Ægir - 01.08.2002, Síða 32
32
B J Ö R G U N A R B Ú N A Ð U R
Kostir og möguleikar Markús-
arnetsins koma skýrt fram í ný-
legri skýrslu sjóslysarannsóknar-
nefndar í Bretlandi vegna slyss í
farþegaferju Stena Line á milli
Englands og Írlands í október
2000. Lýsing á atvikum er hroll-
vekjandi. ,,Maður féll fyrir borð á
ferjunni í óveðri. Honum tókst að
halda sér á floti við skipshlið í um
eina klukkustund,” segir Pétur
Th. Pétursson, framkvæmdastjóri
Markus Lifenet (UK) Ltd. í
Skotlandi. ,,Áhöfnin gat ekki sett
út björgunarbát, vöruflutninga-
bílar voru fyrir hliðardyrum á
skipinu og þær var því ekki unnt
að opna. Enginn björgunarbúnað-
ur var um borð sem hæfði þessum
aðstæðum og maðurinn drukkn-
aði þarna án þess að nokkur gæti
komið honum til hjálpar. Breska
rannsóknarnefndin sagði í skýrslu
sinni að Markúsarnetið væri eina
björgunartækið sem hefði gagnast
við þessar aðstæður.”
Fluttu sig nær markaðinum
Björgunarnetið Markús er kennt
við höfund sinn og frumkvöðul á
sínu sviði: Markús B. Þorgeirs-
son, skipsstjóra. Hann gerði ör-
yggismál sjómanna að hugsjóna-
starfi og fann m.a. upp þetta ein-
falda en öfluga björgunartæki
sem átti eftir að verða bjargvætt-
ur margra til sjós og í höfnum.
Markús lést árið 1984 en Pétur
Th. Pétursson og kona hans
Katrín Markúsdóttir halda merki
hans á lofti.
,,Við fluttum starfsemina úr
landi, komum okkur fyrir norð-
austan við Glasgow og gerum út
þaðan. Þarna framleiðum við og
seljum björgunarnet en einnig
björgunarstiga og aðrar ,,maður
fyrir borð”-öryggisvörur fyrir
skemmti- og vinnubáta af ýmsu
tagi,” segir Pétur. ,,Við keyptum
allt hráefni til framleiðslunnar í
Bretlandi og sáum fljótt að við
yrðum að vera nær aðalmörkuð-
um okkar til að ná árangri. Við-
skiptahópur okkar er einnig mun
stærri hér og er ekki bara fiski-
skip, örfá flutningaskip og hafnir
eins og var heima á Íslandi.”
Eina björgunartækið sem upp-
fyllir kröfur nýrrar reglugerðar
Pétur dregur enga dul á að mögu-
leikar Markúsarnetsins á alþjóð-
legum markaði séu miklir en
mikla orku og þolinmæði þurfi
til að minna á sig og ná árangri.
Tíminn vinnur hins vegar með
Pétri, Katrínu og Markúsarnetinu
og reyndar væntanlegar reglu-
gerðir um öryggismál sjómanna
líka. Um áramótin 2002/2003
tekur þannig gildi reglugerð í
Bretlandi og þá verður skylda að
hafa tiltekinn björgunarbúnað
um borð í alls um 900 skipum
þar í landi. Pétur segir að eina
björgunartækið sem uppfylli
kröfur reglugerðarinnar sé
einmitt Markúsarnetið. Skyldi nú
engan undra að hann hugsar sér
gott til glóðarinnar í markaðs- og
sölustarfi á næstu vikum og mán-
uðum.
Þess má geta að fyrirtækið
Icedan ehf. er með umboð og
þjónustu hér á landi fyrir Mark-
úsarnetið og aðrar vörur frá
Markus Lifenet (UK.) Ltd. í
Skotlandi. Markus Lifenet MOB
öryggisvörur eru einnig fáanlegar
hjá Ellingsen, Viking Björgunar-
búnaði og söluaðilum slíkra vara
um land allt.
Upplýsingar um Markúsarnetið
má finna á www.markusnet.com.
Bresk sjóslysanefnd mælir
með Markúsarnetinu
Sjóherinn á Spáni hefur nýlega keypt björgunarnetið Markús til að hafa
um borð í fjórum freigátum sínum og auka þannig öryggi sjóliða um
borð. Fiskieftirlit Skota keypti einnig Markúsarnet í 4 skip sín og mælir
eindregið með því. Þá sýnir breski sjóherinn því áhuga að setja Markús-
arnet í tvö ný birgðaskip sín. Enn má nefna að í september sl. keypti
skipasmíðastöð á Taiwan Markúsarnet til að setja í þrjú skip og láta
fylgja til kaupenda þeirra þegar þar að kemur. Markúsarnetið fer
þannig víða og vegur þess getur ekki nema vaxið í framtíðinni því þessi
öryggisbúnaður á sér enga hliðstæðu í víðri veröld.
Pétur Th. Pétursson,
framkvæmdastjóri Markus
Lifenet Ltd. í Skotlandi, á
sjávarútvegssýningunni í
Smáranum í Kópavogi í byrjun
september.