Ægir - 01.11.2003, Blaðsíða 13

13
AU Ð L I N DA N Á M
Aðsókn að sjávarútvegstengdu
námi í Háskólanum á Akureyri
hefur aukist umtalsvert að
undanförnu. Í haust var 51 ný-
nemi skráður í auðildadeild, en
undir hana heyra sjávarútvegs-
braut, fiskeldisbraut, líftækni-
braut og umhverfisbraut. Þar
af hófu 23 nám í sjávarútvegs-
fræði. Í það heila voru 92 nem-
endur skráðir í nám í auðilda-
deild við upphaf skólaárs, sem
Eyjólfur Guðmundsson starf-
andi deildarforseti auðlinda-
deildar telur vel viðunandi.
Fyrstu starfsár Háskólans á Ak-
ureyri var starfrækt sjávarútvegs-
deild, en fyrir tveimur árum var
nafninu breytt í auðlindadeild,
námsframboðið aukið og starf-
semin útvíkkuð. Þetta hefur borið
tilætlaðan árangur því nemend-
um hefur fjölgað verulega.
Af þeim 92 nemendum sem
voru skráðir í auðlindadeild HA í
upphafi þessa skólaárs, eru 45 á
sjávarútvegbraut. Röskur þriðj-
ungur nemenda við auðlindadeild
stundar nám sitt í fjarnámi.
Góðir atvinnumöguleikar
Framan af sóttu nám í sjávarút-
vegsfræðum fyrst og fremst nem-
endur sem áttu rætur í sjávarút-
veginum, sem höfðu starfað þar
eða höfðu tengsl við sjávarútveg-
inn á einn eða annan hátt. Það
hefur hinsvegar aukist á síðustu
árum að nemendur hafi ekki
starfsreynslu úr sjávarútvegi þeg-
ar að þeir hefja nám við deildina
Í dag eru nemendur því blanda af
fólki með reynslu úr atvinnulíf-
inu og nemendum sem koma í
háskólanám beint úr framhalds-
skólum. „Að mínu mati hefur
þetta nám spurst vel út og ég lít
svo á að nemendur telji að sjávar-
útvegsfræði sé góður valkostur í
fjölbreyttri námsflóru á háskóla-
stigi. Þetta er fjölbreytt nám og
reynslan er sú að útskrifaðir sjáv-
arútvegsfræðingar hafa haslað sér
víða völl í atvinnulífinu, ekkert
endilega inni í sjálfum sjávarút-
vegsfyrirtækjunum. Nemendur
héðan hafa til þessa átt auðvelt
með að fá vinnu, t.d. í fram-
leiðslustýringu, gæðastjórnun,
hjá verkfræðistofum og ráðgjafar-
fyrirtækjum, í fjármálageiranum
og tölvufyrirtækjum. Og það er
athyglisvert að nemendur sem
hafa útskrifast hjá okkur síðustu
tvö ár gegna margir lykilhlut-
verki í þróunarverkefnum í fisk-
eldi, sem nú eru í gangi um allt
land,” segir Eyjólfur.
Sami grunnurinn
Allir nemendur í auðlindadeild
taka sama grunninn í raun- og
viðskiptagreinum – samtals 45
einingar. Síðan taka nemendur 27
– 33 einingar í sérgreinum sem
kenndar er á hverri braut fyrir
sig. Þessu til viðbótar taka nem-
endur 6 – 12 einingar í valnám-
skeiðum í raun- og/eða viðskipta-
greinum og að lokum þurfa þeir
að skila 6 eininga lokaverkefni til
BS-prófs.
Fjölbreytt en krefjandi nám
„Ég tel að námið í auðlindadeild
sé krefjandi og reynslan hefur
sýnt að nemendur sem hafa ætlað
að vinna með náminu gefast fljótt
upp á því. Viðveran er mikil, ekki
síst vegna þess að verklegi hlut-
inn er ríkur þáttur í náminu,”
segir Eyjólfur og játar því að
miklar kröfur séu gerðar í raun-
greinum eins og stærðfræði, efna-
fræði og líffræði. „Því miður hef-
ur verið töluvert brottfall á fyrsta
ári, sem má að hluta til rekja til
þess að nemendur komi hingað
inn með ónógan grunn í þessum
raungreinum. En ég tel að fyrst
og fremst sé lykillinn að því að ná
árangri í þessu námi að stunda
það vel, reynslan sýnir að það er
það sem skiptir máli,” segir
Eyjólfur.
Masternám
Í undirbúningi er að bjóða upp á
masternám við auðlindadeild HA
og það yrði þá gert í samvinnu
við innlendar rannsóknastofnanir
og innlenda og erlenda háskóla.
Raunar hefur einn nemandi í
sjávarútvegsfræði nú þegar lokið
masternámi frá Háskólanum á
Akureyri, í samvinnu við háskóla
í Bergen. Þessi nemandi, sem
vann athyglisvert lokaverkefni
varðandi áhrif veiðarfæra á afla,
hefur nú hafið doktorsnám í
Bergen. „Við getum sett upp slíkt
masternám ef nemendur óska eft-
ir því, en við stefnum að því áður
en langt um líður að geta boðið
fullmótað masternám í greinum
sem heyra undir auðlindadeild
hér við skólann,” segir Eyjólfur
Guðmundsson.
Háskólinn á Akureyri:
Aukin aðsókn
að auðlindadeild
„Að mínu mati hefur
þetta nám spurst vel
út og ég lít svo á að
nemendur telji að
sjávarútvegsfræði sé
góður valkostur í fjöl-
breytti námsflóru á
háskólastigi.”