Ægir - 01.07.2003, Blaðsíða 56

56
S E A F O O D p l u s
Heildarkostnaður
4 milljarðar króna
Eins og áður segir verður þetta
viðamikla rannsóknarverkefni
skipulagt til fimm ára og er
heildarkostnaður verkefnisins
áætlaður um 2,3 milljarðar ísl. kr,
þar af verður verkefnið styrkt um
1,3 milljarða til 5 ára frá ESB.
Verkefni Rf innan Seafood plus
kosta um 25 milljónir á ári í 5 ár.
„Við höfum lagt mikið á okkur
til þess að reyna að komast í þetta
verkefni og við getum ekki annað
en verið sátt við útkomuna,“ segir
Sjöfn og getur þess að fjölmargir
vísindamenn komi að verkefninu
hér á landi.
„Auðvitað er ákveðinn heiður
fyrir okkur að fá að taka þátt í
þessu verkefni. Rf hefur vissulega
tekið þátt í mörgum Evrópuverk-
efnum áður, en þetta er það viða-
mesta til þessa. Í þessu eru tölu-
verðir fjármunir, en ég hef sagt að
það mikilvægasta er að fá þau
tækifæri sem í þessu felast og
koma á tengslum við vísinda-
menn í Evrópu, að fá að fylgjast
með því nýjasta sem er að gerast á
þessu sviði í dag.“
Íslendingar stýra tveimur
verkefnum
Sjöfn segir ekki tilviljun að rann-
sóknarverkefni um heilnæmi sjáv-
arafurða fái svo mikið vægi um
þessar mundir innan ESB. „Ef við
horfum til þess sem hefur verið að
gerast á matvælasviðinu í Evrópu
á síðustu þremur árum kemur í
ljós að þar hefur ýmislegt miður
gott gerst. Nefna má kúariðuna
og díoxin í matvælum sem dæmi.
Þetta hefur m.a orðið til þess að
menn horfa í auknum mæli til
þess að auka eftirlit með matvæl-
um og leitast við að tryggja neyt-
endum þannig heilnæma matvör-
ur. Innan þessa stóra verkefnis-
ramma stýrir Guðjón Þorkelsson,
sérfræðingur á Rf, verkefni sem
fjallar um nýtingu og vinnslu á
próteinum og hvernig hugsanlega
sé unnt að nýta prótein úr sjávar-
fangi betur en gert er í dag. Inga
Þórsdóttir, prófessor í næringar-
fræði innan matvælaskorar Há-
skóla Íslands, mun einnig stýra
öðrum hluta verkefnisins sem lýt-
ur að næringarfræði og t.d. mun
hún rannsaka tengsl á milli hold-
arfars fólks og neyslu fiskmetis,
ekki síst hjá börnum. Það er ljóst
að vísindamenn hér innanlands
munu þannig hafa náið samband
um vinnslu á þessum tveimur
verkefnum,“ segir Sjöfn.
Hjólin byrja að snúast á næsta
ári
„Næstu drög að verkefnunum
verða send til Evrópusambandsins
þann 1. október, en samningum
um þau á að vera lokið um ára-
mót þannig að hin eiginlega
rannsóknarvinna geti hafist í
byrjun næsta árs,“ segir Sjöfn.
„Auk próteinsverkefnisins er gert
ráð fyrir að okkar starfsmenn
komi einnig að þeim hluta sem
snýr að matvælaöryggi, örverum
og áhættugreiningu. Íslendingar
eru sem sagt að stýra tveimur af
tuttugu og tveimur verkefnum í
SEAFOODplus, sem verður að
teljast mjög góður vitnisburður
um íslenska vísindamenn,“ segir
Sjöfn og telur mikilvægt að gott
samstarf verði við sjávarútvegsfyr-
irtæki hér á landi um ýmsa þætti
rannsóknarvinnunnar.
Lögð er áhersla á að kynna
mjög rækilega allar niðurstöður
af þeim rannsóknum sem
framundan eru, bæði á meðan á
rannsóknarvinnunni stendur og
einnig þegar verkefninu lýkur
eftir fimm ár.
„Okkur er það mikilvægt að
eiga gott samstarf við erlenda vís-
indamenn á þessu sviði og það er
enginn vafi í mínum huga að
þátttaka í svona víðtæku verkefni
opnar okkur ákveðnar leiðir til
frekari rannsókna á komandi
árum innan Evrópusambandsins,“
segir Sjöfn.
Hafið samband við skrifstofuna í símum:
0049-471-74494 og 0049-471-76890
Fax: 0049-471-75107
GSM: 0049-171-950-1000
Netfang: isey-hhh@t-online.de
Heimasíða: www.isey.de
ÍSEY FISCHIMPORT GmbH
Fischkai 15, 27572 Bremerhaven
Samúel Hreinsson, heimasími 0049-4703-1645 - GSM 0049-171-950-1000
Þýskaland
Seljum fisk úr gámum og veitum
íslenskum skipum alla hugsanlega
þjónustu í Þýskalandi.
Útvegum einnig veiðarfæri
og varahluti