Ægir - 01.06.2003, Blaðsíða 28
28
S A F N A M Á L
Síldarminjasafnið fékk Ný-
sköpunarverðlaun Ferðamála-
ráðs árið 1998, Heiðursviður-
kenningu Lýðveldssjóðs Al-
þingis 1999 og Íslensku safn-
verðlaunin árið 2000. Einnig
hefur safnið hlotið viðurkenn-
ingu frá Iðnþróunarfélagi
Norðurlands vestra og nýjasta
rósin í hnappagatið er tilnefn-
ing Síldarminjasafnsins fyrir
hönd Íslands til Evrópsku
safnverðlaunanna. „Þessi tilnefning vekur vissulega enn frekar athygli á safninu
og auðveldar okkur að afla styrkja til uppbyggingarinnar,“ segir Örlygur Krist-
finnsson. „Það er mikill heiður fyrir okkur að Safnaráð skyldi ákveða að tilnefna
Síldarminjasafnið til þessara verðlauna, en þetta er í fyrsta skipti sem Ísland til-
nefnir safn til verðlaunanna. Evrópsku safnverðlaunin eiga sér 26 ára sögu og eitt
safn fær á ári hverju aðal verðlaunin. Fulltrúi dómnefndar kom hingað til okkar í
sumar og kynnti sér safnið.
Rétt er að hafa í huga að í Evrópu eru 38 þúsund söfn og á hverju ári eru til-
nefndir nokkrir tugir safna til Evrópsku safnverðlaunanna. Við gerum okkur ekki
vonir um að komast lengra en í þetta forval, en bara þessi tilnefning er eitthvað
sem við höfðum aldrei átt von á. Við gerum okkur ekki vonir um að Síldarminja-
safnið hafi betur í keppni við Louvre í París og fleiri heimsfræg söfn!“ Safngestur virðir fyrir sér síldarstúlku í öllum herklæðum.
Tilnefnt til Evrópsku
safnverðlaunanna
Líkan af Gránu - bræðsluminjahúsinu - og bátahúsinu,
sem nú er verið að reisa. Eins og sjá má verður bátahúsið
engin smásmíði.
Um helgar á sumrin er
efnt til síldarsöltunar á
planinu við Síldarminja-
safnið og þannig er
leitast við að endur-
skapa hina eina og
sönnu síldarstemmn-
ingu á Sigló á síðustu
öld.
Síldarhátíð á Sigló á næsta ári
Fært hefur verið í annála að þann 8. júlí 1903 hafi Norðmenn
landað fyrstu síldinni á Siglufirði og samkvæmt því er öld liðin
frá því að síldarævintýrið á Siglufirði hófst. Af ýmsum ástæðum
eru margir hins vegar þeirrar skoðunar að ævintýri Íslendinga
sjálfra hafi ekki hafist fyrir alvöru fyrr en í júlí 1904.
Hvort sem menn miða aldarafmæli síldarævintýrisins við
2003 eða 2004, þá hafa Siglfirðingar ákveðið að efna til mikillar
síldarhátíðar á næsta ári og í tengslum við hana verður nýja
bátahúsið og bræðslusafnið í Gránu væntanlega vígð sem nýtt
safnhús. Nákvæm tímasetning hátíðarhaldanna hefur ekki verið
ákveðin.
Í ljósi þess að Norðmenn komu mjög við sögu síldariðnaðar á
Siglufirði framan af síðustu öld, eru vonir við það bundnar að
Hákon prins og Mette Marit komi til Siglufjarðar og taki þátt í
hátíðarhöldunum, en það skýrist innan tíðar.