Ægir - 01.02.2003, Blaðsíða 31

31
Þ J Ó N U S TA
einungis tæplega árið síðar, vígði
Davíð Oddsson forsætisráðherra
húsið með táknrænum hætti, er
hann afgreiddi fyrstu pöntun
Vöruhótelsins, í fjölmennu hófi
sem haldið var í tilefni þessa
merka áfanga í flutningaþjónustu
á Íslandi.
Frumhönnun, verkefnastjórn
og áætlanagerð vegna bygginga-
framkvæmda var í höndum VSÓ
og hollenska ráðgjafarfyrirtækis-
ins Groenewout. Teiknistofa
Garðars Halldórssonar annaðist
hönnun hússins en bygging þess
var í höndum Íslenskra aðalverk-
taka. Tölvukerfi, hillukerfi og
flutningatæki Vöruhótelsins eru
afar vönduð. Í húsinu er notaður
svokallaður MLS-vörustjórnunar-
hugbúnaður frá Fujitsu Siemens,
en slíkur hugbúnaður er notaður í
yfir 100 sambærilegum vöru-
dreifingarmiðstöðvum erlendis.
Húsnæði Vöruhótelsins er
byggt af Eignarhaldsfélaginu
Sundabakka ehf. en rekstur starf-
seminnar verður í sérstöku hluta-
félagi, Vöruhótelinu ehf., sem er í
eigu Eimskips og dótturfélags
Eimskips, TVG Zimsen. Fram-
kvæmdastjóri Vöruhótelsins ehf.
er Gunnar Bachman.
Um níu þúsund manns lögðu
leið sína á fjölskylduhátíð, sem
Vöruhótelið við Sundahöfn í
Reykjavík hélt í tilefni af opnun
hótelsins.
Eins og sjá má er gríðarlega viðamikið kerfi í vöruhótelinu og tæknivæðing sem miðar að því að öll þjónusta gangi sem hraðast og
best fyrir sig.
Alls er rými fyrir 21.000 brettapláss í vöruhótelinu.