Ægir - 01.09.2003, Blaðsíða 38
38
Radiomiðun hf. sérhæfir sig í
sölu og þjónustu á siglinga-,
fiskileitar- og fjarskiptatækj-
um fyrir sjávarútveginn, eink-
um hefur áhersla fyrirtækisins
verið á tölvu- og fjarskipta-
lausnir. Á undanförnum árum
hefur Radiomiðun í auknum
mæli komið að ýmsum rann-
sókna- og þróunarverkefnum á
sviði upplýsingatækni fyrir
skipstjórnendur.
Í mars sl. var sjávarútvegshluti
Ísmars hf. sameinaður rekstri
Radiomiðunar og hluti af starfs-
fólki Ísmars færðist yfir til Radi-
omiðunar. Jóhann H. Bjarnason,
framkvæmdastjóri Radiomiðunar,
orðar það svo að í ljósi þess að út-
gerðarfyrirtæki hafi verið að sam-
eina krafta sína og útgerðum hafi
því verið að fækka, sé eðlilegt að
stækka og efla þjónustufyrirtækin
þannig að þau séu vel í stakk
búin að halda uppi öflugri þjón-
ustu við sjávarútveginn.
Eftir sameiningu sjávarútvegs-
sviðs Ísmars og Radiomiðunar eru
24 starfsmenn hjá Radiomiðun,
þar af tíu tæknimenn.
Ýmis þróunarverkefni
„Við erum stærsta fyrirtækið á
þessu sviði í dag og starfsfólk
okkar býr yfir mikilli þekkingu á
þessu sviði sem nýtist vel þeim
útgerðum sem við erum að skipta
við,” segir Jóhann og bætir við að
Radiomiðun hafi undanfarin ár
tekið þátt í mörgum rannsókna-
og þróunarverkefnum sem hafi
það að markmiði að bæta þjón-
ustu við sjófarendur og útgerðir.
Hann nefnir í því sambandi IN-
mobil tölvupóstkerfið sem Radi-
omiðun þróaði í samstarfi við
Snerpu á Ísafirði. Óhætt er að
segja að þetta kerfi hafi sannað
sig vel og stórbætt tölvusam-
skipti við sjófarendur. Með In-
mobil náum við að nýta lághraða
gervihnattasambönd til gagna-
sendinga á hagkvæmu verði.
Einnig nefnir Jóhann þróun raf-
rænnar afladagbókar sem Radi-
omiðun vann með Sjávarútvegs-
stofnun Háskóla Íslands og Fiski-
stofu. “Við erum áfram að vinna
að þessu verkefni og tökum þátt í
Evrópuverkefni um þróun afla-
dagbóka þar sem við leggjum
fram okkar þekkingu á þessu
sviði,” segir Jóhann.
Upplýsingaveita og land-
grunnsverkefni
Radiomiðun hefur byggt upp
upplýsingaveitu þar sem rafræn-
um upplýsingum er komið til
sjófarenda í gegnum gervihnetti.
„Í þessari upplýsingaveitu sem
heitir Þjónustubanki Radiomið-
unar er t.d. að finna veðurupplýs-
ingar, upplýsingar um skyndi- og
reglugerðarlokanir, fréttaþjón-
ustu, gengisskráningu o.fl.,” segir
Jóhann.
Jóhann segir að á undanförnum
mánuðum hafi Radiomiðun unn-
ið að svokölluðu landgrunnsverk-
efni og er von á lokaskýrslu í því
verkefni um miðjan nóvember.
„Að þessu vinnum við með Sjáv-
arútvegsstofnun Háskóla Íslands
og Sjómælingum Íslands. Þetta er
afar spennandi verkefni sem
gengur út á það að byggja upp
öflugasta gagnagrunn dýpisupp-
lýsinga fyrir landgrunnið við Ís-
land,” segir Jóhann.
Botngreiningarbúnaður
Einnig hefur Radíómiðun sett á
markaðinn afar spennandi búnað,
botngreiningatæki sem getur
greint botnhörku og grófleika
botnsins. Þessi búnaður er tengj-
anlegur við flestar tegundir
dýpismæla og skilar frá sér upp-
lýsingum inn á siglingatölvuna
með upplýsingum um botnteg-
und í viðkomandi lit. Þessar upp-
lýsingar er síðan hægt að vista á
siglingatölvunni og skoða sem
lag ofan á sjókortin og þá sett
fram í tvívídd með dýpislínum
eða þrívíid.
Stöðnun í endurnýjun skipa-
stólsins
Jóhann segist sjá fyrir sér áfram-
haldandi þróun í tæknibúnaði
fyrir sjávarútveginn sem hafi það
m.a. að markmiði að bæta afköst
og nýtingu og auka hagkvæmni.
„Við sem erum í þessari þjónustu
verðum að fylgja vel eftir þeirri
þróun sem er og verður í sjávarút-
veginum,“ segir Jóhann. Hins
vegar segir hann það sína skoðun
að Íslendingar hafi verið að drag-
ast of mikið afturúr í endurnýjun
skipastólsins. „Við teljum okkur
vera eina af mestu fiskveiðiþjóð-
um heims og stöndum framarlega
í ýmsu er lýtur að tækniþróun í
sjávarútvegi. Það má því kannski
segja að það skjóti skökku við að
flotinn okkar er orðinn nokkuð
gamall. Af þessu hef ég nokkrar
áhyggjur vegna þess að sem fisk-
veiðiþjóð verðum við að geta ver-
ið samkeppnishæfir. Við þurfum
að geta þróað okkar tækni og
tæki þannig að framleiðnin í ís-
lenskum sjávarútvegi verði helst
betri en hjá þeim löndum sem við
keppum við. Ef við náum því
ekki berum við minna úr býtum
drögumst aftur úr,“ segir Jóhann
H. Bjarnason.
T Æ K N I
Radiomiðun:
Sérhæfing fyrir
sjávarútveginn
Jóhann H.
Bjarnason,
framkvæmdastjóri
Radiomiðunar.