Ægir - 01.06.2003, Blaðsíða 20

20
E Y J A B R Æ Ð U R
Sighvatur Bjarnason hefur
lengi starfað í sjávarútvegi. Hann
var sem kunnugt er fram-
kvæmdastjóri Vinnslustöðvarinn-
ar í Eyjum og starfaði síðan um
tíma hjá SÍF. En um þessar
mundir stýrir hann sölu á afurð-
um American Seafoods í Evrópu.
Þegar Ægir náði tali af Sighvati
var hann staddur á skrifstofu
sinni við Vesterbrogade í Kaup-
mannahöfn. „Þegar mér bauðst að
taka þetta starf að mér mátti ég
velja hvar í Evrópu ég vildi hafa
skrifstofuna. Við kusum Kaup-
mannahöfn, enda liggur hún vel
við samgöngum út um alla Evr-
ópu og hér er líka gott að búa,“
segir Sighvatur.
Risastórt útgerðarfyrirtæki
American Seafoods er risastórt út-
gerðarfyrirtæki sem veiðir um
fjögur hundruð þúsund tonn af
bolfiski á ári. Frá Bandaríkj-
unumn gerir félagið út risavaxin
frystiskip, hvert þeirra er 95-110
metra langt, með á bilinu 90-125
manns í áhöfn. Þar af veiða sex
skipanna um 300 þúsund tonn af
Alaskaufsa, eitt skip veiðir um
3.500 tonn af þorski og annað
veiðir lýsing. Einnig gerir fyrir-
tækið út þrjú línuveiðskip sem
veiða þorsk í Kyrrahafinu. Í það
heila framleiðir American
Seafoods um 120 þúsund tonn af
frystum afurðum og þar vegur
Alaskaufsinn þyngst. Skipin
framleiða auk þess um 50-60.000
tonn af fiskimjöli árlega.
Höfuðstöðvarnar eru í Seattle,
en fyrirtækið er með verksmiðju í
New Bedford í Bandaríkjunum
og þar er einnig hörpudiskverk-
smiðja. Þá er American Seafoods
með á sínum snærum fyrirtækið
Southern Pride Catfish, sem
framleiðir afurðir úr leirgeddu
fyrir Bandaríkjamarkað.
35 þúsund tonn af
afurðum í Evrópu
American Seafoods selur afurðir
sínar út um allan heim, í Evrópu
nemur salan um 35 þúsund tonn-
um. Sighvatur segir að starf sitt
sé að miklu leyti fólgið í því að
viðhalda góðum viðskiptasam-
böndum og mynda ný. Liður í því
er að vera í góðu sambandi við
kaupendur út um alla Evrópu og
segir Sighvatur að óneitanlega
fylgi starfinu tíð ferðalög.
Afurðirnar eru fluttar frá Dutch
Harbor yfir Atlantshafið með
leiguskipum. Þeim er skipað upp
í Hollandi og dreift þaðan um
Evrópu. „Við seljum mest til
Þýskalands, Spánar, Frakklands
og Ítalíu, en einnig erum við með
töluverð viðskipti í Austur-Evr-
ópu og í Skandinavíu og þá má
nefna að Bakkavör á Íslandi kaup-
ir af okkur þorskhrogn,“ segir
Sighvatur.
Minni fiskneysla í Evrópu
Sighvatur tekur undir að markað-
ur fyrir sjávarafurðir sé heldur
þungur í Evrópu um þessar
mundir. Á því telur hann að sé
engin ein skýring, en þó megi
skjóta á að erfitt efnahagsástand í
álfunni hafi eitthvað að segja í
þeim efnum. „Það virðist sem
neysla á fiski hafi dregist saman.
Það má ætla að verð á fiski hafi
farið of hátt og því hafi neyslan
minnkað. Mér sýnist að megi bú-
ast við að verð á hefðbundnum
fiskafurðum eigi eftir að lækka
eitthvað á næstu misserum á
mörkuðum í Evrópu,“ segir Sig-
hvatur Bjarnason.
Selur sjávarafurðir American
Seafoods í Evrópu
Eyjamaðurinn Sighvatur Bjarnason starfar nú í Danmörku þar sem
hann veitir forstöðu söluskrifstofu bandaríska sjávarútvegsfyrirtækisins
American Seafoods International fyrir Evrópu. American Seafoods er
eftir því sem næst verður komist stærsta útgerðarfyrirtæki heims með
vel á annað þúsund starfsmenn. Norski athafnamaðurinn Kjell Inge
Rökke stofnaði fyrirtækið á sínum tíma, en seldi það fyrir þremur árum
og nú er það í eigu Bandaríkjamanna.
Sighvatur Bjarnason.