Ægir - 01.04.2002, Blaðsíða 44
44
Gúmmívinnslan á Akureyri:
Stálbobbingar og fleira
fyrir sjávarútveginn
Gúmmívinnslan hf. á Akureyri er og hefur fyrst og fremst verið þekkt fyrir
endurvinnslu á gúmmíi og sólningu hjólbarða. En fyrirtækið gerir fleira.
Fyrir sjö árum keypti það framleiðslutæki, framleiðslurétt og þekkingu að
baki útgerðarvara sem lengst af hafa verið kenndar við Odda.
Þekktastar eru svokallaðir stálbobbingar, sem hérlendar útgerðir þekkja
vel til, en einnig framleiðir veiðarfæradeild Gúmmívinnslunnar ýmsar smá-
vörur fyrir veiðarfæri eins og millilóð, beltislóð, ross-, keðju-, splitt og
krossplötur, hringi, brillur, hákarlsugga, rosslykla, rossstauta, klafa, kleinur,
jafnarma þríhyrninga, nótahorn og fiskihaka, svo eitthvað sé nefnt.
Framleitt úr vottuðu hágæða stáli
Þrír starfsmenn vinna að framleiðslu þessara útgerðarvara hjá Gúmmí-
vinnslunni. Bragi Steinsson, verkstjóri, segir að starfsmennirnir hafi aflað
sér mikillar sérþekkingar á þessu sviði, sem vissulega sé mikilvægt. Sum
framleiðslutækin eiga sér langa sögu, þau hafa verið hönnuð af þeim
starfsmönnum sem hafa í gegnum tíðina unnið að þessari framleiðslu.
„Við leggjum mikla áherslu á að framleiða hágæðavöru og þess vegna
notum við eingöngu hágæða stál, svokallað 52 stál,“ segir Bragi og sýnir
blaðamanni vottun frá Iðntæknistofnun um að Gúmmívinnslan vinni ein-
göngu úr þessu vottaða gæðastáli. Í þessu plaggi Iðntæknistofnunar kem-
ur fram að mikilvægustu eiginleikar þess stáls sem Gúmmívinnslan notar í
bobbingana sé slitþol og harka. „Þar sem línulegt samband er milli tog-
þols, hörku og slitþols hefur það stál sem er með meira togþol, meiri
hörku og þar með meira slitþol,“ segir orðrétt í vottorði Iðntæknistofnunar.
Enginn annar er að framleiða stálbobbingar hér á landi og segist Bragi
raunar að hann viti ekki um nema tvær aðra framleiðendur þeirra í heim-
inum. Á þessu sést hversu sérhæfð framleiðsla þetta er.
„Við seljum þessar vörur beint til útgerðanna, en þó í vaxandi mæli til
netaverkstæðanna og við eigum mjög gott samstarf við þau um útfærslu
og hönnun á þessum vörum,“ segir Bragi.
Millibobbingar úr gúmmíi
Eins og áður segir er Gúmmívinnslan kannski hvað þekktust fyrir endur-
vinnslu á gúmmíi. Fyrirtækið framleiðir svokallaða millibobbinga sem Jó-
hann Arnarson, markaðsstjóri Gúmmívinnslunnar, segir að séu framleiddir
úr gúmmísalla sem m.a. fellur til við sólningu hjólbarða. Einnig má nefna
öryggishellur fyrir t.d. sundlaugar og leikvelli. Sömuleiðis svokallaða
hnalla fyrir aðvörunarrör og fanta fyrir umferðarmerki og fleira. Þá má ekki
gleyma básamottum undir dýr og dregla og mottur í kerrur og á pallbíla.
Bátasmiðja Guðgeirs:
Perla smíðuð
á Akranesi
„Við erum að smíða hraðfiskibát sem heitir Perla, hugmyndin að þessum
báti kviknaði í ársbyrjun 2000. Við erum þegar búnir að smíða þrjá báta af
þessari gerð sem eru komnir á flot og nú eru tveir bátar í smíðum, annar
þeirra fer suður í Voga en einn er óseldur. Við höfum hannað þessa báta
frá grunni og smíðum þá að öllu leyti,“ segir Guðgeir Svavarsson, eigandi
og framkvæmdastjóri Bátasmiðju Guðgeirs á Akranesi.
Einn af þeim bátum sem búið er að sjósetja er á Akranesi, annar í
Grímsey og sá þriðji á Suðureyri. Guðgeir segir að Perlu-bátarnir hafi
hefðbundið hraðfiskibátalag. „Við smíðum ýmsar stærðir, bátarnir eru allt
frá því að vera um þrjú tonn upp í fimmtán tonn og stærri ef menn hafa
um það óskir,“ segir Guðgeir.
Ládeyða í bátasmíðinni í vetur
Guðgeir orðar það svo að ládeyða hafi verið í smíði bátanna í vetur.
„Skýringin er einfaldlega sjávarútvegsstefnan. Í kjölfarið á því að kvóti var
settur á steinbít og ýsu í september sl. hafa menn haldið mjög að sér
höndum í vetur. Endurskoðunarnefndin svokallaða lagði til breytingu á
stærðarmörkum í krókaaflahámarkinu úr 6 tonnum í 15 tonn. Þetta mál er
í vinnslu og það kemur í ljós áður en Alþingi verður slitið hvort þessi tillaga
verði að veruleika. Við bíðum spenntir því hvort þetta fer í gegn því ljóst er
í mínum huga að ýmsir verða til þess að stækka báta sína ef löggjafinn
opnar á þessa stækkun og það myndi þýða að hjólin tækju að snúast aftur
hjá okkur,“ segir Guðgeir.
ÞJÓNUSTA
Jóhann Arnarson, markaðsstjóri Gúmmívinnslunnar, og Bragi Steinsson, verkstjóri í veiðarfæradeild GV, við stálbobbinga sem fyrirtækið framleiðir.