Ægir - 01.02.2005, Blaðsíða 41
Slysavarnafélagið Landsbjörg er
aðili að alþjóðlegu sjóbjörgunar-
samtökunum (ILF) og í tengslum
við það hafa myndast mikil og
góð sambönd við önnur sjóbjörg-
unarfélög. Félaginu opnuðust
mikil tækifæri fyrir um áratug
þegar systursamtök í Evrópu hófu
að endurnýja björgunarskipaflota
sinn. Með því fengust til kaups
nokkur notuð björgunarskip á
afar hagstæðu verði sem er langt
undir því sem gerist og gengur á
markaði.
Smábátar og erfið innsigling
Að sögn Valgeirs Elíassonar, upp-
lýsingafulltrúa Slysavarnarfélags-
ins Landsbjargar, hefur skipunum
verið valinn staður með tilliti til
sjósóknar og hvar sjóslys ættu sér
helst stað við strendur landsins.
„Á þessu byggðum við mat okkar
fyrst og fremst, en margir þættir
aðrir hafa komið inn í myndina.
Erfið innsiglingarskilyrði vega
þungt og sömuleiðis hvar smá-
bátaútgerðin er mest. Reynslan
hefur til dæmis sýnt að mikil þörf
er fyrir björgunarskip í Grindavík
og Sandgerði og þá með tilliti til
beggja þessara þátta sem ég nefni.
Á Ísafirði hefur sömuleiðis reynst
mikil þörf fyrir björgunarskip,“
segir Valgeir.
Árið 1999 voru skipin orðin
níu talsins og þau staðsett í
Reykjavík, á Rifi, Ísafirði, Siglu-
firði, Raufarhöfn, í Neskaupstað,
Vestmannaeyjum, Grindavík og
Sandgerði. Á síðastnefnda staðinn
kom raunar fyrsta skipið árið
1993 og ber það nafn Hannesar
Þ. Hafstein, sem var fram-
kvæmdastjóri Slysavarnafélags Ís-
lands um áratugaskeið.
Öll strandlengjan
Skipsskaðar, slys og veikindi um
borð í skipum eru staðreynd. Með
þéttriðnu neti björgunarskipa
hringinn í kringum landið er
hægt að bregðast við með hraða
og öryggi til að koma sjómönn-
um til aðstoðar þegar á þarf að
halda við allar aðstæður. „Mark-
miðið er að áhafnir björgunar-
skipanna séu vel þjálfaðar og geti
sinnt öllum erfiðustu útköllum
og sjúkraflutningum sem þörf er
á og við allar aðstæður. Björgun-
arskipin hafa mikið öryggisgildi.
Nú þegar við höfum lokað
hringnum á strandlengjunni um-
hverfis landið verður viðbragðs-
tími á hafsvæðinu, sem sjálfvirka
tilkynningarskyldan nær til, inn-
an við þrjár klukkustundir á flest-
um svæðum,“ segir Valgeir.
Þegar afráðið var á síðasta ári að
fjölga björgunarskipum, var sem
fyrr horft til þess hvar þeirra væri
mest þörf. Áhrifaþættirnir voru
hinir sömu og áður, en jafnframt
var kostað kapps um að skip væru
staðsett með nokkuð jöfnu milli-
bili hringinn í kringum landið.
Niðurstaðan varð að staðsetja
skipin á Patreksfirði, við
Húnaflóa, á Vopnafirði, Höfn í
Hornafirði og í Hafnarfirði. Þetta
er nú að ganga eftir; á þrjá af
þessum stöðum eru komin skip -
og til Hafnar og Skagastrandar
koma skip nú á vormánuðum.
Björgunarskipinu á Skagaströnd
er ætlað að sinna Húnaflóanum
41
B J Ö R G U N A R S K I P
Texti og myndir:
Sigurður
Bogi Sævarsson.
Slysavarnarfélagið Landsbjörg er með fjórtán björgunarskip um allt land:
Ósökkvandi skip
og aukið öryggi
Slysavarnarfélagið Landsbjörg mun nú á vormánuðum fá til landsins
ný tvö björgunarskip til viðbótar við þau sem fyrir eru. Með því er
hringnum lokað og slík skip komin á alla þá staði á landinu sem
áformað hefur verið. Alls verða skipin þá orðin fjórtán talsins, en nýju
skipin verða staðsett á Hornafirði og Skagaströnd.
Siglt um Sundin. Ás-
grímur S. Björnsson er
björgunarskipið sem
staðsett er í Reykjavík.
aegirfeb2005-Breytt-2tbl 1.3.2005 13:34 Page 41