Ægir - 01.08.2002, Blaðsíða 12

12
Marel hf. hefur flutt
höfuðstöðvar sínar að
Austurhrauni 9 í
Garðabæ og notuðu
margir gestir á sjávar-
útvegssýningunni í
Smáranum í byrjun
september tækifærið
og skoðuðu hinar
nýju höfuðstöðvar.
Nýja byggingin er rúmlega 15
þúsund fermetrar að stærð og
gjörbreytir allri aðstöðu fyrirtæk-
isins, sem áður var með starfsemi
í tveimur húsum. Rými Marels
eykst um helming við flutning-
inn.
Áður á tveimur stöðum
– nú á einum
Áður var Marel með starfsemi í
tveimur húsum; við Höfðabakka
og Tungusel, og setti það starf-
seminni talsverðar skorður. Skrif-
stofurými í nýja húsinu er um
4.000 fermetrar og framleiðslu-
rými um 10.000 fermetrar auk
rýmis fyrir kerfi hússins, starfs-
mannaaðstöðu og 1.600 fermetra
mötuneyti. Þá eru stækkunar-
möguleikar fyrir hendi í fram-
leiðslurými um ríflega 2.000 fer-
metra og skrifstofu um 1.500 fer-
metra.
Tækjakostur endurnýjaður
Nýbygging Marels er hönnuð
með það í huga að allt flæði efnis
og upplýsinga verði með sem
bestum hætti. Framleiðslu- og
skrifstofubygging er samþætt
þannig að vegalengdir milli
deilda verði sem minnstar. Efni
til framleiðslu kemur í megin
dráttum inn á annarri hlið húss-
ins og er síðan skipað út sem full-
unninni vöru á hinni hliðinni,
beint í útflutningsgáma. Sam-
hliða byggingu hússins hefur
tækjakostur til framleiðslu verið
endurbættur með það í huga að
auka afköst í deildum sem verið
höfðu flöskuhálsar. Öll aðstaða til
vöruþróunar, prófana og kennslu
er betri og rýmri.
Spennujöfnun og jarðskaut
Við hönnun hússins var sérstak-
lega hugað að því að draga sem
mest úr rafmengun vegna tækja
og lýsingar, einnig að tryggja að
truflanir frá rafkerfi hverfisins
berist ekki inn í bygginguna.
Þetta var gert með kerfisbundinni
spennujöfnun allra hluta bygg-
ingarinnar og því að útbúa sér-
stök jarðskaut með borholum sem
verja húsið fyrir utanaðkomandi
truflunum og sjá til þess að trufl-
anir sem myndast innanhúss eigi
greiða leið til jarðar. Leitast var
við að tryggja sem allra besta
hljóðvist í húsinu - hljóðmeng-
andi svæði eru lokuð af o.s.frv.
Loftræsting er í samræmi við
reglugerðir um loftskipti þar sem
tryggð er loftræsting á öllum
vinnusvæðum auk þess sem auð-
velt er að bæta við nýjum loft-
ræstimöguleikum inn á þau kerfi
sem eru til staðar.
Íþróttaaðstaða
fyrir starfsmenn
Vinnurými í húsinu er er opið til
að tryggja aukin samskipti,
starfsmönnum er tryggð íþrótta-
aðstaða innanhúss með körfu-
bolta- og veggjatennissölum, lík-
amsræktaraðstöðu, sérstöku leik-
herbergi fyrir börn sem af einni
eða annarri ástæðu þurfa að koma
með foreldrum sínum til vinnu,
viðamiklu bókasafni og mötu-
neyti sem rúmar alla starfsmenn
fyrirtækisins, auk kaffiaðstöðu á
hverju skilgreindu vinnusvæði
hússins.
Arkitekt nýrra höfuðstöðva
Marels var Teiknistofa Ingimund-
ar Sveinssonar. Umsjónaraðili
með framkvæmd byggingarinnar
fyrir hönd Marels og tengiliður
við verktaka var Helgi Geirharðs-
son.
Veruleg veltuaukning
Gert er ráð fyrir að rekstrartekjur
Marelsamstæðunnar á árinu 2002
verði um 104 milljónir evra, -
tæplega 9 milljarðar króna - en
fyrirtækið hefur tvöfaldað veltu
sína á síðustu þremur árum.
Hinar nýju höfuðstöðvar Marels í Garðabæ.
Hörður Arnarson, forstjóri
Marels hf., ávarpar gesti í
móttöku fyrir gesti
sjávarútvegssýningarinnar.
Marel hf. í nýjar höfuð-
stöðvar í Garðabæ
Marel hf. efndi til móttku fyrir
gesti á sjávarútvegssýningunni
í Kópavogi í byrjun september.
Mun meira rými gerir það að
verkum að nú getur Marel sett
upp nýjar vinnslulínur í
höfuðstöðvum fyrirtækisins og
þannig gengið endanlega úr
skugga um að þær virki eins
og til er ætlast áður en þær
fara til viðskiptavina.