Ægir - 01.10.2003, Blaðsíða 31
31
þunga vegna íss í dagróðraafla.
Þetta finnst okkur vera of lítið,“
segir Óskar Þór og bætir við:
„Síðan höfum við alltaf lagt ríka
áherslu á aðskilnað veiða og
vinnslu, sem er eðlileg krafa út
frá okkar hagsmunum. Við telj-
um að hér þurfi að koma til mun
skýrari reglur um verðmyndun á
fiski. Rétt eins og sjómannasam-
tökunum er okkur þyrnir í aug-
um að veiðiheimildir séu notaðar
sem gjaldmiðill í fiskviðskipt-
um.“
Rammi um starfsemi
fiskmarkaðanna
Óskar Þór Karlsson ítrekar mikil-
vægi þess að löggjafinn setji fisk-
mörkuðum skýran lagaramma.
„Það hefur verið nefnd að störfum
sem fékk það hlutverk að endur-
skoða lög um fiskmarkaði. Niður-
staða þeirrar 0nefndar verður
væntanlega færð inn í frumvarp
sem ég vænti þess að komi fram í
vetur.“
Auk fiskmarkaðsnefndar segir
Óskar að tvær aðrar nefndir á
vegum sjávarútvegsráðuneytisins
hafi skilað tillögum fyrir síðustu
áramót, en ekkert hafi enn bólað á
því að tillögum þeirra hafi verið
hrint í framkvæmd. „Önnur
nefndin, undir formennsku Einars
Guðfinnssonar, alþingismanns,
fjallaði um framtíðarmöguleika
fiskvinnslunnar og hin nefndin
gerði samanburð á starfsskilyrð-
um vinnslu úti á sjó og í landi og
lagði fram ýmsar athyglisverðar
tillögur. Til dæmis lagði nefndin
til að frádráttur þunga vegna íss
hækki úr þremur prósentum í sjö
prósent, sem við teljum vera
miklu nær lagi.“
Áhrif Kínverjanna
á mörkuðum
„Markaðsstaða fyrir fisk hefur að
sumu leyti verið frekar þung að
undanförnu,“ segir Óskar Þór.
„Framleiðsla Kínverja á fiski er
farin að hafa áhrif, enda um mikið
magn að ræða. Okkar sóknarfæri
á móti er aukin vinnsla og sala á
ferskum fiski. Hins vegar er það
mitt mat að hér heima sé flösku-
hálsinn framboð á fiski, í það
minnsta hjá þeim hópi framleið-
enda sem ég stend fyrir. Það er
einfaldlega ekki nægilega mikið
framboð á fiski á fiskmörkuðum.“
Algengast er að fyrirtæki, sem
eiga aðild að Samtökum fisk-
vinnslu án útgerða, kaupi hráefni
á fiskmörkuðum, en einnig eru
þau í beinum viðskiptum við út-
gerðir.
Unnt að stækka ýsumarkaðina
Óskar Þór segir að töluverður
þrýstingur hafi að undanförnu
verið á verðlækkun afurða á okkar
helstu mörkuðum. „Síðan hefur
ekki verið nægilegur markaður til
þess að svara kvótaaukningu í ýs-
unni og það hefur orsakað verð-
lækkun á ýsuafurðum. Undanfar-
in ár hefur verið tiltölulega lítil
framleiðsla á ýsuafurðum og það
er því eðlilegt að núna þegar er
forsenda til þess að stórauka hana
muni taka einhvern tíma að vinna
fyrir hana markaði. Það er hins
vegar í mínum huga enginn vafi
að það er unnt að stækka ýsu-
markaðina, en það mun taka ein-
hvern tíma. Til að byrja með get-
ur auðvitað verið að verð fyrir
hana verði ekki hátt, en ég tel að
með tímanum muni það leita
jafnvægis.“
Ísfiskur í Kópavogi hefur í
mörg undanfarin ár verið mest í
vinnslu á ýsu fyrir Bandaríkja-
markað. „Við erum í traustum
viðskiptum við Icelandic USA,
sem áður hét Coldwater. Verð
hefur vissulega lækkað á ýsunni í
Bandaríkjunum og einnig hefur
dollarinn hrunið. Frá því ýsuverð-
ið var hæst hefur það lækkað um
allt að 80% í íslenskum krón-
um.“
F I S K V I N N S L A Á N Ú T G E R Ð A R
Óskar Þór Karlsson: „Við vildum sjá meiri árangur í gæðamálum
dagróðrabáta og einnig höfum við gert athugasemdir við ýmislegt
varðandi fiskmarkaði.“
Sem næst fjörutíu aðilar eru í Samtökum fiskvinnslu án útgerðar. Flestir eru þeir á
suðvesturhorni landsins.