Ægir - 01.07.2003, Blaðsíða 81

81
„Við leggjum aukna áherslu á flutninga á sjávarafurðum og
teljum okkur geta boðið viðskiptavinum þau verð og þá
þjónustu sem þeir eru að leita eftir. Fram að þessu höfum
við fengið mjög góð viðbrögð og ég er þess fullviss að við
munum áfram bæta okkar stöðu á markaðnum,” segir Egg-
ert H. Kjartansson, forstöðumaður útflutningsdeildar Atl-
antsskipa. Atlantsskip ehf er aðeins fimm ára gamalt fyrir-
tæki, en hefur nú þegar náð góðri fótfestu í flutningum frá
Íslandi til og frá Ameríku og Evrópu. Auk þess útvíkkuðu
eigendur Atlantsskipa ehf starfsemina sl. sumar með því að
stofna Atlantsolíu. Fram að þessu hefur Atlantsolía selt
olíu til stórkaupenda, þar á meðal útgerðarfyrirtækja, en á
næstu misserum hyggst fyrirtækið hasla sér frekar völl á
fyrirtækja- og einstaklingsmarkaði m.a. með opnun bensín-
stöðva.
Atlantsskip er með fastar áætlunarsiglingar á tólf daga fresti
milli Njarðvíkur og Norfolk í Bandaríkjunum og frá Kópavogi
siglir félagið á tíu daga fresti til Esbjerg í Danmörku og Rotter-
dam í Hollandi.
„Við höfum verið að flytja út sjávarafurðir fyrir nokkra stóra
framleiðendur hér á landi, fyrst og fremst frosnar afurðir. Á síð-
asta ári hófum við fastar áætlunarsiglingar til Evrópu, þ.e.
Esbjerg og Rotterdam. Í kjölfarið fórum við í markvissa mark-
aðssókn gagnvart flutningum fyrir sjávarútvegsfyrirtæki. Við
höfum á þessum stutta tíma náð að mínu mati góðum árangri
og vöxturinn hefur verið greinilegur.”
Eggert segir að nýverið hafi Atlantsskip gert samstarfssamn-
ing við Yang Ming Line í Kína um áframflutning til allra hafna
í Asíu. Einnig höfum við gert samninga við önnur skipafélög
um flutninga á hafnir við Miðjarðarhafið. Skandinavía, Balkan-
löndin og Rússland eru í flutninganeti okkar auk þess sem
skreiðarflutningar munu hefjast mjög fljótlega til Nígeríu.
Þetta þýðir að við höfum verið að þétta okkar flutninganet, enda
segjum við okkar viðskiptavinum að við tryggjum að varan
komist á áfangastað á sem stystum tíma.
Við bjóðum aðilum í sjávarútvegi upp á alhliða þjónustu.
Þetta þýðir að við tökum að okkur að landa aflanum beint í
gáma og þeim verði síðan komið á áfangastað. Eftir að Atlants-
olía hóf starfsemi sl. sumar erum við núna í stakk búnir að bjóða
útgerðaraðilum líka upp á fullkomlega samkeppnishæft verð og
gæði á olíu,” segir Eggert. Hjá Atlantsolíu sér Finnur Jónsson
um að veita upplýsingar um verð og afhendingarskilmála.
„Kaupum okkur ekki flutninga“
Sem kunnugt er eru tveir risar fyrir á hérlendum skipaflutn-
ingamarkaði; Eimskip og Samskip. Því er eðlilegt að spurt sé
hvort Atlantsskip
freisti þess að ná
viðskiptavinum
með því að bjóða
þeim lægra verð
en hin skipafélög-
in?
„Við kaupum
okkur ekki flutn-
inga. Við höfum
hins vegar þá
stefnu að bjóða
mönnum bestu verð og þjónustu sem gerist á Eyrinni hverju
sinni. Þessi stefna hefur gefist okkur vel til þessa og ég heyri
ekki annað en viðskiptavinir okkar séu ánægðir. Það sýnir sig að
þau verð sem við erum að bjóða eru sanngjörn og þess vegna eru
fyrirtæki að færa viðskipti sín yfir til okkar. Ég tel að við meg-
um vera vel sáttir við okkar hlut á markaðnum það sem af er, en
við erum bara rétt að byrja,” segir Eggert sem telur að rými sé
fyrir Atlantsskip á íslenska markaðnum. „Það er alltaf rými á
markaðnum fyrir fyrirtæki sem getur boðið hagstætt verð, góða
og persónulega þjónustu,” segir hann.
„Við verðum einnig að gera okkur grein fyrir því að undanfar-
ið hefur verið töluverður þrýstingur á um verðlækkanir á sjávar-
afurðum og það þýðir að framleiðslufyrirtækin verða að leita
allra leiða til þess að lækka kostnaðinn. Stór liður í því er að
leita hagstæðustu kjara fyrir flutninga afurðanna á erlenda
markaði,” segir Eggert.
Stærra gámaskip í Evrópusiglingum
Til marks um aukna spurn eftir flutningum Atlantsskipa milli
Íslands og Evrópu tekur félagið á næstu vikum í notkun annað
og drjúgt stærra gámaskip en nú er í siglingum milli Íslands og
Evrópu. Þá segir forstöðumaður útflutningsdeildar Atlantsskipa
að félagið leggi mikla áherslu á að bjóða ætíð upp á nýja og vel
útbúna gáma. Nýlega bættust nýir 40´ft Carlise frystigámar við
í tækjaflota skipafélagsins við þá sem voru fyrir. Atlantsskip
vinnur eingöngu með nýja eða nýlega frystigáma sem tryggir
hámarksöryggi í rekstri.
Leggjum mikla áherslu
á sjávarafurðir