Ægir - 01.11.2003, Blaðsíða 17

N Á M
17
Jón B. Stefánsson tók fyrr á
þessu ári við starfi skólameist-
ara og framkvæmdastjóra
Menntafélagsins ehf. og því er
þetta hans fyrsti vetur sem
skólastjórnandi.
Jón hefur víðtæka reynslu úr
atvinnulífinu. Til nokkurra ára
var hann starfsmannastjóri Eim-
skips og veitti síðan skrifstofu
Eimskips í Bandaríkjunum for-
stöðu. Frá Bandaríkjunum lá leið-
in yfir Atlantshafið til Bretlands
þar sem Jón var í níu ár forstjóri
MGH Limited, síðar Eimskip
UK.
Eftir að heim til Íslands var
komið starfaði Jón um skeið hjá
innanlandsdeild Eimskips, m.a.
starfaði hann við að stofnsetja,
Flytjanda. Þaðan lá leiðin til
Heklu hf., þar sem Jón var um
tíma forstöðumaður vélasviðs, og
forstjóri Sjóklæðagerðarinnar var
hann síðan í tvö ár. „Störf mín
undanfarin ár hafa því á einn eða
annan hátt tengst sjónum,” segir
Jón, sem raunar er kennara-
menntaður og hefur bæði réttindi
til almennrar kennslu og íþrótta-
kennslu.
„Mér líkar þetta starf vel. Þetta
er spennandi verkefni og þrátt
fyrir að starfsemi bæði Stýri-
mannaskólans í Reykjavík og
Vélskóla Íslands hafi dregist sam-
an á undanförnum árum, þá sé ég
hér ýmis tækifæri og ég er þess
fullviss að vel sé mögulegt að efla
þetta nám.”
Úra og klukkuverslun Hermanns Jónssonar
Veltusundi 3b - 101 Reykjavík - Sími 551 3014
Sjómannakrossinn!
Jóla- og nýársgjöf sjómannsins
Verð 12.950 kr.
Sögufrægt
hús fékk and-
litslyftingu
Stýrimanna-
skólinn í
Reykjavík og
Vélskóli Ís-
lands hafa um
árabil verið í
hinu virðulega
húsi við Há-
teigsveg, sem
oftast er í daglegu tali nefnt
Sjómannaskólinn, en húsinu var
gefið nafnið Sjómannaskóli Ís-
lands við vígslu þess árið 1944.
Jón skólameistari segir að góður
andi sé í þessu húsi og það
standi síður en svo til að færa
starfsemina eitthvað annað. Ný-
verið voru fjarlægðir vinnupall-
ar, sem hafa verið utan á húsinu
sl. þrjú ár, og við blasti glæsi-
legt hús sem hefur gengið í
endurnýjun lífdaga. Það var orð-
ið mjög aðkallandi að gera við
húsið að utan og ljóst má vera
að sú viðgerð hefur tekist mjög
vel. Húsið var einangrað upp á
nýtt, múrhúðað, skipt um alla
glugga og þak. Nýju klukkuverki
var komið fyrir í turninum og
svalirnar í kringum hann steypt-
ar.
„Ég hef mikinn áhuga á því að
turn hússins og framhlið þess
verði upplýst, enda tel ég að
þetta sé eitt af fallegri húsum
borgarinnar,” segir Jón B. Stef-
ánsson.
Jón B. Stefánsson, skólameistari og
framkvæmdastjóri Menntafélagsins ehf.
Ýmis
sóknarfæri
Sjómannaskólahúsið
við Háteigsveg hefur
verið gert upp að
utan og er nú hið
glæsilegasta.