Ægir - 01.07.2003, Blaðsíða 21

21
Æ G I S V I Ð TA L I Ð
gerst með því að aflaheimildir hafa verið teknar frá
okkur og færðar þeim. Nú eru enn eina ferðina uppi
hugmyndir um að auka hlut smábátanna, einkanlega
á Vestfjörðum, með línuívilnun. Mér hefur þó heyrst
að undanförnu að mönnum sé það ljósara en áður að
með því að auka hlut smábátanna með línuívilnun
verður að taka þá viðbót frá einhverjum öðrum.“
- Áttu von á því að samstaða náist um línuívilnun-
ina?
„Því vil ég bara ekki trúa. Í þessu sambandi hafa
menn rætt um byggðakvóta, sem eilífar deilur eru
um, ekki síst í þeim byggðarlögum sem hafa fengið
byggðakvóta. Ég er eindregið þeirrar skoðunar að
byggðakvóta eigi að afnema, enda eru þeir að mínu
mati barn síns tíma og dæmigert klastur á kerfið.
Það er einfaldlega ekki hægt að leggja það á sjávarút-
veginn að hann standi undir byggðakjörnum þar sem
menn hafa gefist upp. Slíkt er til þess fallið að valda
óhagræði og mismunun í greininni. Ég er eindregið
þeirrar skoðunar að svona plástrar séu til skaða, ég tel
að almenn viðskiptasjónarmið eigi að ráða og menn
verði að bjarga sér.“
Verðum að treysta Hafró
Hérlent fiskveiðistjórnunarkerfi er oft borið saman
við það færeyska og fullyrt að á okkar kerfi halli í
þeim samanburði. Kristján er því algjörlega ósam-
mála. Hann bendir á að í árdaga kvótakerfisins hafi
menn fengið að velja um sóknar- og aflamark og
reynslan af sóknarmarkinu hafi einfaldlega verið það
slæm að um það hafi verið víðtæk samstaða í röðum
útvegsmanna að leggja það kerfi af. „Færeyingar eru
í þeirri stöðu að hafa farið með allt á hausinn og byrj-
að nánast frá grunni. Nú er verið að fækka sóknar-
dögunum í Færeyjum, vegna þess að menn sjá að
þeir eru of margir, sumir segja alltof margir. Ég ætla
að vona að Færeyingar nái betri stjórn á sinni sókn,
en það hafa margir af því áhyggjur að það fari illa
fyrir þeim. Ég tel ekki koma til greina að taka upp
slíkt sóknarkerfi hér við land. Í kosningabaráttunni
sl. vor köstuðu menn því fram að rétt væri að láta á
Ánægjulegasta
málið
„Það ánægjulegasta sem ég hef upplifað í
mínum störfum hjá LÍÚ er að sjá að breytingar
á fiskveiðistjórnunarkerfinu skyldu bera þann
árangur sem raun ber vitni, íslenskri þjóð til
heilla. Eftir mörg erfið ár varðandi þorskstofn-
inn erum við nú að sjá árangur, um það vitnar
aukning í úthlutuðum aflaheimildum á þessu
fiskveiðiári. Það hefur ekki alltaf verið auðvelt
að tala fyrir niðurskurði aflaheimilda,en við
trúðum því að sá dagur kæmi að við myndum
sjá árangur af því að takmarka sóknina í
þorskinn. Það voru okkur mikil vonbrigði þegar
andstæðingar kvótakerfisins settu það síðan
fram í stórum blaðaauglýsingum fyrir síðustu al-
þingiskosningar að 30 þúsund tonna aukning í
þorskkvóta væri gjöf til útvegsmanna, að okkur
væru færðir fleiri milljarðar króna á silfurfati.
Þetta er óskaplega lágkúruleg umræða, sem ég
viðurkenni að fer í taugarnar á mér.“
Kristján: Ég tel að
nafna mínum Lofts-
syni takist að selja
hvalaafurðirnar.