Ægir - 01.11.2003, Blaðsíða 9

9
S Ö F N
munum. Gínur koma í staðinn
fyrir fólk í leikmyndinni. Notast
er við nýjustu tækni – sjónvörp,
sýningartjald á vegg og DVD-
spilara. Með þessu móti er sýn-
ingin lifandi og fangar augað.
Hvernig borða Íslendingar
saltfisk?
„Með því að panta það fyrirfram
höfum við verið að bjóða gestum
að smakka saltfisk og finnst þeim
mikið til koma. Ég tek reyndar
eftir því að erlendir gestir furða
sig
mest á því þegar þeir sjá út-
flattan saltfisk hvernig við forum
að því að borða þetta. Þá kemur
til okkar kasta að útskýra fyrir
fólki útvötnun á fiskinum og ým-
islegt annað í sambandi við mat-
reiðsluna,” segir Kjartan og vænt-
ir þess að með tíð og tíma fái
Grindavík á sig þann „stimpil” að
vera saltfiskbær Íslands. „Já, ég
bind vonir við að Saltfisksetrið
verði til þess að Grindavík verði
saltfiskbær Íslands og þá geti fólk
komið til bæjarins og fræðst um
þennan forna útveg og fullkomn-
að góða heimsókn með því að fá
sér dýrindis saltfiskrétti á veit-
ingastöðunum hérna,” segir
Kjartan. „Við gerðum okkur von-
ir um að hluti af þeim gestum
sem sækir heim Bláa lónið kæmi
hingað í Saltfisksetrið og þær
vonir hafa gengið eftir. Ég geri
fastlega ráð fyrir að eftir því sem
fleiri vita af setrinu muni gestum
fjölga verulega á næstu árum. Þó
við myndum ekki fá nema 10%
af gestum Bláa lónsins til þess að
koma í Saltfisksetrið, þá væri
verulegum árangri náð,” segir
Kjartan.
Opið alla daga – allt árið
Nú eru þrír starfsmenn í Saltfisk-
setrinu. Það er opið allan ársins
hring frá kl. 11 til 18. Kjartan
segir að töluvert sé um að gestir
fyrirtækja í Grindavík komi í
heimsókn í safnið og einnig hafi
t.d. sjávarútvegsráðuneytið komið
með erlenda gesti í Saltfisksetrið.
Allt stuðli þetta að því að koma
Grindavík betur á kortið í ferða-
málum og styrkja starfsemi Salt-
fisksetursins. „Yfir vetrarmánuð-
ina koma hingað hlutfallslega
mun fleiri Íslendingar, einkum
hefur aðsóknin um helgar verið
mjög góð,” segir Kjartan, sem var
á Vest-Norden ferðakaupstefn-
unni í Færeyjum um miðjan sept-
ember þar sem hann kynnti m.a.
starfsemi Saltfiskseturs Íslands.
„Ég geri mér grein fyrir því að
það tekur töluverðan tíma að
kynna þessa nýjung í ferðamál-
um, en það sem af er getum við
síður en svo kvartað yfir aðsókn
að setrinu,” segir Kjartan Krist-
jánsson.
Í Saltfisksetrinu í
Grindavík er saga
saltfisksins sögð með
stórum myndum,
hnitmiðuðum texta
og fáum en lýsandi
munum. Gínur koma í
staðinn fyrir fólk í
leikmyndinni.