Ægir - 01.09.2003, Blaðsíða 24
24
E Y J A F J Ö R Ð U R
Haraldur Ólafsson, uppstopp-
ari á Akureyri, hefur á undan-
förnum árum sérhæft sig í
uppstoppun á fiskum, einkum
hefur hann lagt áherslu á upp-
stoppun laxfiska og keppt oft
erlendis á stórmótum í þeirri
tegund uppstoppunar. Raunar
hreppti Haraldur silfurverð-
laun í fiskauppstoppun á síð-
asta Evrópumeistaramóti og
hann vonast til þess að komast
á næsta Evrópumeistaramót,
sem verður í janúar nk.
Haraldur er uppstoppari í fullu
starfi og svo hefur verið undanfar-
in ár. Hann hefur stoppað upp
ótal dýr, t.d. fugla, en eins og
áður segir eru fiskarnir hans aðal-
viðfangsefni. „Ég hef stoppað upp
nytjafiska, t.d. karfa, en fyrst og
fremst er ég þó í vatnafiskunum,“
segir Haraldur og bætir við að
honum sé kunnugt um það að í
Evrópu séu margir sem sérhæfi
sig í uppstoppun á fiskum.
Tímafrek vinna
Uppstoppun á fiskum er mjög
tímafrek og því segir Haraldur að
tiltölulega fáir hafi farið út í þessa
sérhæfingu. „Það eru ýmsar
ástæður fyrir því að menn vilja
láta stoppa upp fyrir sig vatna-
fiska. Ýmsir veiðimenn veiða í
sömu vötunum eða ánum ár eftir
ár og vilja gjarnan eiga uppstopp-
aða fiska frá mismunandi tíma.
En algengast er þó að menn láti
stoppa upp stóru laxfiskana, um
og yfir 20 punda fiska.“
- Hvað tekur langan tíma að
stoppa upp eitt stykki lax?
„Frá því maður byrjar og þar til
verkinu er lokið gæti ég trúað að
líði um hálfur mánuður og það
þarf ekki mikið út af bregða til
þess að þetta fari upp í þrjár vik-
ur. Það tekur sinn tíma að verka
fiskinn og skinnið og síðan þarf
þetta að þorna í um tíu daga áður
en hægt er að halda áfram.“
- Þú segist hafa stoppað upp
karfa?
„Já, ég hef nokkrum sinnum
stoppað upp karfa og einu sinni
stoppaði ég upp mjög sérstakan
karfa sem ég hafði með mér í
keppni erlendis. Þessi fiskur var
ljósari en gengur og gerist. Fisk-
urinn er í eigu skipstjóra sem
hafði veitt karfa í þrjátíu ár, en
aldrei áður séð slíkan fisk.“
Silfurhafi
á Evrópumeistaramóti
- Ertu alltaf annað slagið að
keppa?
„Já, ég hef verið að keppa á
hverju ári undanfarin ár og því
verður ekki neitað að undirbún-
ingur móta tekur mikinn tíma,
maður er í raun að undirbúa sig
allt árið. Síðast keppti ég á
heimsmeistaramótinu í fiskaupp-
stoppun í Bandaríkjunum sl. vor
og gekk bærilega. Ég varð hins
vegar fyrir því að fiskurinn sem
ég flutti með mér vestur
skemmdist í flutningnum og það
hafði sín áhrif á niðurstöðuna.
Það er engin spurning að mað-
ur lærir gríðarlega mikið af því að
taka þátt í slíkum mótum, en
þessu fylgir vissulega töluverður
kostnaður.“
- Er uppstoppunin eins og hver
önnur vinna - frá átta til fimm?
„Já, ég reyni það. Hins vegar
eru oft miklar tarnir í þessu þegar
ég er að undirbúa keppnir. Þá
þarf oft að vinna eins og tími og
þrek endist,“ segir Haraldur
Ólafsson, sem hér á árum áður var
einn af bestu ólympísku lyftinga-
mönnum Íslendinga og keppti
fyrir hönd Íslands á stórmótum.
Haraldur segist vera löngu hætt-
ur að stunda lyftingarnar af
kappi, en hann viðurkennir að
hann haldi sér í þokkalegu formi,
enda veiti ekki af því álagið á
herðarnar sé mikið í uppstoppun-
inni.
Uppstopparinn Haraldur Ólafsson á Akureyri:
Sérhæfir sig í upp-
stoppun fiska
Haraldur Ólafsson er
einn fárra atvinnu-
uppstoppara á Ís-
landi. Hann hefur sér-
hæft sig í að stoppa
upp laxfiska og hefur
gert það gott á Evr-
ópu- og heimsmeist-
aramótum uppstopp-
ara.