Ægir - 01.07.2003, Blaðsíða 53
að standa þannig að málum að
gæði vörunnar haldist í gegnum
vinnsluferlið og alla leið á borð
neytenda. Elvar nefnir að reglu-
lega fundi gæðastjóri og vinnslu-
stjóri um gæðamálin með starfs-
fólki í vinnslusölum. Á hverjum
fundi eru 5-6 starfsmenn.. „Þar
fyrir utan hef ég fyrir reglu að
funda með hverjum og einum
starfsmanni í snyrtingu og pökk-
un þar sem nánar er farið yfir
þessi mál. Þessir einstaklings-
fundir finnst mér vera afar mikil-
vægir, því á þeim bera starfs-
mennirnir á borð ýmsa hluti sem
þeir vilja ekki ræða á fundum
með fleiri starfsmönnum. Út úr
þessum fundum fáum við oftar en
ekki mjög gagnlegar upplýsingar
sem við nýtum til þess að bæta
það sem við teljum þörf á að
bæta. Ég tel ákaflega mikilvægt
að á milli starfsmanna sem vinna
dags daglega við vinnslulínurnar
og okkar sem berum ábyrgð á því
að gæðamálin séu í lagi, ríki
gagnkvæmt traust. Það er lykill-
inn að því að við náum árangri.“
Stífar kröfur um hreinlæti
Í fiskvinnslu eru gerðar mjög stíf-
ar kröfur til starfsmanna um
hreinlæti. „Allir skartgripir eru
bannaðir inni í vinnslunni, ef
giftingarhringurinn er undanskil-
inn, og það sama á við um öll
ilmefni. Starfsmönnum er gert að
klæðast þar til gerðum hlífðarföt-
um og hárneti og er hugsunin
með því fyrst og fremst sú að
verja afurðirnar fyrir óhreinind-
um. Áður en starfsmenn fara inn í
vinnslusal eiga þeir alltaf að þvo
sér rækilega um hendur.
Við erum með þrjú svæði - í
fyrsta lagi útisvæði þar sem fólk
kemur inn og skiptir um föt. Í
öðru lagi eru innisvæði þar sem
farið er í annan skófatnað áður en
gengið er inn í vinnslusalinn. Og
í þriðja lagi er síðan sjálfur
vinnslusalurinn. Öll umferð ann-
arra en starfsmanna um vinnslu-
sali er bönnuð, nema þeir fái til
þess sérstakt leyfi og fari að sett-
um reglum.“
Til að forðast aðskotahluti
Elvar er þess fullviss að gæðakröf-
ur kaupenda fiskafurða muni ekki
slakna á næstu árum, þvert á móti
komi þær til með að herðast.
Þetta segist Elvar þora að fullyrða
í ljósi þess að fulltrúar kaupenda
sem komi í heimsókn séu alltaf að
gera stífari og stífari kröfur um
ýmislegt er lýtur að vinnslunni.
„Það er ekki svo að við verðum
við öllum óskum kaupenda í
þessum efnum. En engu að síður
reynum við að koma til móts við
þær eins og okkur er unnt,“ segir
Elvar og bætir við að hann hafi
oftar en einu sinni séð að í verk-
smiðjum kaupenda ytra séu ekki
gerðar sömu kröfur til ýmissa
hluta varðandi hreinlæti og þeir
gera til framleiðenda á Íslandi.“
Áður en framleiðsluvörur ÚA
eru sendar á markað liggur leið
vörunnar í gegnum málmleitar-
tæki. Þetta er gert til þess að fyr-
irbyggja að málmhlutir/aðskota-
hlutir fari með fiskinum til neyt-
enda. Elvar segist hafa séð um það
dæmi hjá kaupendum íslenskra
fiskafurða erlendis að því miður
sé víða pottur brotinn í þessum
efnum, hér á landi sem og í öðr-
um löndum. „Ég hef séð með eig-
in augum að stundum fara ýmsir
óæskilegir hlutir með fiskinum
til kaupenda. Í Bretlandi sá ég til
dæmis hjá einum kaupanda ýmsa
smáhluti sem hann hafði fundið í
fiski í gegnum sitt eftirlit og
meðal annars kom þessi fiskur
héðan frá Íslandi. Þarna mátti til
dæmis sjá eyrnalokka, hringi,
límbönd, plástra, ýmiskonar
málmhluti, karamellur og sæl-
gætisbréf. Þetta sannaði fyrir mér
hversu gríðarlega mikilvægt virkt
gæðaeftirlit er í fiskvinnslunni
hjá okkur. Ef þessir hlutir eru
ekki í lagi, getur viðkomandi fyr-
irtæki ekki svo auðveldlega snúið
við blaðinu gagnvart viðskipta-
vinum sínum, skaðinn getur verið
varanlegur. Að sama skapi njóta
þau fyrirtæki trausts sinna við-
skiptavina sem leggja mikið upp
úr því að hafa gæðamálin í lagi.“
Getum alltaf gert betur
í dag en í gær
Elvar brosir þegar þeirri spurn-
ingu er varpað fram hvort hann
líti á sig sem einskonar löggu í
gæðamálunum. „Það má kannski
orða það svo,“ segir hann. „Maður
fylgist náið með því að hlutirnir
53
G Æ Ð A E F T I R L I T
Elvar Thorarensen, gæðastjóri Brims.
„Við erum með virkt inntökueftirlit á því hráefni sem við tökum
inn í vinnsluna, í flökuninni, eftir að varan hefur verið snyrt og
síðan að lokinni pökkun og frystingu.“
„Í Bretlandi sá ég til dæmis
hjá einum kaupanda ýmsa
smáhluti sem hann hafði
fundið í fiski í gegnum sitt
eftirlit og meðal annars kom
þessi fiskur héðan frá Ís-
landi.“