Ægir - 01.04.2002, Blaðsíða 12
12
Jóhann A. Jónsson,
fyrrverandi fram-
kvæmdastjóri Hrað-
frystistöðvar Þórs-
hafnar, er orðinn
trillukarl. Hann gerir
nú út á grásleppu frá
Þórshöfn og segist
kunna því vel.
Jóhann lét af störfum hjá Hrað-
frystistöðinni á liðnum vetri og
fór strax að huga að öðru starfi.
Niðurstaðan var sú að gerast
trillukarl í fullu starfi. Reyndar
hefur Jóhann átt trillu, Garðar
ÞH, en hann stækkaði við sig og
festi kaup á Sómabáti frá Bakka-
firði, sem nú ber nafnið Stapavík
NS 178.
„Ég byrjaði á grásleppunni ein-
hvern tímann eftir 20. apríl og
þetta hefur gengið ágætlega. Ég
kann því ágætlega að vera á sjón-
um, reyndar þekki ég þetta ágæt-
lega því á yngri árum var ég á
sjónum og ég hef í seinni tíð
alltaf farið annað slagið á sjó á
trillunni minni. Þetta er
hressandi og maður nær upp
ágætum krafti á sjónum,“ segir
Jóhann.
Tveir eða þrír menn eru á
Stapavíkinni á grásleppunni og
þeir félagarnir hafa yfir að ráða
um hundrað netum. Ekki er langt
á miðin, frá korteri og upp í
klukkutíma stím. Um tíu bátar
gera út á grásleppuna á Þórshöfn
og sér Eyþór Atli Jónsson um að
salta hrognin fyrir þá flesta. Yfir-
leitt er farið út milli 6 og 7 á
morgnana og ef veður er hagstætt
eru menn að framundir 6-7 á
kvöldin. Verðið fyrir hrognin er
mun skárra en í fyrra. Þá var það
sem næst 40 þúsund krónum fyr-
ir tunnuna, en nú segir Jóhann að
borgað sé um 60 þúsund krónur
fyrir tunnuna. „Það má reikna
með að við verðum á gráslepp-
unni fram í miðjan maí eða jafn-
vel út maí. Eftir það fer ég á færi
á svokallað krókaaflahámark,“
segir Jóhann og bætir því við að
vel geti verið að bróðir hans,
Hreggviður, fyrrum forstjóri
Norðurljósa, fari í nokkra róðra á
grásleppuna, það eigi þó eftir að
koma í ljós.
Jóhann A. Jónsson, fyrrverandi framkvæmdastjóri HÞ, er orðinn trillukarl:
Maður nær upp ágætum
krafti á sjónum
S M Á B Á TA Ú T G E R Ð
Jóhann A. Jónsson situr ekki lengur við skrifborðið í Hraðfrystistöð Þórshafnar. Þessa
dagana glímir hann við grásleppuna.