Ægir - 01.11.2003, Blaðsíða 36

36
Kristján Þór Júlíusson, bæjarstjóri á Ak-
ureyri, segir að sjávarútvegurinn hafi
miklu hlutverki að gegna í Eyjafirði og
Akureyri, enda hafi tvö af stærstu sjáv-
arútvegsfyrirtækjum landsins, Brim hf.
og Samherji hf. höfuðstöðvar á Akur-
eyri.
Til að varpa ljósi á mikilvægi sjávarút-
vegsins fyrir þetta landssvæði nefndi Krist-
ján Þór eftirfarandi:
• 31% íbúa Eyjafjarðarsvæðisins hafa
tekjur sínar frá fiskveiðum, matvæla-
og drykkjarvöruiðnaði.
• 22% af heildaraflaverðmæti er skráð á
skip frá Norð-Austurlandi, hæsta hlut-
fall allra landshluta, langstærsti hlutinn
á Akureyri.
• Á Eyjafjarðarsvæðinu eru skráðar 23 útgerðir, 20 smábáta-
útgerðir og 15 fiskvinnslufyrirtæki.
• 5 fyrirtæki eru skráð í skipasmíðum og 5 fyrirtæki í neta-
gerð.
• Vélstjórnar- og skipstjórnarnám er í Verkmenntaskólanum
á Akureyri.
• Hólaskóli á Sauðarkróki er leiðandi í þekkingaruppbygg-
ingu fiskeldis.
• Eina sérhæfða B.Sc. námið á landinu í sjávarútvegsfræðum
er við Auðlindadeild Háskólans á Akureyri, þar er einnig
kennd líftækni, fiskeldi og umhverfisfræði.
• Stærsti fiskeldisfóðurframleiðandi landsins ásamt sérhæfð-
um seiðaeldisfyrirtækjum s.s. lúðuseiðaeldi og sæeyrnaeldi
eru staðsett í firðinum.
• Annað fiskeldi er komið af stað í Eyjafirði og má þar nefna
þorskeldi, kræklingarækt og laxeldi.
Þá gat Kristján Þór þess að Hafró væri með fjögur störf á Ak-
ureyri, Rf með sjö störf, Fiskistofa með fjögur störf og 2-3 störf
væru á vegum RALA í Eyjafirði.
Aflaheimildirnar gufa ekki upp
Kristján Þór segir að í umræðunni sé alið á
þeim misskilningi að fiskveiðistjórnarkerfið
sé sérstaklega slæmt fyrir landsbyggðina og
að einstaka byggðarlög geti lent í því að
aflaheimildir séu seldar úr byggðarlaginu.
„Þetta er að sjálfsögðu hárrétt en ekki gufa
þessar heimildir upp – þær hljóta að koma
einhverju því byggðarlagi til góða sem þær
eru seldar til,” segir Kristján Þór. „Hins
vegar gleymist í þessari umræðu að hér er
ekki um neina breytingu að ræða frá því
sem áður var. Fyrir tíma aflamarkskerfisins
voru verðmætin bundin við skipin sjálf en
ekki aflaheimildir og þá var sú ,,hætta”
einnig fyrir hendi að útgerðin færi á haus-
inn, líkt og nú, eða eigandi skips seldi það burt úr plássinu.”
Málflutningur stjórnarandstöðunnar
Kristján Þór er afar ósáttur við málflutning stjórnarandstöðu-
flokkanna um sjávarútvegsmál. Sem dæmi nefnir hann að Frjáls-
lyndi flokkurinn hafi lýst því yfir að hann hyggist „innkalla„
aflaheimildir frá þeim sjávarútvegsfyrirtækjum sem hafa þær í
dag, „og þá hefur flokkurinn einnig lýst því yfir að það sé „ekki
ætlan Frjálslynda flokksins með nokkru móti að hrifsa til sín
veiðirétt núverandi kvótaeiganda, síður en svo„, svo ekki þarf að
hafa frekari orð um sjávarútvegsstefnu þessa ágæta flokks.
Segja má að sjávarútvegsstefna Samfylkingar og Vinstri
grænna felist í gamalli hugmyndafræði tengdri þjóðnýtingu eða
kommúnisma þar sem ríkisvaldinu er ætlað að taka bótalaust
veiðiheimildir frá fyrirtækjum í landinu. Meginmunurinn á
stefnu þessara flokka liggur í því hversu hratt þeir vilja taka
aflaheimildirnar frá útgerðinni.”
Eins og hver annar atvinnurekstur
„Ósk mín er sú að farið verði að líta á þessa atvinnugrein sem
hvern annan atvinnurekstur án inngripa stjórnmálamanna,” seg-
ir Kristján Þór. „Innri styrkur Akureyrar byggir m.a. á því að
sjávarútvegsfyrirtækjum hafa verið skapaðar forsendur til að
takast á við erfið viðfangsefni og sækja fram á nýjum sviðum
og starfsfólk þessara fyrirtækja hefur lagt sig fram um að auka
verðmæti þeirra matvæla sem sjávarfangið er. Þarna liggur
okkar styrkur, í hæfileikaríku fólki sem með yfirburða þekk-
ingu og dugnaði hefur náð að byggja upp öflugt fyrirtæki á
þessu sviði. Íslenskt samfélag hefur ekki efni á því að gera
nein mistök á því sviði sem sjávarútvegurinn er. Talsmenn lítt
grundaðrar tilraunastarfsemi í þessum efnum hófu í aðdrag-
anda kosninga hættulegan leik. Sá leikur beindist beinlínis að
því að skerða afkomumöguleika fjölda starfsmanna og fjöl-
skyldna þeirra hér á okkar svæði.
Sem kjörinn fulltrúi í bæjarstjórn Akureyrar fyrir þennan
stóra hóp fólks mótmæli ég slíkri aðför að lífsafkomu þess og
heiti á ykkur öll að vera samhent í því að kveða niður þá drauga
sem þannig eru sendir til höfuðs norðlensku atvinnulífi.”
B L A Ð AU K I U M S J Á VA R Ú T V E G Á N O R Ð U R L A N D I
Kristján Þór Júlíusson, bæjarstjóri á Akureyri:
Þurfum að vera samhent
í að kveða niður drauga
Kristján Þór Júlíusson, bæjarstjóri á Akureyri.
Mynd: Myndrún/Rúnar Þór.
Á Eyjafjarðarsvæðinu eru skráðar 23 útgerðir, 20 smábátaútgerðir og 15
fiskvinnslufyrirtæki. Hér er Baldvin Þorsteinsson EA við bryggju á Akureyri.