Ægir - 01.07.2002, Blaðsíða 14
14
H A F N A R F R A M K V Æ M D I R
Unnið að hafnarúrbótum víða um land í sumar:
Risaverkefni á Húsavík
á lokasprettinum
Samkvæmt upplýsingum frá
Siglingastofnun hefur í sumar
verið unnið að því að ljúka leng-
ingu og endurbyggingu brim-
varnagarðs ásamt dýpkun á Arn-
arstapa, en framkvæmdir hófust
sl. sumar. Lenging brimvarna-
garðs er sem nemur um 45 metr-
um og var eldri hluti hans styrkt-
ur. Einnig var sprengt og fjarlægt
sker við enda garðsins ásamt
dýpkun á lausu efni innst í höfn-
inni.
Í Grundarfirði er verið að ljúka
lengingu svokallaðrar Stóru-
bryggju, sem framkvæmdir hóf-
ust við snemma árs 2001.
Bryggjan er lengd um sem næst
100 metra með stálþili.
Á Sauðárkróki er endurbyggð
70 metra löng stálþilsbryggja og
hún lengd um 60 metra.
Dýpkun hefur lengi verið að-
kallandi á Raufarhöfn og var hún
loks boðin út á þessu ári ásamt
dýpkun hafnarinnar á Þórshöfn.
Verktakafyrirtækið Sæþór ehf.
bauð sameiginlega í dýpkun
beggja hafna og var tilboðsupp-
hæð 275 milljónir króna, eða að-
eins 56% af kostnaðaráætlun.
Samkvæmt upplýsingum Sigl-
ingastofnunar notar verktakinn
nýja tækni, svokallaðan vökva-
hamar sem brýtur klöppina í stað
þess að sprengja hana. Með því
sparast sprengiefni og dýr og
mannfrekur tækjabúnaður sem
þarf til að bora og hlaða sprengi-
efni neðansjávar. Við það er miðað
að dýpkun á Raufarhöfn ljúki á
þessu ári og haustið 2003 verði
lokið dýpkun á Þórshöfn.
Löngu tímabærar framkvæmd-
ir í Neskaupstað
Í Neskaupstað verður byggður
nýr skjólgarður og hafnarsvæðið
dýpkað. Höfnin í Neskaupstað er
mjög þröng og því erfitt fyrir
stærri uppsjávarveiðiskip að at-
hafna sig. Þær hafnarframkvæmd-
ir sem nú verður ráðist í eru því
löngu tímabærar og þarfar.
Í Vestmannaeyjum er áfram
unnið í ár að endurbyggingu stál-
þilja við höfnina. Í ár er unnið við
austur- og suðurkant Friðarhafn-
arinnar. Einnig er ætlunin að
endurnýja stálþil norðan megin í
Friðarhöfninni og þá verður ráðist
í dýpkun við bryggjur víða í
Vestmannaeyjahöfn.
Í Grindavík verður í haust lok-
ið við gerð brimvarnargarða aust-
an og vestan innsiglingarrennu,
en þessar framkvæmdir hófust á
síðasta ári.
Bermugarður á Húsavík
Innan fárra vikna lýkur fram-
kvæmdum við svokallaðan Böku-
garð á Húsavík, en þessi fram-
kvæmd er ein af þeim stærstu á
hafnaáætlun, ætla má að kostnað-
ur við brimvörnina sé fast að hálf-
um milljarði króna.
„Verkið er lítillega á eftir áætl-
un, en þar munar ekki miklu,”
segir Böðvar Bjarnason hjá
Tækniþingi ehf. á Húsavík, sem
ásamt Siglingastofnun annast eft-
irlit með gerð brimvarnagarðsins
á Húsavík. Garðurinn er engin
smásmíði, tæpir fimm hundruð
metrar að lengd og í hann fara
fast að 300 þúsund rúmmetrum
af efni. Nýi garðurinn kemur fyr-
ir vestan núverandi Norðurgarð
og gjörbreytir aðstæðum inni í
Húsavíkurhöfn. Kyrrð inni í
höfninni eykst til muna og segir
Böðvar að nú þegar hafi garður-
inn sannað gildi sitt.
Á vegum Siglingastofnunar hefur í sumar verið
unnið að hafnarframkvæmdum í 36 höfnum á
landinu og er heildarkostnaður við þær um 1,8
milljarðar króna. Þessar framkvæmdir eru mis-
jafnlega umfangsmiklar, en af stórum fram-
kvæmdum má nefna Húsavík, Grindavík og
Arnarstapa, að ekki sé minnst á endurbætta
aðstöðu fyrir ferjuna Norrænu á Seyðisfirði.
Á þessari mynd er
horft yfir Húsavíkur-
bæ. Hinn nýi brim-
varnagarður er fyrir
utan höfnina.
Mynd: Böðvar Bjarnason.