Ægir - 01.04.2003, Blaðsíða 29

29
Þ J Ó N U S TA
„Ef ég á að staðsetja fyrirtækið
og þjónustu þess á einhvern
hátt þá segi ég að okkar staður
er úti á hafi! Það felur í sér að
við veitum útgerðum þjónustu
og ráðgjöf sem tekur til flestra
þátta útgerðarinnar, ekki að-
eins kvótakaupa. Það þarf að
horfa til fjölmargra þátta í út-
gerð, meta hvenær borgar sig
að kaupa kvóta, hvenær borgar
sig að leigja út kvóta, meta
horfur á markaði, gengismál,
veita ráðgjöf um skipakaup,
fjármögnun og svo framvegis.
Þetta er dæmi um þá þætti sem
við tökum að okkur hjá SM
Kvótaþingi ehf. og lykilþætt-
irnir í svona þjónustu eru síðan
að ávinna traust og trúnað við-
skiptavina og sýna heiðarleika í
hvívetna í þjónustunni,” segir
Svetlana Markovic sem í febrú-
ar sl. stofnaði fyrirtækið SM
Kvótaþing ehf.
Tilgangur með stofnun SM
Kvótaþings ehf. var að setja á
stofn fyrirtæki sem gæti veitt al-
hliða þjónustu í sjávarútvegi.
Með alhliða þjónustu er átt við að
fyrirtækið mun stunda kvóta-
miðlun, skipamiðlun og alhliða
ráðgjöf varðandi fjárfestingar,
fjármögnun og kaup á veiðiheim-
ildum.
Svetlana segir að fyrirtækið sé
algjörlega óháð öllum hagsmuna-
aðilum í sjávarútvegi og leitist
við að veita öllum viðskiptavin-
um sínum óhlutdræga og góða
þjónustu. Starfsmenn fyrirtækis-
ins stundi miðlun sína á veiði-
heimildum og skipum með það í
huga að markaðurinn, þ.e. fram-
boð og eftirspurn fái að stýra
verðþróun.
Svetlana hefur starfað við
kvótamiðlun í tæplega tvö ár og
hefur því öðlast umtalsverða
reynslu á þessu sviði. Hún segir
að vissulega sé verð á varanlegum
aflaheimildum hátt um þessar
mundir en að hennar mati er lík-
legt að verð á varanlegum afla-
heimildum eigi eftir að stíga eitt-
hvað á næstunni í kjölfar kosn-
inga og nýs stjórnarsáttmála.
Leiguverð aflaheimilda fer hins
vegar lækkandi.
„Mér kom nokkuð á óvart að
sjá í stjórnarsáttmála ákvæði um
aukinn byggðakvóta. Miðað við
umræðuna í kosningabaráttunni
mátti búast við línuívilnun en
bæði þessi atriði munu hafa áhrif
á kvótaverð á næstunni, auk held-
ur sem við munum sjá áhrif af
aukningu aflaheimilda sem boð-
aðar voru í kosningabaráttunni.
Þessu til viðbótar er rætt um
aukna veiðiskyldu, sem að mínu
mati mun ekki hafa mikil áhrif
en hins vegar yrðu mikil áhrif
merkjanleg ef farið yrði út í
skerðingu á framsalsheimildum
þar sem það myndi leiða til
hækkunar á kvótaverði. Saman-
lagt tel ég ótvírætt að þessar
stjórnvaldsaðgerðir munu hafa
áhrif þó erfitt sé að meta að svo
stöddu hversu mikil þau verða á
kvótaverðlag,” segir Svetlana.
Heiðarleiki, virðing og traust
eru þeir þættir sem Svetlana segir
mikilvægt að leggja áherslu á í
þjónustu við viðskiptavini. „Okk-
ar hlutverk er ekki það að segja
útgerðum það sem þær vilja heyra
heldur að leggja faglegt mat á
það sem þær eru að gera eða hafa
fyrirætlanir um að gera og segja
okkar skoðun,” segir Svetlana
Markovic.
SM Kvótaþing ehf. í þjónustu við sjávarútveginn:
Ráðgjöf um flesta þætti
sem að útgerð snúa
Svetlana Markovic, eigandi og framkvæmdastjóri SM Kvótaþings ehf.
Mynd: Sverrir Jónsson