Ægir - 01.08.2002, Page 18

18
T Æ K N I
„Ég byrjaði ásamt syni mínum
árið 1985 að þróa hryggja- eða
sundmagavél heima í bílskúr.
Fyrstu vélina seldum við til
KASK á Hornafirði árið 1988.
Við færðum okkur síðan yfir í
þróun á vél sem við köllum 950 –
fésavél. Þeirri vél og reyndar
einnig hryggjavélinni var mjög
vel tekið og fljótlega gátum við
komið undir okkur fótunum og
farið að kaupa verkfæri!,” segir
Árni þegar hann rifjar upp fyrstu
skref fyrirtækisins fyrir sautján
árum.
Um 150 fésavélar
Fésavélin er undravert tæki sem
þrælvirkar, eins og það er kallað.
Á sjávarútvegssýningunni í
Kópavogi gafst fólki kostur á að
sjá með eigin augum hvernig vél-
arnar virka og menn ráku al-
mennt upp stór augu. Fésavélinni
lýsir Árni svo: „Vélin tekur fisk-
hausinn, slítur úr honum tálknin
og sker krummann úr honum.
Eftir eru kinnar sem hanga saman
á neðri skoltinum. Þessi afurð er
síðan söltuð og seld til Portúgal.
Ég man að þegar ég byrjaði að
þróa þessar vélar og framleiða var
ekki spáð vel fyrir mér. Mér var
tjáð að ég myndi vart geta fram-
leitt meira en tvær vélar, því
markaðurinn væri einungis um
200 tonn. Annað hefur komið á
daginn því vélin sem ég sýndi á
sjávarútvegssýningunni í Kópa-
vogi var númer 151 og hún seld-
ist strax eins og aðrar vélar sem
ég sýndi á sýningunni. Hryggja-
vélina hef ég verið að styrkja og
bæta á undanförnum árum. Hún
seldist strax ágætlega og mönn-
um hefur líkað mjög vel við nýj-
ustu útfærslu vélarinnar,” segir
Árni.
Nýjasta vélin vekur
mikla athygli
Nýjasta vél Á M Sigurðssonar er
nýlega komin í það horf sem
hönnuðurinn hefur keppt að í
hartnær áratug. „Þessi vél slítur
klumburnar frá fiskhausnum.
Sömuleiðis gellar hún hausinn og
slítur kinnarnar frá honum. Það
má því segja að vélin sundurhluti
allan hausinn. Ég myndi vilja
orða það svo að þessi vél sé
Á.M. Sigurðsson:
Vöruþróunin skiptir
öllu máli
Fyrirtækið Á M Sigurðsson ehf. að Hvaleyrarbraut 2 í Hafnarfirði hefur
ekki farið mjög hátt í fjölmiðlum á undanförnum árum. Þar hefur þó
verið unnið merkilegt þróunarstarf sem hefur skilað sér í athyglisverð-
um fiskvinnsluvélum, sem hafa sótt mjög í sig veðrið á markaðnum. Á
M Sigurðsson er ekta fjölskyldufyrirtæki þar sem fjölskyldufaðirinn,
Árni M. Sigurðsson, er hugsuðurinn á bak við vélarnar og hefur í raun
sett allt sitt í að þróa þær og framleiða.
„Hryggjavélina hef ég verið að styrkja og bæta á undanförnum árum. Hún seldist
strax ágætlega og mönnum hefur líkað mjög vel við nýjustu útfærsla vélarinnar,” seg-
ir Árni.
Nýjasta vél Á M Sigurðssonar – vél sem hefur verið í þróun í hartnær áratug. „Hún á
að mínu mati heima í öllum frystogurum og mér virðist að útgerðarmenn séu núna að
átta sig á notagildi vélarinnar,” segir Árni.