Ægir - 01.08.2002, Page 29

29
F J A R S K I P TA M Á L
ast með allri skipaumferð hring-
inn í kringum landið. Með þessu
móti væri stigið stórt skref fram á
við í öryggismálum í víðum
skilningi,” segir Jóhann.
Höfuðstöðvar Transas í St.
Pétursborg
Rússneska fyrirtækið Transas,
sem er með höfuðstöðvar sínar í
St. Pétursborg, hefur hannað og
framleitt eftirlitsbúnaðinn sem
settur hefur verið upp á Stórhöfða
í Vestmannaeyjum. Um er að
ræða sem þeir Transas-menn kalla
VTS-kerfi – „Vessel Traffic
Services”
Transas á einungis að baki um
tíu ára sögu og hefur vöxtur fyrir-
tækisins verið undraverður. Í St.
Pétursborg eru um 250 manns
sem einbeita sér að þróun hug-
búnaðar og vinna að nýjum
tæknilausnum í sjávarútvegi og
skyldum greinum. Fyrirtækið
hefur ekki aðeins byggst upp í
Rússlandi, það teygir anga sína
til Bretlands (Transas Marine
Ltd.), Bandaríkjanna, Þýskalands,
Svíþjóðar, Spánar, Singapore og
Kína. Auk þess er Transas með
umboðsaðila um allan heim, hér á
landi er eins og áður segir Radi-
omiðun með umboð fyrir tækni-
búnað fyrirtækisins.
Á sjávarútvegssýningunni í
Smáranum í Kópavogi var David
Croft, sem er einn af stjórnendum
Transas Marine Ltd. í Bretlandi, í
bás Radiomiðunar og upplýsti
fróðleiksfúsa sýningargesti um þá
tækni sem fyrirtækið hefur verið
að þróa á ýmsum sviðum. Hann
sagði í samtali við Ægi að stofn-
endur Transas hefðu ekki haft
hugmyndaflug til þess að ímynda
sér að innan tíu ára yrði fyrirtæk-
ið orðið svo öflugt á sínu sviði.
Árangursríkt kerfi
Croft segir að samstarfið við
Radiomiðun og Landssímann um
uppsetningu eftirlitskerfisins í
Vestmannaeyjum hafi gengið
mjög vel í alla staði og tækni-
lausnin sem Transas þróaði til að
fylgjast með tilteknu hafsvæði
fyrir sunnan Ísland hafi strax
virkað eins og til var ætlast.
„Kerfið virkar þannig að það læt-
ur vita um tíu mínútum áður en
viðkomandi skip fer yfir sæ-
strenginn. Og ef hraði skipanna
er innan við 5 hnútar hringja við-
vörunarbjöllur aftur, en sá hraði
getur bent til þess að skipið sé úti
með veiðarfærin,” segir David
Croft.
Ný hugsun í ratsjám
„Radiomiðun hefur átt samstarf
við Transas í áratug. Tækniþekk-
ing þeirra er mikil og vöxtur fyr-
irtækisins hefur verið ævintýra-
legur. Í höfuðstöðvum Transas eru
fast að í 500 manns, þar af hátt í
200 manns í þróunarvinnu.
Á sjávarútvegssýningunni í
Smáranum sýndum við m.a. sigl-
ingahermi frá Transas sem slær
öllu við á þessu sviði, samkvæmt
orðum þeirra sem til þekkja. Við
höfum líka verið að kynna það
allra nýjasta í ratsjám, sem er
byltingarkennd breyting frá því
sem var. Í stórum dráttum er farið
að tengja ratsjár við kortagrunna
af ákveðnum hafsvæðum og
þannig er unnt að fylgjast með
tugum eða jafnvel hundruðum
skipa í einu á skjánum. Með þess-
ari tækni er hægt að kalla á ein-
um stað fram ýmsar upplýsingar,
t.d. dýpislínur og margt fleira,”
segir Jóhann H. Bjarnason.
Bás Radiomiðunar á sjávarútvegssýningunni í Smáranum í Kópavogi var fjölsóttur,
enda ýmsar tækninýjungar kynntar þar.
Tækninýjungar Transas vöktu mikla athygli sýningargesta á sjávarútvegssýningunni í
Smáranum. Hér er David Croft frá Transas að skýra út málin fyrir áhugasömum sýning-
argestum.