Ægir - 01.03.2005, Blaðsíða 19
19
L Í F E Y R I S M Á L
Stærri og öflugri lífeyrissjóðir
Í ljósi mjög góðrar ávöxtunar Líf-
eyrissjóðs sjómanna síðustu ár má
spyrja af hverju knýjandi sé að
sameina sjóðinn við annan lífeyr-
issjóð. Árni Guðmundsson segir
það vissulega rétt að sjóðurinn
standi vel, en hins vegar sé það
augljóslega betra fyrir Lífeyrissjóð
sjómanna að fara í slíka samein-
ingu þegar staða sjóðsins er góð
en ef hún væri veik. „Ef við horf-
um til næstu ára, þá er út af fyrir
sig ekkert sem mælir gegn því að
Lífeyrissjóður sjómanna starfi
áfram einn og sér. Hins vegar er
það svo að lífeyrissjóðir eru að
sameinast og þeir verða stærri og
öflugri. Þar eru sjóðirnir að horfa
til áhættudreifingar í sjóðfélaga-
hópnum og einnig koma fleiri að
eignastýringu í stærri sjóðum.
Þegar til lengri tíma litið teljum
við að stærri sjóður þýði meira ör-
yggi fyrir sjóðfélagana. Einnig má
nefna í þessu sambandi að ekki er
ósennilegt að einhvern tímann í
framtíðinni geti fólk valið sér líf-
eyrissjóði. Við sjáum fyrir okkur
skylduaðild að lífeyrissjóðum, en
hins vegar gæti fyrirkomulagið
orðið þannig, eins og er í sér-
eignasparnaðinum, að viðkom-
andi geti valið hvert hann borgar.
Við þessar aðstæður teljum við að
tiltölulega lítill sjóður eins og
Lífeyrissjóður sjómanna í áhættu-
samri starfsgrein sé ekki vænleg-
ur kostur.“
Sterkari í einum sjóði
Árni segir út af fyrir sig ekki til-
viljun að stjórnendur Lífeyrissjóðs
sjómanna hafi leitað eftir samein-
ingu við Lífeyrissjóðinn Framsýn.
„Við könnuðum þá kosti sem
voru í stöðunni og stöldruðum
síðan við Lífeyrissjóðinn Framsýn,
enda er margt líkt með þessum
tveimur sjóðum, sem auðveldar
sameiningu þeirra. En það eru
líka nokkur atriði sem eru ólík
sem gerir það að verkum að sjóð-
irnir vega hvor annan upp.“
Árni segist meta það svo að
staða nýs sameinaðs lífeyrissjóðs,
verði niðurstaða ársfundanna sú
að sameina sjóðina, verði vel
ásættanleg. „Hins vegar má nefna
að nýlega komu fram nýjar töflur
frá tryggingafræðingum þar sem
kemur fram að Íslendingar lifi
lengur en áður og örorkutíðni
hefur nú verið reiknuð út miðað
við reynslu hér á landi, en áður
var stuðst við töflur frá Dan-
mörku. Þar kemur í ljós að ör-
orkulíkurnar eru miklu hærri en
reiknað var með áður, sem þýðir
verulega auknar skuldbindingar.“
Óbreytt áunnin réttindi
Árni segir markmiðið að nýr sam-
einaður sjóður veiti enn betri
þjónustu en sjóðirnir eru að gera í
dag. „Vonandi verða menn á þann
hátt varir við þessa sameiningu.
En að öðru leyti ættu hinir al-
mennu sjóðfélagar ekki að verða
mikið varir við þessa breytingu,“
segir Árni og bendir á að réttindi
fólks verði óbreytt. „Áunnin rétt-
indi sjóðfélaga í báðum sjóðum
haldast óbreytt frá og með sam-
einingu sjóðanna. Ef eitthvað er
tel ég möguleika á að bæta rétt-
indi sjóðfélaga í nýjum sameinuð-
um sjóði.“
En hver er meginmunurinn á
Lífeyrissjóði sjómanna og Lífeyr-
issjóðnum Framsýn? „Lífeyris-
sjóður sjómanna er aðeins fyrir
starfandi sjómenn og fyrir vikið
eru nánast eingöngu karlmenn
sem greiða til þessa sjóðs. Til Líf-
eyrissjóðsins Framsýnar greiðir
verkafólk og eru konur þar í
eilitlum meirihluta. Fjölbreytni
starfa þeirra sem tilheyra Lífeyris-
sjóðnum Framsýn er töluvert
meiri en hjá Lífeyrissjóði sjó-
manna.“
Nýta það besta
frá báðum sjóðum
Árni segir fjárfestingarstefnu
sjóðanna hafa verið nokkuð líka,
„en það er ljóst að við munum
skoða fjárfestingarstefnu beggja
sjóða og nýta það besta frá báð-
um, eins og reyndar á öllum svið-
um rekstursins. Við teljum að það
muni nást fram töluverður sparn-
aður í rekstri sjóðanna við sam-
einingu, það er erfitt að áætla töl-
una, en við teljum að hún geti
verið 20-30 milljónir króna á ári.
Hins vegar eru alltaf að aukast
kröfur til sjóðanna um upplýs-
ingagjöf, eftirlit o.fl. Ég sé því
ekki fyrir mér verulega lægri
rekstrarkostnað. En því má þó
ekki gleyma að eftir sameiningu
verður ein stjórn yfir sjóðnum í
stað tveggja nú og á ýmsum svið-
um þjónustu sem sjóðirnir veita
getur náðst fram sparnaður í ein-
um sameinuðum sjóði,“ segir
Árni Guðmundsson.
Árni Guðmundsson: Ef við horfum til næstu ára, þá er út af fyrir sig ekkert sem mælir gegn því að Lífeyrissjóður sjómanna starfi
áfram einn og sér. Hins vegar er það svo að lífeyrissjóðir eru að sameinast og þeir verða stærri og öflugri. Þar eru sjóðirnir að
horfa til áhættudreifingar í sjóðfélagahópnum og einnig koma fleiri að eignastýringu í stærri sjóðum.
aegirmars2005-3tbllaga› 8.4.2005 8:26 Page 19