsta ári.
Árið sem er að líða fer í minningarskjóðuna
sem ljúft ár. Mikil vinna setur vissulega mark
sitt á árið, sérstaklega vegna samninganna við
OMX, en viðfangsefnið var skemmtilegt. Tími
gafst þó til ánægjulegra samverustunda með
fjölskyldu, m. a. við laxveiðar og skíðaferðir.
Þá eru báðir synir mínir að eignast syni, annar
nýkominn í heiminn og hinn rétt ókominn.
Samkomulagið milli ASÍ og landssambanda
þess við Samtök atvinnulífsins var að mínu
mati stærsti einstaki viðburðurinn hjá
samtökunum á árinu Á þeim tíma lá fyrir
að aðgerðarleysi hefði leitt til væntinga
um tveggja stafa verðbólgutölur, uppsögn
kjarasamninga og fullkomna óvissu um
framgang efnahagslífsins á næstu árum. F-
arsæl niðurstaða í júní leiddi hins vegar til
mun meiri árangurs í að ná niður verðbólg-
unni en reiknað var með og verðbólgan er
að komast á ásættanlegt stig.
Mun meiri ástæða er til bjartsýni og
mér kæmi ekki á óvart að árið 2007 yrði
þokkalegt hagvaxtarár þrátt fyrir að spár
bendi til annars. Ég hef á tilfinningunni
að mun meiri kraftur sé í atvinnulífinu en
búast hefði mátt við. Ég tel að fjárfest-
ingar fyrirtækja hafi aukið framleiðslugetu
hagkerfisins meira en áður hefur verið
álitið, að viðskiptahallinn sé ekki eins
alvarlegur og talið er vegna kerfisbund-
ins vanmats á fjármagnstekjum erlendis
frá og að fyrirtæki og heimili muni kom-
ast í auknum mæli undan hávaxtastefnu
Seðlabankans með því að taka krónuna
smám saman úr umferð.
Ég hef hvorki trú á því að gengi krón-
unnar sveiflist mikið á næsta ári né að
verðbólgan fari á flug þannig að flestar
atvinnugreinar ættu að geta gengið nokkuð
vel. Það má búast við áframhaldandi breyt-
ingum í öllum atvinnugreinum enda eru
sífelldar breytingar og aðgerðir til hagræð-
ingar afgerandi þættir í því að halda Íslandi
í fremstu röð meðal þjóða heims.
15. mars sl. skipti ég um starf og kom
aftur á minn gamla heimavöll. Jákvæð
þróun hefur reyndar orðið hjá okkur öllum
í fjölskyldunni í starfi, námi og á flestum
sviðum. Árið 2006 verður talið gott ár í
sögu fjölskyldunnar.
Þórður Friðjónsson. „Ég tel ágæt
skilyrði til áframhaldandi sóknar á
nýju ári.“
Vilhjálmur Egilsson, framkvæmdastjóri
Samtaka atvinnulífsins.