Frjáls verslun - 01.11.2006, Síða 129

F R J Á L S V E R S L U N • 1 1 . T B L . 2 0 0 6 129
FÓLK
Jón H. Karlsson er nýráðinn framkvæmdastjóri Flügger á
Íslandi. „Flügger er danskt fyrir-
tæki, mjög öflugt á sviði máln-
ingar, en framleiðir einnig vegg-
fóður. Þeir eru með fjölda versl-
ana í Danmörku, Svíþjóð, Nor-
egi, Póllandi, Kína og á Íslandi.
Flügger keypti á sínum tíma
Hörpu Sjöfn af Helga Magn-
ússyni og fjölskyldu, en Harpa
hafði flutt inn vörur frá Flügger.
Mitt starf er síðan að sjá um
söluna og framleiðsluna hér á
landi og verslanirnar sjö og að
koma Flügger-vörunum á mark-
aðinn. Íslendingar þekkja vel
vörumerkin frá Hörpu Sjöfn,
sem vinsæl voru og eru vinsæl
enn og þau vörumerki eru enn
allnokkur á markaðinum þó
að fyrirtækið heiti nú Flügger.
Vörur undir merki Flüggers hafa
síðan bæst við. Hér á landi er
framleidd vatnsmálning en flest
annað kemur frá Danmörku og
Svíþjóð. Það tekur alltaf sinn
tíma að koma nýjum merkjum
á markaðinn enda margir Íslend-
ingar vanafastir eins og gengur
og gerist. Starfið er skemmtilegt
og gefandi og er spennandi að
vera kominn aftur í eldlínuna.
Málningarmarkaðurinn hefur
verið að stækka mikið á síðustu
árum, en á móti kemur að mun
meira er farið að nota varanleg
efni í klæðningar utanhúss.“
Jón H. Karlsson er viðskipta-
fræðingur og er eiginkona hans
Erla Valsdóttir. Eiga þau fimm
dætur og eru barnabörnin orðin
átta og fleiri á leiðinni. Jón átti
einn son fyrir hjónaband. Á árum
áður var Jón H. Karlsson þekktur
handknattleiksmaður með Val og
var lengi í landsliðinu. Hann er
einn af liðsmönnum „mulnings-
vélarinnar“ sem hefur, eftir að
handknattleiknum lauk, látið til
sín taka á ýmsum sviðum og þá
ekki síst í golfinu, en nánast allir
mulningskapparnir sneru sér að
golfi eftir handboltann:
„Auk mikils áhuga á golf-
inu og öðrum íþróttum þá er
tónlistin ofarlega á blaði hjá mér.
Ég er búinn að vera lengi í Karla-
kór Reykjavíkur og þar er alltaf
mikið um að vera, t.d. syngjum
við á þrennum tónleikum fyrir
jólin. Það var fyrir tilviljun að ég
lenti í kórnum. Ég var á skíðum
í Austurríki og var eitthvað að
góla án þess að vita að kórfélagar
voru á næsta borði. Þeir hvöttu
mig til að ganga í kórinn, sem
ég og gerði. Síðan eru um tutt-
ugu ár og er alltaf jafn gaman
að syngja. Ég hef einnig verið að
fikta við kveðskap og vinir mínir
í mulningsvélinni hjálpuðu mér
að koma út bók með ljóðum
mínum fyrir nokkrum árum og
er aldrei að vita nema framhald
verði á því. Hvað varðar golfið þá
er mulningsvélin með mótaröð
yfir sumartímann þar sem hart
er barist, en svo er ég einnig með
Erlu í golfinu og þá er það meira
fjölskylduskemmtun. Við erum
fern hjón saman í ferðahóp og er
sá hópur nánast búinn að þræða
alla golfvelli landsins.“
Jón segir að ekki verði mikið
um frí næstu mánuði: „Mark-
aðurinn er harður og sam-
keppnin mikil og við stefnum á
að auka markaðshlutdeild okkar
og erum nú að fara í markaðs-
herferð, meðal annars með sjón-
varpsauglýsingum sem munu
sjást á skjánum á næstunni.“
Nafn: Jón H. Karlsson.
Fæðingarstaður:
Neskaupstaður, 24. 1. 1949.
Foreldrar: Karl Finnbogason og
Ragnhildur Jónsdóttir.
Maki: Erla Valsdóttir.
Börn: Úlfur Ingi, Tinna, Sif, Þóra
Dögg, Ragnhildur Ýr og Erla
Björk.
Menntun: Viðskiptafræðingur frá
Háskóla Íslands 1975.
framkvæmdastjóri Flügger á Íslandi
JÓN H. KARLSSON
Jón H. Karlsson:
„Mulningsvélin er með
mótaröð yfir sumartím-
ann þar sem hart er
barist, en svo er ég
einnig með Erlu í golf-
inu og þá er það meira
fjölskylduskemmtun.“