Ægir - 01.06.2003, Blaðsíða 37

í þá átt að fyrst og fremst er versl-
að með bréf fyrirtækjanna á aðall-
ista Kauphallarinnar. Fjárfestar
eru í auknum mæli að horfa til
þess hversu stór félögin eru, hver
velta þeirra er og hver seljanleiki
bréfanna er. Heildarvelta á hluta-
bréfamarkaði er þó alls ekki að
minnka, þvert á móti hefur hún
verið að aukast og það sem af er
þessu ári er veltan meiri en hún
var allt síðasta ár, sem var metár,“
segir Edda Rós.
Af framleiðslufyrirtækjum í
sjávarútvegi hefur mest velta ver-
ið með hlutabréf í Granda hf. á
fyrri hluta ársins - af öllum félög-
um á markaði er Grandi þó í sext-
ánda sæti í veltu á fyrri árshelm-
ingi. Næst kemur Samherji hf. í
tuttugasta sæti. Það ber þó að
hafa í huga að Brim - sjávarút-
vegsstoð Eimskipafélagsins - er
inni í veltu með bréf Eimskipafé-
lagsins, sem er í sjötta sæti yfir
veltumestu félög á hlutabréfa-
markaði á fyrrihluta ársins.
Áfram rót á krónunni
Edda Rós spáir því að á næstu
mánuðum muni gengi krónunnar
sveiflast töluvert. „Að mínu mati
munu áfram verða sveiflur á
gengi krónunnar. Þess vegna tel
ég mikilvægt að stjórnendur fyr-
irtækja geri áætlanir fram í tím-
ann og hugi vel að tryggingum
fyrir greiðslum. Það er enginn
vafi á því að virkjanaframkvæmd-
ir fyrir austan og væntingar þar
að lútandi hafa haft mikil áhrif á
gengi krónunnar. Hins vegar er
núna uppi ákveðin óvissa varð-
andi stækkun álvers Norðuráls. Á
næsta ári var gert ráð fyrir að
miklir fjármunir kæmu inn í
efnahagskerfið vegna stækkunar
álversins á Grundartanga . Verði
hins vegar ekkert af þeim fram-
kvæmdum á næsta ári tel ég að
krónan verði veikari framan af
næsta ári en til þessa hefur verið
að spáð. Þó tel ég að hún muni
vart veikjast meira frá því sem nú
er, en hún mun væntanlega hald-
ast veikari en spár gerðu ráð fyr-
ir,“ segir Edda Rós.
Veiking krónunnar hefur já-
kvæð áhrif á rekstur sjávarút-
vegsfyrirtækja
Veiking krónunnar síðustu vik-
urnar hefur orðið til þess að út-
flutningsgreinarnar, þ.m.t. sjávar-
útvegurinn, fá fleiri krónur í
kassann. Hins vegar þýðir lækkun
á gengi krónunnar hærri skuldir
sjávarútvegsins, sem er og hefur
lengið verið mjög skuldsettur.
Edda Rós metur það svo að í
heildarafkomu sjávarútvegsins
hafi veiking krónunnar jákvæð
áhrif fyrir greinina. Hins vegar sé
nokkuð mismunandi hvernig út-
koman hjá einstaka fyrirtækjum
er eftir því inn á hvaða markaði
þau eru að selja. Þannig segir hún
að vegna stöðu pundsins að und-
anförnu hafi útflutningur á Bret-
land komið vel út og það sama
megi segja um útflutning sem sé
bundinn evrum. „Sjávarútvegur-
inn starfar í mjög ögrandi um-
hverfi og það er ljóst að fyrir hann
er vissulega mikilvægt að hafa
sveigjanleika til þess að geta fært
sig milli markaðssvæða. Það er al-
veg ljóst að sjávarútvegur í dag
krefst mikillar sérfræðikunnáttu á
öllum sviðum og ég tel að það
hafi verið að gerast. Inni í fyrir-
tækjunum hafa verið að koma
starfsmenn með sérfræðiþekkingu
á ýmsum sviðum sem leggja sig
fram um að leita sem hagkvæm-
ustu leiða í rekstrinum,“ segir
Edda Rós Karlsdóttir.
37
Edda Rós Karlsdóttir .
„Krónan hefur verið að lækka að undanförnu og það mun hjálpa sjávarútvegsfyrir-
tækjunum. Á móti kemur að afurðaverð hefur verið að lækka.“
F J Á R M Á L
„Sjávarútvegurinn starfar í mjög ögrandi umhverfi og það er ljóst að fyrir hann er vissulega mikilvægt að hafa
sveigjanleika til þess að geta fært sig milli markaðssvæða.“