Ægir - 01.04.2002, Blaðsíða 42
42
U P P L Ý S I N G A R U M S J Á VA R Ú T V E G
Höfundur þessarar
greinar er Björn Auð-
unsson, starfsmaður
á Rannsóknastofnun
fiskiðnaðarins.
Þó svo að tilgangurinn með
gagnagrunninum sé fyrst og
fremst að nýta upplýsingatæknina
til að miðla upplýsingum til aðila
í útgerð og fiskvinnslu, þá var
jafnframt haft í huga að hann
gæti einnig nýst nemendum í
framhaldsskólum og efstu bekkj-
um grunnskóla.
Mikill fróðleikur hefur safnast
saman á Rf á þeim langa tíma
sem stofnunin hefur starfað, en
hana má rekja aftur til ársins
1934 þegar Þórður Þorbjarnarson
var ráðinn sem ráðgjafi í fiskiðn-
aðarfræðum hjá Fiskifélagi Ís-
lands. Þetta ráðgjafarstarf var
fyrsti vísirinn að rannsókna- og
leiðbeiningastarfi í þágu fiskiðn-
aðar á Íslandi
Segja má að eitt meginhlutverk
Rf sé að rannsaka fisk eftir að
búið er að veiða hann og hvernig
best er að geyma og vinna þetta
dýrmæta hráefni. Niðurstöður úr
þessum rannsóknum á Rf hafa
verið birtar í skýrslum frá stofn-
uninni, greinum í blöðum og
tímaritum o.s.frv. um áratuga
skeið. Sífellt fleiri sækja hins veg-
ar þær upplýsingar sem þeir leita
að á internetinu og því þótti kjör-
ið að taka saman eitthvað af því
efni sem er að finna á Rf og setja
það út á netið.
Góðar viðtökur
Upplýsingaveitan hefur fengið
mjög góðar viðtökur og er greini-
legt að margir skoða vefinn á
hverjum degi, þrátt fyrir að hann
hafi ekki verið auglýstur mikið.
Á undanförnum árum hefur mik-
ið verið um að hringt sé til Rf og
leitað eftir upplýsingum um
margvísleg atriði sem snerta fisk
og fiskvinnslu. Eftir að upplýs-
ingaveitan hóf göngu sína hefur
hins vegar oft verið hægt að
benda fyrirspyrjendum á að fara á
upplýsingavefinn og finna þar
svörin. Í upplýsingaveitunni er að
finna margs konar skýringar-
myndir og tölulegar upplýsingar
sem erfitt getur verið að koma til
skila í gegnum síma.
Margvíslegar upplýsingar
Sem dæmi um það sem finna má í
upplýsingaveitu Rf má nefna
upplýsingar um fisktegundir,
vinnsluleiðir, afurðaflokka, ýmis-
legt varðandi gæði og öryggi
sjávarfangs, hreinlæti, markaði,
einingartöflur o.fl. Komið hafa
fram nokkrar ábendingar um efni
og upplýsingar og er reynt að
verða við óskum manna. Til þess
að upplýsingaveitan geti verið í
takt við þarfir iðnaðarins er nauð-
synlegt að vera í góðu sambandi
við þá sem hafa mesta þörf fyrir
þessar upplýsingar og allar
ábendingar eru þ.a.l. vel þegnar.
Vinna við gagnagrunnin er
viðamikið verkefni og ljóst að
söfnun upplýsinga í hann verður
seint lokið, en unnið verður að
því að bæta við upplýsingum í
gagnagrunninn þannig að þegar
fram í sækir verði þarna að finna
upplýsingar um flest það sem við-
kemur þessu efni.
Slóðin á gagnagrunnin er:
www.rf.is
Á vísan að róa
Rannsóknastofnun fiskiðnaðarins (Rf) opnaði fyrir nokkru á heimasíðu
sinni gagnabanka um veiðar og vinnslu á sjávarfangi. Í gagnabankan-
um, sem hlotið hefur nafnið „Á vísan að róa - Upplýsingaveita Rf,“ er
að finna margvíslegar upplýsingar sem aðilar í sjávarútvegi og fiskverk-
un, sem og aðrir þeir er áhuga hafa á ýmsu því sem tengist þessari mik-
ilvægustu atvinnugrein þjóðarinnar, ættu að geta notfært sér, bæði til
gagns og fróðleiks.
„Á undanförnum árum hefur mikið verið um að hringt sé til Rf og leitað eftir upplýs-
ingum um margvísleg atriði sem snerta fisk og fiskvinnslu. Eftir að upplýsingaveitan
hóf göngu sína hefur hins vegar oft verið hægt að benda fyrirspyrjendum á að fara á
upplýsingavefinn og finna þar svörin,“ segir Björn Auðunsson m.a. í grein sinni.
Upphafssíða „Á vísan að róa„. Slóðin er http://www.rf.is/upplv