Ægir - 01.01.2003, Blaðsíða 28

28
T Æ K N I Í S J Á VA R Ú T V E G I
Árangur 3X-Stáls á undanförn-
um árum er um margt eftirtekt-
arverður. Fyrirtækið er ekki gam-
alt, það var stofnað árið 1994 og
voru starfsmennirnir í upphafi
þrír en nú eru þeir þrjátíu. Ekki
þarf að hafa um það mörg orð að
mikilvægi 3X-Stáls fyrir atvinnu-
lífið á Ísafirði er ótvírætt. Fyrir
utan þennan fjölda starfsmanna í
ekki stærra samfélagi eru marg-
feldisáhrif slíks fyrirtækis umtals-
verð, að ekki sé talað um mikil-
vægi þess fyrir Ísafjörð og sjávar-
útveginn á Vestfjörðum að þar sé
byggt upp jafn öflugt tæknifyrir-
tæki og raun ber vitni með 3X-
Stál.
Ávöxtur mikillar þróunarvinnu
Jóhann Jónsson, framkvæmda-
stjóri 3X-Stáls, er einn þremenn-
inganna sem stofnuðu fyrirtækið
á sínum tíma. Hann ásamt með-
eiganda sínum, Albert Högna-
syni, hefur starfað að uppbygg-
ingu 3X-Stáls frá upphafi og
fylgt eftir vexti og viðgangi fyrir-
tækisins. Jóhann segist vera
ánægður með stöðu þess í dag,
hún sé ávöxtur mikillar þróunar-
vinnu og nýsköpunar sem hafi
verið lögð rík áhersla á frá upp-
hafi.
Alþjóðlegt fyrirtæki
3X-Stáli má lýsa sem alþjóðlegu
fyrirtæki sem sérhæfir sig í fram-
leiðslu á vélbúnaði fyrir hérlend
og erlend sjávarútvegsfyrirtæki.
Lögð er áhersla á framleiðslu vél-
búnaðar úr ryðfríu stáli og má í
stórum dráttum skipta henni í
þrjá meginflokka. Í fyrsta lagi
svokallaðar „karalausnir“, sem
eins og nafnið bendir til taka til
tæknilausna varðandi notkun á
fiskikerum. Í öðru lagi „rækju-
lausnir“, þ.e. ýmiskonar tækni-
búnaður fyrir rækjuvinnslur. Í
þriðja lagi „bolfisklausnir“, sem
fela í sér margháttaðan tæknibún-
að fyrir bolfiskvinnslu - þ.m.t.
móttaka, snyrting, pökkun o.fl.
Karalausnir
Fiskikerin eru orðin nær allsráð-
andi í fiskvinnslu hér á landi og
þau eru í ríkum mæli að hasla sér
völl erlendis. Til þess að auðvelda
notkun keranna þarf ákveðnar
tæknilausnir og 3X-Stál hafa lagt
áherslu á að vinna að þeim. Þessar
lausnir lúta m.a. að því að losa
hráefnið inn á færibönd, færa ker-
in milli staða í viðkomandi fisk-
vinnsluhúsi, þvo kerin og stafla
þeim. 3X-Stál leggur áherslu á
heildaralusnir í karameðhöndlun
og hefur fyrirtækið þróað mjög
heildstæða vörulínu í þeim til-
gangi. „Karalausnirnar eru okkar
stjörnur þessi misserin,“ segir Jó-
hann. „Aukin áhersla á með-
höndlun og sjálfvirkni, meðal
stórra og smárra fiskvinnsla, hefur
átt þátt í auknum áhuga á heild-
arlausnum í karameðhöndlun,“
bætir hann við.
3X-Stál á Ísafirði vekur mikla athygli fyrir tæknilausnir:
Tíföldun starfsmanna
á níu árum
Á Ísafirði er greinilega frjósamur jarðvegur fyr-
ir tækniþróun í sjávarútvegi. Þar eru starfandi
nokkur athyglisverð fyrirtæki sem á einn eða
annan hátt tengjast sjávarútveginum - Póllinn,
Póls, Snerpa, Sindraberg og 3X-Stál. Að síðast-
nefnda fyrirtækinu beinir Ægir sjónum að
þessu sinni.
Jóhann Jónsson,
framkvæmdastjóri
3X-Stáls á Ísafirði.
Mynd: Halldór Sveinbjörnsson/Ísafirði.