Ægir - 01.04.2003, Blaðsíða 34

34
F I S K V I N N S L A
Ferskleiki í krapanum
Í upphafi skyldi endinn skoða og
það á ekki síður við í
fiskvinnslunni en annars staðar.
Fyrsta stig vinnslunnar er kæling
á fiski eftir aðgerð úti á sjó og þar
hefur þörf fyrir mismundi þykkt
á krapa varð hvatinn að hönnun á
nýju krapakerfi sem kemst inn á
flest millidekk um borð í skip-
um. Kerfi Skagans er nefnt FIS-
100 Combi og er sambyggt úr
forkæli, ísvél og krapablandara í
eitt tæki. Afköst á sólarhring eru
allt að 100 tonn af 15% þykkum
krapa eða 35 tonn af 50% þykk-
um krapa. Stærðin er aðeins (Lx-
BxH) 2300 x 2300 x 1950 mm.
Kerfið hentar jafnt til nota á sjó
og í landi þar sem hægt er að búa
til krapa í því úr fersku vatni, sjó
og pækil eftir aðstæðum.
Sigurður Guðni segir að hönn-
unarforsendur við gerð vélarinnar
hafi verið eftirfarandi:
• Hámarks afköst í lámarks rými.
• Að geta afgreitt þrjár mis-
mundi blöndur af krapa á sama
tíma frá einu og sama kerfi.
• Þykkt á krapa allt að 50%.
• Stýring á hitastigi og þykkt
með einföldum hætti.
„Krapi er notaður til að kæla
fiskinn niður í móttöku og halda
hitastigi hans lágu meðan hann er
unninn. Til þessara nota er þunn-
ur krapi með 15-20% þykkt
hentugur. Mikilvægi þess að hafa
stjórn á hitastiginu í þessu ferli
verður seint ofmetinn. Þetta á
jafnt við um ísfiskskip og land-
vinnslu.
Heill fiskur er almennt fluttur
í körum, hvort heldur er á sjó eða
í landi. Ísþykkni með allt að 50%
ísinnihald hentar best í körin.
Krapinn léttir þá þrýsting af fisk-
inum sem liggur í nokkurs konar
snjóhúsi. Krapanum er dælt í
botn karsins og síðan sett á víxl
fiskur og krapi. Með því að leyfa
krapanum að „drainast” verður
eftir snjór sem umlykur fiskinn
og léttir af honum þrýstingi. Með
endurbótum á hnífnum í krapa-
vélinni hefur tekist að búa til fín-
kornaðan snjó sem heldur fiskin-
Skaginn hf. kemur fram með nýjungar fyrir fiskvinnsluna:
„Landvinnslan á mikið
undir tækniþróuninni“
Skaginn hf. á Akranesi er eitt þeirra íslensku fyrirtækja sem
sérhæfa sig í tækniþróun búnaðar fyrir fiskvinnslu. Flestir eru
sammála um að tækniþróunin í fiskvinnslu geti ráðið úrslitum um
framtíð landvinnslunnar og samkeppnishæfni hennar. Undan-
farna mánuði hefur Skaginn unnið að þróun nýrra tækja sem
stuðla eiga að bættri nýtingu og aukinni arðsemi í landvinnslu.
Með bættri meðferð fisksins frá veiðum til loka vinnslu má auka
verðmæti afurða umtalsvert. Þetta leiðarljós er haft í huga í öllu
ferlinu. Á markaðinn eru komin tæki og önnur eru á lokastigi þró-
unar í þessu ferli. Ægir mun að þessu sinni beina kastljósi að
tækniþróun Skagans og í komandi blöðum verður fjallað um fleiri
íslensk fyrirtæki sem eru að koma fram með athyglisverðar
nýjungar þessi misserin. Rætt var við Sigurð Guðna Sigurðsson,
framkvæmdastjóra Skagans, um vöruþróun fyrirtækisins.
Flæðilína frá
Skaganum í notkun
hjá Fiskiðjunni
Skagfirðingi.
Þrívíddarmynd af lausfrysti frá Skaganum hf.