Ægir - 01.09.2003, Blaðsíða 26
26
N Ý F U N D N A L A N D
Kristján Aðalsteinsson, sem
áður var sölu- og markaðsstjóri
Útgerðarfélags Akureyringa
hf., hefur frá síðustu áramót-
um verið framkvæmdastjóri
Harbour Grace CS Inc. í sam-
nefndum bæ við Conception
Bay á Nýfundnalandi. Eimskip
á 25% í Harbour Grace CS
Inc.og annast daglega stjórnun
fyrirtækisins, en það rekur
frystigeymslu og löndunar-
þjónustu auk þess að hafa um-
boð fyrir fiskiskip.
Viðskiptavinir Harbour Grace
CS Inc. eru að stærstum hluta út-
gerðir skipa sem veiða rækju við
Labrador og á Flæmska hattinum.
Harbour Grace annast löndun úr
skipunum og sér um að koma af-
urðunum í frystigeymslu sem síð-
an eru fluttar landleiðina um borð
í millilandaskip, m.a. skip Eim-
skipafélagsins sem hafa viðkomu í
Argentia á Nýfundnalandi.
Einnig sér fyrirtækið um ýmsa
þjónustu við fiskiskipin, varðandi
t.d., umbúðir, kost, viðgerðir o.fl.
Fjölbreytt og lifandi starf
„Mér líkar þetta starf ágætlega.
Þetta er fjölbreytt og maður
kynnist mörgu fólki. Fyrirtækið
rekur frystigeymslur og löndun-
arþjónustu og er jafnframt með
ýmis umboð fyrir veiðiskip. Við
þjónum bæði kanadískum og er-
lendum veiðiskipum sem stunda
veiðar á NAFO-veiðisvæðinu. Á
þessu ári hefur umsetningin hér
fyrst og fremst tengst rækjuveið-
um á Flæmska hattinum og
rækjuveiðum kanadískra skipa
við Labrador. Í sumar höfum við
auk þess þjónustað kanadísk skip
sem stunda grálúðuveiðar norður-
frá milli Baffin Island og Græn-
lands. Við bjóðum útgerðum
skipanna upp á sem víðtækasta
þjónustu, hvort sem það er að út-
vega olíu, vistir, viðgerðir eða
annað. Einnig höfum við komið
að áhafnaskiptum, þ.m.t. að út-
vega gistingu fyrir áhafnarmeð-
limi og bóka flug fyrir þá. Þá höf-
um við tekið að okkur fyrir er-
lendu skipin að miðla umbeðnum
upplýsingum um veiðarnar til
kanadískra stjórnvalda og sækja
um öll tilskilin leyfi fyrir þessi
erlendu skip til þess t.d. að fá að
landa í kanadískum höfnum,“
segir Kristján.
Rækjan með mesta móti
Á þessu ári hafa fá skip undir ís-
lenskum fána stundað veiðar á
Frá Dalvík
til Harbour Grace
Kristján Aðalsteinsson, framkvæmdastjóri Harbour Grace á Nýfundnalandi.
Vetrarríki í Harbour Grace. Þar er oft vindasamt og drjúgt napurt yfir vetrarmánuðina.
„Við þjónum bæði
kanadískum og erlend-
um veiðiskipum sem
stunda veiðar á NAFO-
veiðisvæðinu. Á þessu
ári hefur umsetningin
hér fyrst og fremst
tengst rækjuveiðum á
Flæmska hattinum og
rækjuveiðum
kanadískra skipa við
Labrador,“ segir Krist-
ján.