Ægir - 01.08.2002, Page 10
10
S K I PA S T Ó L L I N N
Guðmundur Freyr Guðmunds-
son, skipstjóri, er þaulvanur til
sjós, þrátt fyrir að vera bara 35
ára gamall. Hann hóf störf hjá
Samherja hf. árið 1994 og hefur
verið skipstjóri og stýrimaður á
ýmsum skipum félagsins. Lengt
af var Guðmundur Freyr skip-
stjóri á Hríseyjunni EA-410 og
Hjalteyrinni EA-310. Í átján ár
hefur Guðmundur Freyr verið
meira og minna á sjónum. Á
þessum tíma hefur hann ýmislegt
reynt. Guðmundur Freyr var einn
af áhöfn Krossnessins sem sökk
fyrir vestan árið 1992. Þrír félag-
ar hans fórust en níu komust lífs
af. „Þessi atburður kemur auðvit-
að alltaf annað slagið upp í hug-
ann, maður kemst aldrei yfir
svona slys, hvað sem hver segir,”
segir Guðmundur Freyr, sem
þrátt fyrir þessa þrekraun lét ekki
bugast og fór aftur til sjós. „Ég lít
vissulega á það sem áskorun fyrir
mig að taka við nýju Akureyr-
inni, ekki síst vegna nafnsins sem
það ber. Nafninu fylgir mikil
veiðihefð og þá er ekkert um ann-
að að ræða en að gera sitt besta,”
segir Guðmundur Freyr, sem seg-
ist líta á það sem algjört lykilat-
riði til þess að góður árangur ná-
ist, að velja saman samhenta
áhöfn. „Mórallinn um borð í
svona löngum túrum hefur gríð-
arlega mikið að segja. Aðalatriðið
er að kunna að slá á létta strengi
og vera einn af áhöfninni. Það
hefur mér reynst best,” sagði
skipstjórinn á Akureyrinni EA-
110.
Fyrsti stýrimaður og afleysinga-
skipstjóri á Akureyrinni er Sigur-
björn Reimarsson, sem á rætur
sínar í Svarfaðardal, og Helgi
Magnússon er yfirvélstjóri.
Einn af elstu togurum flotans
Eins og áður segir kemur núver-
andi Akureyrin EA 110 í stað
gömlu Akureyrarinnar. Akureyrin
Akureyrin EA á fullri ferð á leið út Eyjafjörð þann 17. september sl.
Mikil áskorun að taka
við þessu skipi
- segir Guðmundur Freyr Guðmundsson, skipstjóri á Akureyrinni EA-110
„Mér líst mjög vel á þetta verkefni.
Þrátt fyrir háan aldur lítur skipið
mjög vel út og það er greinilegt að
því hefur verið haldið vel við. Það
sem öllu máli skiptir er að vera með
góða og samhenta áhöfn,” sagði
Guðmundur Freyr Guðmundsson,
skipstjóri á Akureyrinni EA-110,
áður en skipið fór í sína fyrstu veiði-
ferð undir merkjum Samherja hf.
þann 17. september sl., en eins og
kunnugt er keypti Samherji gamla
Sléttbak EA og færði hið farsæla
nafn Akureyrin EA yfir á það skip.
Gamla Akureyrin, sem markaði á
sínum tíma upphaf útgerðar Sam-
herjafrænda, hefur hins vegar verið
seld til dótturfélags Samherja í
Skotlandi.
Þorsteinn Már Baldvinsson, forstjóri
Samherja, búinn að sleppa síðustu
landfestunum og horfir eftir Akureyrinni
EA fara frá bryggju í sína fyrstu
veiðiferð undir merkjum Samherja.
Helga Steinunn Guðmundsdóttir, eiginkona Þorsteins Más
Baldvinssonar, forstjóra Samherja, og Kolbrún Ingólfsdóttir,
eiginkona Kristjáns Vilhelmssonar, útgerðarstjóra Samherja,
fylgdust með þegar Akureyrin EA lét úr höfn.