Ægir - 01.11.2003, Blaðsíða 11

11
N E TA G E R Ð A R N Á M
Skipstjórnarmenn áhugasamir
Lárus Þór segir töluverðan áhuga
skipstjórnarmanna á námi í neta-
gerð. „Það má segja að þessi nýi
markhópur hafi bæst við eftir að
við hófum að kenna þetta í fjar-
námi. Skipstjórnarmenn vilja
gjarnan bæta netagerðinni við sig
og eiga hana til góða ef þeir fara í
land og á samning á netaverk-
stæði. Það eru nokkur dæmi um
að skipstjórnarmenn stundi þetta
nám og séu í tölvusamskiptum
úti á sjó,” segir Lárus Þór.
Tölvutæknin hefur hafið inn-
reið sína í netagerðina, eins og
aðrar atvinnugreinar. Þannig eru
netagerðarmenn farnir að nýta sér
sérstök tölvuforrit til hönnunar á
nótum og trollum. „Það er nokk-
uð hröð þróun í þessari tölvu-
tækni. Það hafa til dæmis verið að
koma fram á sjónarsviðið mjög
gagnlegir tölvuhermar, þar sem
hægt er að setja inn allar forsend-
ur varðandi veiðarfærin, þ.m.t.
stærðir og þyngdir. Síðan er hægt
að prófa veiðarfærið í tölvuhermi
og sjá hvernig það virkar við ólík-
ar aðstæður. Bæði Frakkar og
Suður-Kóreumenn eru komnir
með slíka tölvuherma sem ég tel
að við getum haft góð not af.”
Fáar konur í netagerð
Auk bóklegs náms verða nemend-
ur að taka ákveðinn lágmarkstíma
á verkstæði áður en farið er í
sveinspróf. Til þess að verða
meistari í faginu þurfa menn að
bæta við sig meistaraskóla, en þar
er m.a. lögð áhersla á rekstrar-
fræði. „Það er gert ráð fyrir nem-
endur séu í full þrjú ár á samn-
ingi og á þeim tíma taki þeir
bæði verklega og bóklega hlut-
ann. Hafi menn áður tekið eitt-
hvert starfsnám eða bóklegt nám í
framhaldsskóla, þá eru allar sam-
bærilegar greinar metnar.”
Netagerð virðist ekki höfða til
kvenfólksins, ef marka má þann
fjölda stúlkna sem hefur sótt
þetta nám. „Ég man eftir þremur
stúlkum frá því að ég hóf að
kenna netagerð hérna árið 1991
og ég hygg að aðeins ein þeirra sé
starfandi við netagerð í dag. Þetta
hefur alla tíð verið karlafag,
kannski vegna þess að líkamlega
er þetta nokkuð erfið og kannski
svolítið óþrifaleg vinna,” segir
Lárus Þór.
Gagnlegt nám
Lárus Þór telur að netagerðin sé
mjög gagnlegt nám. „Það er ljóst
að áfram verður mikil þörf fyrir
netagerðarmenn, en þó má ætla
að hún verði mismunandi mikil
eftir einstaka byggðarlögum og
landshlutum,” segir Lárus Þór,
sem horfir til þess að aðstaða til
náms í netagerð við Fjölbrauta-
skóla Suðurnesja muni batna þeg-
ar skólinn tekur við upphaf næsta
skólaárs í notkun nýja og full-
komna kennslustofu fyrir neta-
gerðarnámið. „Við fáum mjög
góða aðstöðu fyrir líkangerðina
og einnig batnar aðstaða okkar til
þess að kenna nemum í Sjávarút-
vegsskóla Sameinuðu þjóðanna,
sem hafa tekið veiðarfæragerð hér
sem sérgrein, auk nema á vegum
Þróunarsamvinnustofnunar, und-
anfarin fimm ár hafa komið til
okkar nemendur frá fjölmörgum
löndum á þeirra vegum. Þá má
geta þess að aðsókn útlendinga á
einstök námskeið hefur farið vax-
andi með hverju ári og mikið efni
hefur verið þýtt á ensku. Við
munum einnig koma upp tölvu-
veri þar sem við setjum upp þann
hugbúnað sem er bestur fyrir
veiðarfæragerð í dag. Við munum
kaupa nýjan tölvuhermi, sem
verður mikil bylting. Við höfum
líka gert tilraun með að vera í
beinu tölvusambandi við til-
raunatank í Hirtshals í Dan-
mörku og hún lofar mjög góðu.
Mér sýnist að við getum nýtt
okkur tölvutæknina í þessum efn-
um og sömuleiðis fengið kennslu
í gegnum fjarfundabúnað að
utan,” segir Lárus Þór Pálmason.
Gaman að búa til
eitthvað nýtt
Ingvar Valur Gylfason er 45 ára Akureyringur og hefur
meira og minna starfað í netagerð frá 15 ára aldri.
Hann tók stúdentspróf frá MA á sínum tíma og nam
síðan bókasafnsfræði í HÍ. En mál þróuðust þó þannig
að hann hélt áfram í netagerðinni og sl. vor lauk hann
netagerðarnáminu við Fjölbrautaskóla Suðurnesja og
dúxaði þar í tæknigreinum.
„Netagerðin er áhugaverð starfsgrein, skemmtilegast
er þó að hanna og búa til eitthvað nýtt,” segir Ingvar
Valur og bætir við að í kjölfar netagerðarnámsins hafi
hann fikrað sig áfram í að hanna nætur í tölvum.
Ingvar Valur segir að það hafi vissulega verið mikil
vinna að taka netagerðarnámið meðfram fullri vinnu, en
með góðri skipulagningu og sjálfsaga hafi það verið vel
yfirstíganlegt. „Ég var í verkefnavinnunni á kvöldin og
um helgar,” segir hann og hefur góð orð um
netagerðarnámið í Fjölbrautaskóla Suðurnesja.
Nemendur í Sjávarútvegsskóla Sameinuðu þjóðanna og á vegum
Þróunarsamvinnustofnunar hafa á undanförnum árum kynnt sér
veiðarfæragerð í Fjölbrautaskóla Suðurnesja.
„Það er ljóst að áfram verður mikil þörf fyrir netagerðarmenn, en þó má ætla að hún
verði mismunandi mikil eftir einstaka byggðarlögum og landshlutum,” segir Lárus Þór
Pálmason, brautarstjóri námsbrautar Fjölbrautaskóla Suðurnesja í netagerð.