Ægir - 01.07.2003, Blaðsíða 39
stór steinn. Skipstjórar frönsku
skútanna miðuðu við að sigla
ekki inn fyrir þennan stein, til að
koma í veg fyrir hugsanlegt
strand. Talið er að sjómennirnir
hafi beðist fyrir við steininn því
enn má sjá móta fyrir svartmáluð-
um krossi á honum. Árið 1997
afhjúpaði Vigdís Finnbogadóttir
fyrrverandi forseti Íslands minn-
ingarskjöld um franska sjómenn
við Íslandsstrendur.
Verðlaunuð sýning
Sýningin Fransmenn á Íslandi
hlaut verðlaun Markaðsstofu
Austurlands sem frumkvöðull
ársins í ferðamálum á Austurlandi
árið 2001. Sýningin er opin yfir
sumarmánuðina í Templarahús-
inu og þar er einnig rekið kaffi-
hús og upplýsingamiðstöð fyrir
ferðamenn. „Ég hef reynt að
markaðssetja mig í Frakklandi og
kynna safnið vel. Ég hef sett mig
í samband við þessa helstu út-
gerðarbæi í Frakklandi og söfn í
norðurhluta landsins sem tengjast
útgerð. Það hafa því smám saman
komist á tengsl, sem hafa skilað
sér í því að Frakkar koma hingað
í auknum mæli,“ segir Albert.
Albert segir ekkert launungar-
mál að menn horfi til frekari upp-
byggingar á sviði safnamála á Fá-
skrúðsfirði. „Draumur okkar
heimamanna er að endurbyggja
franska spítalann. Hann stóð hér í
þorpinu, en var fluttur yfir fjörð-
inn fyrir sextíu árum og innrétt-
aður sem fjölbýlishús og skóli og
því hlutverki gegndi húsið í þrjá-
tíu ár. Síðustu þrjátíu árin hefur
það hins vegar staðið autt. Við
eigum okkur þann draum að
flytja húsið hingað aftur inn í
þorpið og endurbyggja það. Hug-
myndin fær mjög góðar viðtökur
Frakka og það má segja að þeir
bíði eftir græna ljósinu til þess að
leggja málinu lið. Við vitum af
nokkrum frönskum sjóðum sem
hafa lýst áhuga sínum á að styrkja
þetta verkefni. En áður en af
þessu getur orðið þarf ákveðna
heimavinnu og hún er nú þegar
hafin,“ segir Albert og lýsir þeirri
skoðun að hann vilji sjá franska
spítalann verða einskonar fjölnota
hús - þar sem m.a. verði umrædd
sýning um fransmenn á Íslandi,
kaffihús og gistiheimili og jafnvel
fræðimannaíbúð.
39
AU S T U R L A N D
Sýningin „Fransmenn á Íslandi“ er til húsa í Templarahúsinu á Fáskrúðsfirði, en
skömmu fyrir aldamótin 1900 lét Góðtemplarastúkan Elding byggja húsið. Templarinn
var menningarhús og hýsti ýmsar. Samkomur, t.d. leikstarfsemi, íþróttasýningar, þing-
málafundi, veitingasamkomur, jólatrésskemmtanir og kvikmyndasýningar. Í nokkur ár
var messað í Templaranum á meðan Fáskrúðsfjarðarkirkja var í byggingu. Um tíma var
þar skóvinnustofa. Enn eru ótaldir allir dansleikirnir sem haldnir voru þar.
Templarinn var félagsheimili til ársins 1963, þegar Félagsheimilið Skrúður var tekið í
notkun.
Fransmannasýning í Templarahúsinu
SÚN Samvinnufélag útgerðarmannaOlíusamlag útvegsmanna
Hafnarbraut 6 - 740 Neskaupstaður - Símar: 477 1133 / 477 1215 / 477 1735
Fax: 477 1898 - Netfang: kristinn@tmumbod.is
Súnbúðin-Fjarðasport
Rekstrarvörur fyrir útgerð og fiskvinnslu
Vírar, veiðarfæri og hreinlætisvörur
Allskyns útivistar- og íþróttavörur
Vínbúð ÁTVR
Umboð Tryggingamiðstöðvarinnar hf.
Umboð Olís hf.