Ægir - 01.07.2003, Blaðsíða 24
24
Æ G I S V I Ð TA L I Ð
tísku skoðanir. Ég hef fylgt Sjálfstæðisflokknum að
málum, án þess þó að taka þátt í starfi hans. Reyndar
var ég í stjórn Heimdallar áður en ég tók að mér
trúnaðarstörf hjá LÍÚ, en eftir að kom til starfa hjá
LÍÚ hef ég engan beinan þátt tekið í starfi Sjálfstæð-
isflokksins, utan þess að sitja nokkra landsfundi. Ég
hef oft verið beðinn um að halda ræður við hin og
þessi tækifæri á vegum Sjálfstæðisflokksins, en því
hef ég ávallt neitað, enda tel ég að flokkspólitísk
störf og trúnaðarstörf í samtökum eins og Landssam-
bandi íslenska útvegsmanna fari ekki saman.“
- Hvernig myndirðu lýsa sjálfum þér?
„Það er nú það. Ætli ég myndi ekki lýsa mér sem
heldur lítillátum manni sem ekki er með eins harðan
skráp og margir halda. Ég myndi halda að ég væri
tilfinningaríkur og undir það trúi ég að konan mín
myndi taka.“
Hvalveiðarnar
Landssamband íslenskra útvegsmanna hefur lengi
barist fyrir því að hvalveiðar yrðu hafnar á nýjan leik
hér við land. Kristján segir að þrátt fyrir töluvert
umrót að undanförnum í tengslum við vísindaveiðar
á hrefnu hafi hann síður en svo skipt um skoðun. „Ég
kom til Húsavíkur í sumar og skoðaði þá uppbygg-
ingu sem þar hefur orðið í hvalaskoðun. Ég dáðist af
því sem Húsvíkingar hafa verið að gera í þessum efn-
um og vonandi gengur það dæmi fjárhagslega. Ég tel
að hvalveiðar og hvalaskoðun fari vel saman og hef
orðið fyrir vonbrigðum með málflutning Samtaka
ferðaþjónustunnar í þessu máli.
Ég hef ekki áhyggjur af því að við stefnum mörk-
uðum okkar fyrir sjávarafurðir í hættu með hvalveið-
um. Ég hef sagt við ágæta vini mína sem sinna
markaðsmálunum dags daglega og hafa af þessu
áhyggjur að menn verði að horfa á þetta allt í sam-
hengi. Ef við ætlum að leyfa hvölunum að éta okkur
út á gaddinn, þá höfum við engar sjávarafurðir að
selja í framtíðinni. Við verðum að gæta þess að hafa
jafnvægi í lífríki hafsins. Hér á árum áður þóttu það
tíðindi ef hvalur blés á togaraslóð, en núna eru hvalir
allt í kringum skipin. Jafnvægið hefur því óumdeil-
anlega raskast verulega í hafinu og mér finnst því
sjálfsagt að nýta hvalinn. Svo verður að koma í ljós
hvernig Kristjáni nafna mínum Loftssyni gengur að
selja hvalaafurðirnar. Mér finnst furðulegt þegar
menn gefa sér það fyrirfram að ekki takist að selja
hvalkjötið.“
- Hefurðu trú á því að Kristjáni takist að selja það?
„Já, ég hef það.“
Andsnúinn því að lyfta kvótaþakinu
Stærstu sjávarútvegsfyrirtæki landsins, Brim og
Samherji, eru bæði komin upp undir kvótaþakið svo-
kallaða. Kristján Ragnarsson leggst eindregið gegn
því að hækka þetta þak. „Ég lít svo á að kvótaþakið
sé hluti af þeirri sátt sem þarf að eiga sér stað í þjóð-
félaginu um sjávarútveginn. Ég lít svo á að þó svo að
þau fyrirtæki sem þú nefnir séu komin uppundir
kvótaþakið séu engar forsendur til þess að lyfta því.“
- Vöxtur þessara fyrirtækja yrði þá væntanlega
fyrst og fremst erlendis?
„Já, annað hvort erlendis eða í öðrum þáttum ís-
lensks samfélags.“
- Hver er að þínu mati staða sjávarútvegsins um
þessar mundir?
„Ég tel að hún sé almennt nokkuð góð. Að vísu
hefur gengið verið okkur erfitt að undanförnu, en
það er eitt af því sem við verðum að búa við, enda er
umhverfi sjávarútvegsins allt annað en það var hér á
árum áður. Við erum á markaði með mörg fyrirtækj-
anna og það sama á við um gengi krónunnar. Staða
rækjuveiða og -vinnslu er þó mjög erfið um þessar
mundir vegna verulegra verðlækkana. Ég hef veru-
legan ótta af því að afkoman í rækjuveiðunum eigi
eftir að versna enn frekar. Við getum orðið talið á
fingrum annarrar handar burðug rækuskip hér á
heimamiðum og það sama á við um Flæmska hatt-
inn, en þar erum við með umtalsverðar heimildir
sem við sjáum okkur ekki fært að nýta að fullu vegna
þess að verðið á rækjunni er svo lágt.“
„Það kann vel að vera að smábátamönnum hafi tekist vel upp í því að koma þeirri ímynd á framfæri að smábátaútgerð sé trillukarl
á litla bátnum sínum sem dorgar með færið sitt.“
Ef við ætlum að leyfa hvölunum að éta okkur
út á gaddinn, þá höfum við engar sjávarafurðir
að selja í framtíðinni.