Ægir - 01.08.2002, Blaðsíða 22

22
O D D I H F. Á PAT R E K S F I R Ð I
Góður gangur
Ekki þarf að hafa um það mörg orð að fyrir Patreks-
fjörð er gríðarlega mikilvægt að Oddi hf. gangi vel.
Fyrirtækið er stærsti vinnuveitandi á staðnum með
um 70 manns í vinnu. Þar af eru um 40 starfsmenn í
landi. Fyrirtækið gerir út skipin Núp og Garðar, sem
afla hráefnis fyrir vinnsluna í landi, auk þess sem
Vestri BA, sem er í eigu Vestra ehf., móðurfélags
Odda hf., leggur upp afla sinn hjá fyrirtækinu.
Heildarkvóti Odda hf. og Vestra ehf. er um 1500
þorskígildistonn. Einnig kaupir Oddi umtalsvert
magn af fiski á mörkuðum sem og af smábátum,
fyrst og fremst yfir sumarmánuðina.
Helmingur hlutafjár í fyrirtækinu er í eigu Vestra
hf. – Jóns Magnússonar, skipstjóra, á Patreksfirði.
Aðrir eigendur eru m.a. Olíufélagið, VÍS og Trygg-
ingamiðstöðin.
Á Patreksfirði búa rösklega 700 manns – en í
Vesturbyggð eru íbúarnir um 1250. Vinnsla Odda
hf. er þrennskonar. Í fyrsta lagi saltfiskvinnsla, í öðru
lagi frysting og í þriðja lagi útflutningur á ferskum
fiski – svokölluðum flugfiski.
Saltfiskvinnsla
Oddi hf. hefur frá stofnun 1967 starfrækt saltfisk-
vinnslu og var fyrirtækið m.a. stofnað til þess á sín-
um tíma. Vörumerki félagsins er „OPO” og er það
vel þekkt á saltfiskmörkuðum erlendis, en helstu
markaðslönd eru Spánn, Ítalía og Grikkland. Einnig
hefur lítillega verið framleitt fyrir Portúgalsmarkað
úr dragnóta- og netafiski. Oddi hf. framleiðir um
500 tonn af saltfiskafurðum á ári og er stærsti hluti
framleiðslunnar flattur þorskur. Í saltfiskverkuninni
er áhersla lögð á gæðaeftirlit. Stærsti hluti saltfiskaf-
urða Odda hf. er seldur í gegnum smærri umboðsað-
ila á Íslandi, auk þess sem hluti afurðanna er seldur
beint til viðskiptaaðila á Spánarmarkaði.
Oddi hf. er burðarfyrirtæki í atvinnulífinu á Patreksfirði:
Leggjum áherslu á stöð-
uga atvinnu allt árið
- segir Sigurður V. Viggósson, framkvæmdastjóri Odda hf.
Starfsmenn við flæði-
línuna í frystihúsi
Odda hf.
Mynd: Halldór Leifsson.
Af opinberri umræðu væri hægt að ímynda sér að sjávarútvegur ætti
yfir línuna mjög í vök að verjast á Vestfjörðum. Svo er þó ekki. Sum fyr-
irtæki hafa vissulega gengið miður vel og lagt upp laupana, en önnur
hafa gert það ljómandi gott. Burðarfyrirtækið í atvinnulífinu á Patreks-
firði er útgerðar- og fiskvinnslufyrirtækið Oddi hf. og rekstur þess hefur
gengið prýðilega á undanförnum árum.