Ægir - 01.06.2003, Blaðsíða 36

Fyrirfram var gert ráð fyrir að
verulega myndi draga úr hagnaði
sjávarútvegsfyrirtækja á þessu ári
miðað við síðasta ár. Þetta hefur
gengið eftir í þeim uppgjörum
sem liggja fyrir hjá stærstu sjáv-
arútvegsfyrirtækjunum á markaði
- t.d. Brimi - sjávarútvegsstoð
Eimskipafélagsins, Samherja hf.,
Eskju hf., Síldarvinnslunni hf.,
Þorbirni Fiskanesi hf. og Granda
hf. Markaðurinn metur það al-
mennt þannig að afkomutölur
þessara stærstu fyrirtækja sé
nokkuð viðunandi og þegar horft
sé fram á veginn megi vænta þess
að reksturinn eigi eftir að rétta
nokkuð úr kútnum, ekki síst hjá
þeim fyrirtækjum sem byggja
mikið á bolfiskveiði. Ástæðan er
einfaldlega þær auknu aflaheim-
ildir sem úthlutað var í bolfiski,
einkum þorski, á nýju fiskveiði-
ári.
Fátt kemur á óvart
„Að mínu mati hefur fátt komið á
óvart í sex mánaða uppgjörum
sjávarútvegsfyrirtækjanna,“ segir
Edda Rós Karlsdóttir hjá grein-
ingardeild Landsbanka Íslands.
„Framlegð fyrirtækjanna hefur
lækkað og á því áttum við von.
Um fjármagnsliðina er hins vegar
alltaf erfiðara að spá fyrirfram.
Það er að sýna sig að stærri fyrir-
tækin á markaðnum, t.d. Sam-
herji og Grandi, eru með áhættu-
dreifðan rekstur og njóta góðs af
því,“ segir Edda Rós.
Fiskeldisstarfsemi Samherja
Í uppgjöri Samherja hf. kom fram
að tap á fiskeldisstarfsemi fyrir-
tækisins að teknu tilliti til af-
skrifta og fjármagnsliða var um
hundrað milljónir króna. Edda
Rós hefur ekki trú á því að þessi
taprekstur dragi úr áhuga mark-
aðarins á Samherja. Þvert á móti
sjái menn að þegar til lengri tíma
litið sé fiskeldið vaxtarbroddur í
íslenskum sjávarútvegi og við-
leitni Samherja í þessum efnum
sé virðarverður. „Í verðmati á
Samherja vegur fiskeldið ekki
þungt, vegna þess hversu ung
grein það er. Ég myndi telja að
vegna þess að fiskeldið er tví-
mælalaust vaxtarbroddur í sjávar-
útvegi hér innanlands séu fjárfest-
ar frekar að verðlauna Samherja
fyrir það sem félagið er að gera í
þessum efnum,“ segir Edda Rós.
Lítil hreyfing á bréfum í sjáv-
arútvegsfyrirtækjum
„Krónan hefur verið að lækka að
undanförnu og það mun hjálpa
sjávarútvegsfyrirtækjunum. Á
móti kemur að afurðaverð hefur
verið að lækka. Almennt má segja
að lítil hreyfing hafi verið að und-
anförnu með bréf í sjávarútvegs-
fyrirtækjum. Raunar er það nú
svo að viðskipti á hlutabréfa-
markaðnum hefur verið að þróast
36
F J Á R M Á L
Ögrandi umhverfi
sjávarútvegsins
Sex mánaða uppgjör sjávarútvegsfyrirtækja á hlutabréfamarkaði hafa
verið nokkuð í takt við það sem búist var við, að mati Eddu Rósar Karls-
dóttur, hagfræðings hjá greiningardeild Landsbanka Íslands. Sterk
króna á fyrri hluta ársins, einkum á fyrsta ársfjórðungi, gerði það að
verkum að framlegð í rekstri fyrirtækjanna dróst saman. Þá hefur af-
urðaverð á helstu mörkuðum gefið lítillega eftir á fyrri hluta ársins og
það kemur fram í afkomu fyrirtækjanna.
„Að mínu mati hefur
fátt komið á óvart í
sex mánaða uppgjörum
sjávarútvegsfyrirtækj-
anna,“ segir Edda Rós
Karlsdóttir hjá grein-
ingardeild Landsbanka
Íslands.