Ægir - 01.01.2003, Blaðsíða 32
32
Þ O R S K E L D I S DA G U R I N N Á A K U R E Y R I
Mikilvægt fyrir Íslendinga að
halda sinni hlutdeild
Í skýrslunni eru dregnar saman
ýmsar athyglisverðar upplýsingar
um þorskveiðar og þorskeldi og
tillögur starfshópsins til sjávarút-
vegsráðherra.
Í upphafi skýrslunnar er bent á
mikilvægi þorsksins fyrir Íslend-
inga, gert sé ráð fyrir því að veið-
ar á þorskinum muni aukast
nokkuð frá því sem nú er og megi
því gera ráð fyrir að Íslendingar
veiði á næstu árum um 20-30%
af heildarafla þorsks í heiminum.
„Mikilvægt er fyrir Íslendinga að
halda sinni hlutdeild í þorsk-
mörkuðum í framtíðinni. Með ört
vaxandi áhuga á þorskeldi í ná-
grannalöndunum, sérstaklega í
Noregi, eru Íslendingar knúnir til
að skoða til hlítar hvort þorskeldi
geti orðið arðbær atvinnugrein
hér á landi,“ segir í inngangskafla
skýrslunnar. Og síðan segir: „Í
ljósi þess að þorskafurðir eru um
40% af útflutningsverðmæti sjáv-
arafurða er full ástæða að velta því
fyrir sér hvað muni gerast ef okk-
ur tekst ekki að byggja upp þor-
skeldi og samkeppnislöndin
koma með verulegt framboð af
eldisþorski. Í dag er óljóst hvaða
stöðu eldisþorskur muni hafa
gagnvart villtum þorski í fram-
tíðinni. Það má þó benda á þá
þróun sem hefur átt sér stað á
laxamörkuðum á síðustu árum
þar sem eldislax hefur verið leið-
andi í markaðsverði. Ef áætlanir
nágrannalanda okkar ná fram að
ganga mun framleiðsla á eldis-
þorski nema nokkrum tugum
þúsunda tonna innan fárra ára.“
Kynbætur mikilvægar
Menn eru sammála um að til þess
að eiga möguleika á hagnaði í
þorskeldi sé lykilatriði að ná góð-
um tökum á eldinu sjálfu. Eins
og staðan er núna eru meiri líkur
taldar á því að áframeldi á þorski
sé hagkvæmara en þorskeldi með
eldisseiðum. Því ræður einkum of
hár framleiðslukostnaður á eld-
isseiðum. „Það er þó alveg ljóst,“
segir í skýrslunni, „að með kyn-
Ný skýrsla um stöðu þorskeldis kynnt á Akureyri:
Talið að kosti 2 milljarða
að þróa þorskeldi á Íslandi
Á þorskeldisráðstefnunni á Akureyri 24. janúar sl. gerði Valdimar Ingi
Gunnarsson, sjávarútvegsfræðingur, ítarlega grein fyrir nýrri skýrslu
um þorskeldi á Íslandi sem er ávöxtur þorskeldisverkefnis sem unnið
hefur verið að allt síðasta ár. Guðbrandur Sigurðsson, framkvæmda-
stjóri Brims og ÚA, var formaður sex manna starfshóps sem stýrði verk-
inu en Valdimar Ingi var starfsmaður verkefnisins.
Frá þorskeldisráðstefnunni
á Akureyri 24. janúar sl.,
sem var fjölsótt.