Ægir - 01.04.2002, Blaðsíða 35

35
Við þá uppbyggingu verði horft
til uppbyggingar Fiskeldis
Eyjafjarðar í framleiðslu lúðu-
seiða.
• Lagt er til að framlög hins op-
inbera til uppbyggingar þorsk-
eldis fari í fjárfestingar og rann-
sóknaverkefni tengd seiðafram-
leiðslu ásamt öðrum brýnum
rannsóknaverkefnum.
• Matfiskeldi fari fram í sjókvíum
með sama hætti og eldi á laxi.
Þar sem athuganir bendi til
þess að nauðsynleg arðsemi ná-
ist ekki nema í stórum stöðvum
með 2-3000 tonna ársfram-
leiðslu, verði uppbygging
þeirra á hendi sjávarútvegsfyrir-
tækja og annarra einkafjárfesta
sem hafi bolmagn til fjárhags-
legra skuldbindinga á meðan á
uppbyggingu stendur.
• Ætla má að kostnaður vegna
fjárfestinga í sjókvíum með til-
heyrandi búnaði til að framleiða
3000 tonn sé um 150 milljónir
króna og kostnaður vegna upp-
byggingar lífmassa fram að
fyrstu slátrun sé 4-800 milljón-
ir króna eftir vaxtarhraða fisks-
ins í sláturstærð, sem er 3,5-4
kg.
• Mikilvægt er að rannsókna- og
þróunarvinna miðist fyrst og
fremst að því að stytta eldisfer-
ilinn og lækka með því fram-
leiðslukostnað. Mikilvæg verk-
efni í þessu sambandi eru kyn-
bætur, fóðurrannsóknir og
framleiðsla seiða af réttri stærð
til þess að setja út í sjókvíar.
• Íslendingar verða að setja sér
það markmið að hlutdeild okk-
ar og áhrif á þorskmörkuðum
minnki ekki frá því sem nú er. Í
framhaldi af því setji Íslending-
ar sér það markmið að á næstu
tíu árum fari framleiðsla á eld-
isþorski hér á landi í 30 þúsund
tonn.
• Áður en til ákvörðunar kemur
þarf að útbúa vandaða rekstrará-
ætlun með arðsemismati fyrir
seiðastöð og matfiskeldisstöðv-
ar. Þessar áætlanir þurfa að
byggja á bestu fáanlegu þekk-
ingu sem yrði aflað innanlands
og erlendis. Jafnframt þyrftu í
þessum áætlun að koma fram
helstu áhættuþættir og for-
gangsröðun verkefna. Að þess-
ari vinnu komi fulltrúar áhuga-
samra fyrirtækja og opinberra
aðila. Framkvæmdastjórn, sem
yrði skipuð af væntanlegum
fjárfestum, einkafyrirtækjum
og opinberum aðilum, þyrfti
sem fyrst að taka til starfa og
skila tillögum hið allra fyrsta.
Nauðsynlegt að horfa til
þekkingar Norðmanna
Ólafur segir í skýrslu sinni að við
uppbyggingu þorskeldis hér á
landi sé nauðsynlegt að þekking
Norðmanna sé höfð til hliðsjónar
og þeirra reynsla yfirfærð á ís-
lenskar aðstæður eins og mögu-
legt sé, varðandi t.d. framleiðslu-
aðferðir, arðsemismat, seiðafram-
leiðslu og kynbætur.
Í skýrslu Ólafs er nefnt að Ís-
lendingar gætu sett sér það mark-
mið að á næstu tíu árum fari
framleiðsla á eldisþorski í 30 þús-
und tonn. Til þess að það gangi
eftir nefnir Ólafur að byggja þurfi
seiðaeldisstöð í áföngum sem geti
framleitt tíu milljón seiði árið
2009. Hann nefnir að efla verði
rannsóknir og þróunarstarf, sér-
staklega á þeim sviðum sem leiði
til lækkunar á framleiðslukostn-
aði. Þá nefnir hann mikilvægi
þess að efla tengsl við erlendar
rannsóknastofnanir og fyrirtæki
vegna aðlögunar á aðferðum
vegna framleiðslu á seiðum og
matfiski. Og Ólafur leggur á það
áherslu að framleiðslan fari fram í
fáum og tiltölulega stórum ein-
ingum. Orðrétt segir Ólafur síðan
í skýrslunni: „Gert er ráð fyrir að
undirbúningi fyrir seiðafram-
leiðslu verði lokið á árinu 2004
og seiðaframleiðsla hefjist á árinu
2005. Það ár verði framleidd 100
þúsund seiði. Árið 2009 er gert
ráð fyrir að framleiða 10 milljónir
seiða. Matfiskeldi frá seiðum hefst
árið 2007, þegar framleidd eru
300 tonn, framleiðslan vex síðan í
30 þúsund tonn árið 2011.
Einnig er gert ráð fyrir að veiðar
og eldi á villtum fiski vaxi í 500
tonn á árinu 2005. Ekki er raun-
hæft að ætla að þessi framleiðsla
vaxi frekar.“
Mikilvægt innlegg
Í tilkynningu sjávarútvegsráðu-
neytisins kemur fram það mat að
skýrsla Ólafs sé einkar mikilvægt
innlegg í stefnumörkun í þorsk-
eldi. Ljóst er að rannsóknaþáttur-
inn í þorskeldi er bara rétt að
hefjast, eins og Ægir hefur áður
greint frá. Í janúar sl. hófst verk-
efnið Þorskeldi á Íslandi, stefnu-
mörkun og upplýsingabanki, en
gert er ráð fyrir að því ljúki í apr-
íl á næsta ári. Í þessu verkefni
verður lögð áhersla á að meta
samkeppnishæfni þorskeldis á Ís-
landi, öflun og miðlun upplýs-
inga um þorskeldi og mótun
stefnu í rannsókna- og þróunar-
vinnu. Að verkefninu stendur
fimm manna verkefnastjórn, en
verkefnastjóri er Valdimar Gunn-
arsson, sjávarútvegsfræðingur.
Ólafur segir í skýrslu sinni að í ljósi þess að athuganir bendi til þess að nauðsynleg arðsemi náist ekki nema í
stórum matfiskeldisstöðvum með 2-3000 tonna ársframleiðslu, verði uppbygging þeirra á hendi sjávarútvegsfyr-
irtækja og annarra einkafjárfesta sem hafi bolmagn til fjárhagslegra skuldbindinga á meðan á uppbyggingu
stendur.