Ægir - 01.03.2005, Blaðsíða 42

óánægja með að ekki væri kom-
inn nýr samræmdur lagagrund-
völlur og nýjar reglur um þetta
og menn töldu lagaumhverfið
afar ófullkomið eins og það er
núna. Þeir óska eftir því að fá að
stunda starfsemi sína án hafta ef
svo má að orði komast og gátu
þess jafnframt að því hefði verið
marglofað að endurskoða þessi
lög. Þeir hafa líka útlistað hvað
þurfi að hafa til hliðsjónar við þá
endurskoðun og við þá lagasmíð
ef af yrði, t.d. um samkeppnis-
stöðu markaða, þ.e. fiskmörkuð-
um verður að búa það lagaum-
hverfi að þeir geti starfað án
óeðlilegrar samkeppni, samanber
bein viðskipti blönduð kvótavið-
skiptum eins og þarna kom fram,
mismunun hafnargjalda, mis-
munun á kröfum til innlendra og
erlendra markaða sem selja ís-
lenskan fisk, mismun í uppgjör-
um til sjómanna eftir því hvar
aflinn er seldur og margt fleira
eins og t.d. líka mismun á vigtar-
reglum,“ sagði Kristján L. Möller.
Málið verði afgreitt á
þessu þingi
Og sjávarútvegsráðherra svaraði:
„Því er til að svara að lög um
uppboðsmarkaði eru í endurskoð-
un og ég geri ráð fyrir því að
henni ljúki tiltölulega fljótlega
þannig að hægt verði að leggja
fram frumvarp um það á þessu
þingi. Síðan er það auðvitað undir
hæstvirtri sjávarútvegsnefnd
komið hvort hún afgreiðir málið
eður ei en ég stefni að því að mál-
ið verði í því formi að það verði
mögulegt að afgreiða það á þessu
þingi og komi reyndar nægilega
snemma til að það sé mögulegt
líka. Þetta er ekki að mínu mati
sérstaklega flókið mál hvað varðar
lagasetninguna. Hins vegar teng-
ist það ýmsum öðrum málum í
sjávarútvegi, m.a. reglum um
löndun og vigtun afla sem hafa
verið í endurskoðun undanfarin
missiri. Ég vonast til að það geti
staðist á að endurskoðuð lög um
uppboðsmarkaði verði tilbúin, að
endurskoðun reglugerðarinnar
verði lokið og þá verði hægt að
ganga svo til samtímis frá þeim
reglugerðum sem síðan þyrftu að
fylgja nýjum lögum um uppboðs-
markaði og reglugerðunum um
vigtun og löndun sjávarafla.“
Réttur kaupenda
Þingmenn fögnuðu mjög þessum
upplýsingum ráðherra, enda væri
mjög brýnt að skapa fiskmörkuð-
unum viðhlítandi lagaumhverfi.
Gunnar Örlygsson, þingmaður
Frjálslyndra, bendi á eitt atriði
sem tengdist málinu: „Í þessu
samhengi vil ég beina ljósinu að
mikilvægi þess að gæðaþátturinn
í starfsemi fiskmarkaðanna verði
endurskoðaður með það að mark-
miði að vernda fiskvinnsluna í
landinu. Það má kasta fram þeirri
spurningu hvort fiskmarkaðirnir
geti leitað til óháðs aðila, og fisk-
kaupendur almennt, þegar um
gæðavandamál er að ræða við
fiskkaup á fiskmörkuðum. Réttur
fiskkaupenda í dag er afskaplega
lítill þegar fiskur er keyptur óséð-
ur á markaði og berst svo í hús,
kannski í slæmu ásigkomulagi,
bæði er varðar flokkun og gæði
almennt. Því er mikil nauðsyn á
því að tryggt verði að ákveðið ör-
yggi komist á og þá til fisk-
vinnslna sem eru að kaupa hráefni
á fiskmörkuðum í dag.“
42
K R O S S G Á TA N
F I S K M A R K A Ð I R
aegirmars2005-3tbllaga› 8.4.2005 8:27 Page 42