Ægir - 01.11.2003, Blaðsíða 55

tíðarbátunum voru 7-8 menn í
áhöfn. Stofnkostnaður við þessa
báta er tiltölulega lítill og rekstr-
arkostnaðurinn sáralítill, en hrá-
efnið sem þeir skila er fyrsta
flokks. Svarið við háu kvótaverði
og lækkandi fiskverði er fyrst og
fremst hagkvæmni í rekstri og
henni ná menn fram með þessum
bátum. Tæknilega eru bátarnir
afar fullkomnir og þeir sem til
þekkja segja að tækniþróunin í
þessum bátum sé jafnvel hraðari
en í tölvuheiminum.”
„Rólegir” bátar
Regin segir að við hönnun Gáska-
bátana hafi hann lagt áherslu á að
gera þá „rólega” – m.ö.o. að þeir
fari vel með sjómennina. Hann
segir að í bátunum sé langur kjöl-
ur og þyngdin í kilinum dragi úr
veltingi þeirra um lengdarásinn.
Þá segir Regin að hönnun bát-
anna taki mið af lágmarks við-
námi, þannig sé t.d. öll horn á
bátnum rúnuð.
„Bátarnir sem við erum núna
að smíða fyrir Pál J. Pálsson og
Stakkavík eru að mínu mati mjög
vel búnir og fullkomnir. Vélar-
rúmið er rúmgott og það sama
má segja um lestarrýmið. Þá er
lögð áhersla á að auðvelt sé að
þrífa lúkar og lest,” segir Regin.
En hvað skyldi Gáski 1180
kosta? „Fyrir utan tæki getum við
sagt að hann kosti um 23 millj-
ónir króna,” segir Regin og nefnir
að kostnaður við tæki sé allt frá
1,5 og upp í 5 milljónir króna,
allt eftir því hversu fullkominn
tæknibúnað menn vilja. Í einn af
Færeyjarbátunum voru sett tæki
sem kostuðu um fimm milljónir
króna og Regin orðar það svo að
stýrishúsið hafi verið eins og
stjórnstöð í raforkuveri!
Fjórtán starfsmenn
Það er til marks um þá uppsveiflu
sem hefur orðið í smíði slíkra
báta að nú starfa fjórtán starfs-
menn hjá Mótun ehf., en fyrir
tveimur árum var aðeins einn
starfsmaðu hjá fyrirtækinu. „Vita-
skuld hefur maður lent í ýmsum
hremmingum, en það má segja að
Færeyjamarkaðurinn hafi aftur
komið fótunum undir þessa starf-
semi. Undanfarin ár hefur verið
góð veiði við Færeyjar og Færey-
ingar hafa verið duglegir að end-
urnýja sinn flota. Þeirra fiskveiði-
stjórnunarkerfi, þ.e. sóknarstýr-
ing og veiðarfærastýring, gerir
það að verkum að strandveiðiflot-
inn er öflugur. Færeyingarnir ýttu
út togveiðarfærunum og leggja
áherslu á línu- og handfæraveið-
ar,” segir Regin.
Bjartsýnn á framtíðina
Regin er bjartsýnn á framtíðina í
smíði smábáta. „Ég held að þetta
sé það sem koma skal, þ.e. að
byggja upp bátaflota sem veiðir
fisk á vistvænan hátt og skilar
honum daglega að landi,” segir
Regin. Hann segir að t.d. í Nor-
egi séu ekki smíðaðir slíkir bátar
og hafi fulltrúar frá norska fyrir-
tækinu Mustad, sem sóttu Mótun
heim núna á haustdögum, haft
orð á því að þessir nýju Gáskabát-
ar væru byltingarkenndir.
Í Stakkavíkurbátnum sem Mót-
un hefur þegar afhent er um 450
hestafla Cummins vél, en í þeim
bátum sem núna eru í smíðum
verður milli sex og sjö hundruð
hestafla vélar. „Samkvæmt út-
reikningum miðað við eigin
þyngd bátsins gæti ganghraðinn
verið um 32 mílur. Miðað við ell-
efu tonn með tækjum og olíu er
ganghraðinn um 28 mílur,” segir
Regin Grímsson, framkvæmda-
stjóri og eigandi Mótunar ehf.
55
S M Á B Á TA S M Í Ð I
www.isfell.is
Ísfell ehf • Fiskislóð 14 • P.O.Box 303 • 121 Reykjavík • Sími 5200 500 • isfell@isfell.is
Allar gerðir bindivéla
Stál- og plastbönd
„Bátarnir sem við erum núna að smíða fyrir Pál J. Pálsson og
Stakkavík eru að mínu mati mjög vel búnir og fullkomnir.
Vélarrúmið er rúmgott og það sama má segja um lestarrýmið.”