Ægir - 01.09.2003, Blaðsíða 25

25
„Stimpilklukka á að vera á einhverjum allt öðrum
stað en í mínu lífi. Ég hef prófað dæmigerða færi-
bandavinnu í landi og hún á engan veginn við
mig. Ég kann betur við frjálsræðið á sjónum,“ seg-
ir Hafnfirðingurinn Ólafur Helgi Sigþórsson,
trillukarl á Jóni Pétri RE-411 sem hann gerir út
ásamt Pétri Ólafssyni. Þeir félagarnir hafa róið
saman undanfarin ár og á síðustu vikum og mán-
uðum hafa þeir fiskað skötusel í Faxaflóa.
„Þetta er þrettán tonna bátur,“ svarar Ólafur Helgi
þegar tíðindamaður Ægis spyr hann út í útgerðina,
„ég er búinn að vera í þessu í um þrjú ár.“
- Hvernig gengur?
„Þetta svona rétt sleppur.“
- Af hverju fórstu út í trilluútgerð?
„Maður þekkir ekkert annað en sjóinn. Ég hef verið
meira og minna á sjónum frá fjórtán ára aldri og nú er
ég þrjátíu og fimm.“
- Hefurðu þá verið á togurum?
„Nei, aldrei á togurum, alltaf á minni bátum.“
- Er þetta lífið?
„Já, þetta er það sem skiptir máli og ég kann best
við mig úti á sjó.“
- Eruð þið með kvóta?
„Nei, við höfum engan kvóta. Við erum of ungir til
þess að hafa veiðireynslu.“
- Hvað er þá til ráða?
„Að leigja kvóta af þeim sem eru úti á Bahamaeyj-
um og leika sér. Það er ekkert annað í stöðunni.“
- Gengur það dæmi upp?
„Við getum sagt að þetta rúlli, það er ekki mikið
meira en það. Leiguverðið á kvótanum er alltof hátt.“
- Hvað hafið þið verið að leigja mikið yfir árið?
„Þetta eru eitthvað á bilinu 100 til 200 tonn af
þorski á ári. Í sumar höfum við verið á skötusel í Faxa-
flóanum og það hefur bara gengið ágætlega.“
- Sýnist þér vera nóg af skötusel í Faxaflóanum?
„Ég gæti best trúað því að það sé meira af honum
en menn halda. Ég hef róið í Faxaflóanum síðustu
tuttugu árin og það hefur verið hending að fá skötusel
í þorskanetin. Síðustu þrjú árin hefur skötuselsgengd
aukist verulega á þessu svæði.“
- Kanntu skýringu á því?
„Líklega er helsta skýringin hlýnandi sjór við land-
ið. Skötuselurinn hefur fært sig nær landinu. Við höf-
um verið að fá hann í net á allt niður í fimm faðma.“
- Hvernig veiðið þið skötuselinn?
„Við tökum hann í grásleppunet. Við erum með um
150 net úti og vitjum að jafnaði tvisvar í viku.“
- Hvert fer skötuselurinn?
„Hann er allur seldur í gegnum fiskmarkað. Mark-
aðurinn leigir okkur kvóta og við seljum aflann þar.“
- Hvert er leiguverðið fyrir kílóið af skötusel?
„Það er rétt um hundrað kall.“
- En þið hafið verið að fá ágætis verð fyrir skötu-
selnum á markaðnum?
„Já, það var ágætt til að byrja með - yfir þrjú hund-
ruð krónur á kílóið. Síðan fór verðið niður í 180 krón-
ur, en hefur aðeins þokast upp aftur.“
- Komið þið til með að stunda þetta áfram í
haust?
„Já, ég á von á því á við reynum að hanga á þessu á
meðan tíðin leyfir. Það er í það minnsta ekki í mikinn
þorsk að sækja eins og er.“
- Þú segir að útgerðin geri ekki mikið meira en
rétt sleppa?
„Nei, maður gæti vel þegið að fá meira út úr þessu.
Við þyrftum að skipta um vél í bátnum, en eins og er
er það ekki auðvelt.“
- Hvað myndi kosta að skipta um vél?
„Ætli það gæti ekki verið rétt um þrjár milljónir
króna.“
- Hvernig stóð á því að þú lagðir fyrir þig sjó-
mennsku?
„Þetta byrjaði þannig að pabbi fór með mig á snur-
voð með þá von í brjósti að ég yrði ekki sjómaður. Það
fór hins vegar á allt annan veg. Ég sannfærðist um að
þetta skyldi ég leggja fyrir mig. Þetta er lífið.“
- Þrátt fyrir að útgerðin sé nokkuð erfið fjárhags-
lega, þá ætlarðu að halda áfram í þessu?
„Já, á meðan ég hef gaman af þessu.“
B RY G G J U S P J A L L I Ð
Þetta er lífið!
Ólafur Helgi Sigþórsson.
Jón Pétur RE-411.