Ægir - 01.11.2003, Blaðsíða 24

24
B L A Ð AU K I U M S J Á VA R Ú T V E G Á N O R Ð U R L A N D I
„Það er mín skoðun að norðlenskur sjávarútvegur hafi á
síðari árum orðið enn mikilvægari stoð atvinnulífs og at-
vinnuframþróunar á Norðurlandi en fyrir 10-20 árum. Það
sjáum við út frá háu hlutfalli skatttekna sveitarfélaga af
sjávarútvegstengdri starfsemi, við sjáum það einnig af töl-
um um verðmæti og útflutningstekjur á Norðurlandi og
við mælum það einnig af því að á Norðurlandi höfum við
nokkur af stærstu og framsæknustu fyrirtækjum í íslensk-
um sjávarútvegi. Allt þetta segir mér að norðlenskur sjáv-
arútvegur hefur tekið við af hnignandi iðnaði og landbún-
aði sem máttarstólpi atvinnulífsins,” segir Þorsteinn Már
Baldvinsson, forstjóri Samherja hf.
102.500 þorskígildistonn á Norðurlandi
á þessu fiskveiðiári
”Ef við skoðum sjávarútveginn á Norðurlandi má hugsa sér að
skipta fjórðungnum upp í þrennt, þ.e. svæðið frá Hvammstanga
að Tröllaskaga, í öðru lagi Eyjafjarðarsvæðið og í þriðja lagi
svæðið frá Eyjafirði og austur til Þórshafnar.
Úthlutaðar aflaheimildir á þessu svæði eru í heild um
102.500 þorskígildistonn á yfirstandandi fiskveiðiári, þar af
16.500 á Norðurlandi vestra (Vestursvæði), 76.000 á Eyjafjarð-
arsvæðinu og 10.000 austan Eyjafjarðar (Austursvæði). Afla-
heimildirnar eru mestar á Eyjafjarðarsvæðinu en í heild eru út-
hlutaðar aflaheimildir á Norðurlandi um fjórðungur af heildar-
úthlutun aflaheimilda á landinu öllu (alls um 27%). Þetta und-
irstrikar hversu snar þáttur í atvinnulífi fjórðungsins sjávarút-
vegurinn er.
Um margra ára skeið hefur ríkt nokkur stöðugleiki hvað afla-
heimildir varðar á Norðurlandi en við sjáum samt að á síðustu
tveimur til þremur fiskveiðiárum hafa aflaheimildir farið
minnkandi á Norðurlandi á meðan önnur svæði hafa bætt við
sig. Aukningin kem-
ur fram á Vestfjörð-
um, Vesturlandi og á
Reykjanesi, væntan-
lega á kostnað Norð-
urlands og sér í lagi
Akureyrar. Þetta segir
okkur að hástemmdar
yfirlýsingar um að
hingað til Norður-
lands séu sífellt að „sogast” aflaheimildir af öðrum svæðum
landsins eiga hreinlega ekki við.”
Togaraútgerð áberandi á Norðurlandi
Þorsteinn Már bendir á að togaraútgerð sé yfirgnæfandi útgerð-
arform í norðlenskum sjávarútvegi og skeri sig hvað það varðar
glögglega frá öðrum landssvæðum.
„Þriðji hver togari á miðunum kemur frá Norðurlandi og má
ljóst vera að allar breytingar sem yrðu gerðar á fiskveiðistjórn-
inni með tilfærslum milli útgerðarflokka kæmu hart við norð-
lenska togaraútgerð og þá starfsemi sem henni tengist.
Hér vísa ég til umræðunnar um línuívilnun sem við útgerðar-
menn höfum margoft bent á að sé dæmi um tilfærslur milli út-
gerðarflokka, fremur en nokkuð annað. En það er mikilvægt að
hafa í huga að samdráttur í útgerð á Norðurlandi myndi hafa
bein áhrif á hina sterku landvinnslu sem hér er. Það er ekki
vegna nálægðarinnar við fiskimið sem landvinnslan hefur
byggst upp sem raun ber vitni á Norðurlandi. Ástæðan er í og
með sú að okkur hefur auðnast að byggja upp sterka útgerð tog-
ara til að leggja grunn að jafnri og öruggri sókn eftir hráefni á
fjarlægari mið. Á þessu byggjast hinar öflugu bolfiskvinnslur á
Akureyri, Dalvík, Sauðárkróki og Húsavík.”
Þorsteinn Már Baldvinsson, forstjóri Samherja hf.:
Norðlenskur sjávarútvegur
hefur staðið sig
frábærlega vel
Þorsteinn Már Baldvinsson, forstjóri
Samherja.