Ægir - 01.06.2003, Blaðsíða 18

Hinrik orðar það svo að Samskip
hafi á síðustu misserum verið að
þróa útflutning á ferskum fisk-
flökum í gámum og í því skyni
hafa Samskip unnið að tilrauna-
verkefni í samvinnu við Rf og
Samherja hf. Hinrik Örn segir að
þessar tilraunir hafi skilað áhuga-
verðum og jákvæðum niðurstöð-
um, sem bendi til þess að gæði og
ferskleiki fiskflaka sem flutt eru
sjóleiðina á markað sé fyllilega
sambærilegur við fisk sem fluttur
er með flugi. „Það má segja að
það sem skiptir máli í þessu verk-
efni sé hitastýring og loftskipt
umhverfi. Lykilatriðið er að
skipta út lofttegundum í gámin-
um og stýra hitastiginu. Með því
að tæma súrefnið úr gáminum er
unnt að viðhalda ferskleika fisks-
ins mun lengur,“ segir Hinrik
Örn og bætir því við að síðsumars
verði niðurstöður þessa tilrauna-
verkefnis kynntar nánar. Hann
segist vonast til að framleiðendur
og útflytjendur muni taka vel í
þennan nýja möguleika í útflutn-
ingi á ferskum fiskflökum sem og
viðskiptavinir þeirra erlendis,
„enda teljum við að gæði á fiskin-
um í gámum séu sambærileg og á
flugfiski. Við hjá Samskipum
erum með þessi verkefni að leitast
við að finna leiðir til að þjóna við-
skiptavinum okkar enn betur
jafnframt því sem við leitum leiða
til að stækka flutningsmarkaðinn
fyrir gámaflutninga.
Við höfum mikla trú á þessu
verkefni og erum sannfærðir um
gildi þess fyrir útflutning á fersk-
um fiski í framtíðinni.“ segir
Hinrik Örn.
Miklir möguleikar með
stærri Ísheimum
Í lok júní var lokið við að stækka
Ísheima, frystigeymslu Samskipa
við Holtabakka í Reykjavík. Hin-
rik Örn segir að í sínum huga
muni þessi framkvæmd leiða til
verulega aukinnar þjónustu Sam-
skipa við sjávarútveginn. „Sem
dæmi geta stóru fjölveiðiskipin
nú landað afurðum sínum hér hjá
okkur og þær eru síðan fluttar
nokkra metra beint inn í þessa
nýju frystigeymslu, sem má segja
að sé sérhönnuð sem svokölluð
heilfarmageymsla, ekki síst fyrir
uppsjávarafurðir og úthafskarfa.
Þessar vörur eiga miklu fremur
heima í svona frystigeymslu en í
Hinrik Örn Bjarnason tók við starfi deildar-
stjóra útflutningsdeildar Samskipa í mars sl.
Undir þá deild er útflutningur í gámum frá Ís-
landi, stærsti hluti þess útflutnings er fiskur.
„Við erum sem dæmi að tala um ferskan fisk,
saltfisk, frystan fisk, uppsjávarafurðir og lag-
meti. Það má segja að í gegnum þennan út-
flutning nálgist maður þessa sömu aðila í sjáv-
arútveginum sem ég hef verið í sambandi við
undanfarin ár úr annarri átt.“
18
E Y J A B R Æ Ð U R
„Með stækkun Ísheima
höfum við tæplega tvö-
faldað frystirýmið hjá
okkur og allt flutninga-
ferlið verður mun mark-
vissara og hag-
kvæmara,“ segir Hinrik
Örn Bjarnason.
Athyglisverð tilraun með útflutning á ferskum fiskflökum í gámum:
Höfum mikla trú
á þessu verkefni
- segir Hinrik Örn Bjarnason, deildarstjóri útflutningsdeildar Samskipa