Ægir - 01.05.2003, Blaðsíða 27
27
S T E I N B Í T S E L D I
Hjá Odda hf. á Pat-
reksfirði er nú unnið
að tilraunaverkefni í
áframeldi á steinbít.
Verkefnið er einkar
áhugavert vegna þess
að þetta er, að því
best er vitað, í fyrsta
skipti sem tilraun er
gerð með eldi á stein-
bít hér á landi.
Sigurður Viggósson, fram-
kvæmdastjóri Odda hf., segir að í
maí hafi steinbítseldið hafist.
Veiddir voru rúmlega hundrað
steinbítar og þeim komið fyrir í
um tíu rúmmetra búri á fjögurra
metra dýpi í Patreksfirði. Fiskur-
inn er fóðraður með loðnu og er
henni dælt í barka niður í búrið.
Áður en tilraunin hófst var fisk-
urinn lengdar- og þyngdarmæld-
ur og annaðist útibú Hafrann-
sóknastofnunarinnar á Ísafirði
þann þátt. Ætlunin er að fylgjast
reglulega með steinbítnum með
neðansjávarmyndavél og síðan
verður fiskurinn mældur eftir
einhverja mánuði til þess að leiða
í ljós hvernig hann dafnar við
þessar aðstæður.
„Steinbíturinn
er okkar fiskur“
Sigurður Viggósson segir að at-
hyglisverðar tilraunir hafi verið
gerðar með hlýrann, sem um
margt er líkur steinbítnum, í
Neskaupstað og einnig úti í Nor-
egi og vonandi leiði þessar fyrstu
tilraunir með steinbítinn einnig
ýmislegt áhugavert í ljós. „Það
má segja að steinbíturinn sé okk-
ar fiskur hérna fyrir vestan og því
fannst okkur ástæða til að skoða
eldi á honum sérstaklega,“ segir
Sigurður.
Einnig í áframeldi á þorski
Oddi hf. á Patreksfirði mun í
sumar hefja áframeldi á þorski. Í
júníbyrjun fékk fyrirtækið út-
hlutað 65 tonna aflaheimildum
til þess að stunda tilraunaeldi á
þorski og segir Sigurður að ætl-
unin sé að veiða fiskinn í snurvoð
og gildrur. Hann segir að áhersla
verði lögð á að menn nái tökum á
veiðitækninni í ár og vonandi sé
þetta eldi komið til að vera.
Til að byrja með reiknar Sig-
urður með að þorskurinn verði
settur út í fjórar eldiskvíar og
munu þeir Odda-menn m.a.
vinna að rannsóknaverkefni í þor-
skeldi með Þórsbergi á Tálkna-
firði, en til samans fengu þessi
fyrirtæki heimild sjávarútvegs-
ráðuneytisins til að veiða 175
tonn af þorski til áframeldis, sem
er röskur þriðjungur þess magns
sem ráðuneytið úthlutaði í byrjun
júní til áframeldis á þorski.
Oddi hf. á Patreksfirði:
Ríður á vaðið með
áframeldi á steinbít
„Það má segja að
steinbíturinn sé okkar
fiskur hérna fyrir vest-
an og því fannst okkur
ástæða til að skoða
eldi á honum sérstak-
lega,“ segir Sigurður
Viggósson hjá Odda á
Patreksfirði.