Ægir - 01.09.2005, Blaðsíða 17
17
F E R J U S I G L I N G A R
eins og er. Það gæti líka verið
vandkvæðum bundið að finna
hentugt skip til siglinganna, ekki
síst ef það ætti einungis að vera í
notkun hluta úr ári. Mér skilst til
dæmis að Norrænumenn hafi fyr-
ir löngu verið búnir að ákveða að
stækka við sig en hafi þurft að
leita lengi að skipi áður en þeir
fundu lausn.“
Skemmtisiglingar og ferjur
Frá byrjun þyrfti markaðsstarfið,
að sögn Kjartans, að hvíla á
traustu og skilvirku bókana- og
sölukerfi, helst í samstarfi við öfl-
ugar ferðaskrifstofur. Markaðs-
setningin þyrfti bæði að beinast
að því að selja Íslendingum ferðir
til útlanda og einnig að því að
selja útlendingum ferðir til Ís-
lands.
„Markaðssetningin þyrfti
einnig að vera sambland af
hreinni skemmtisiglingu og því
að flytja ferðamenn á milli
áfangastaða. Rétt er að geta þess
að ekki eru alltaf glögg skil á
milli skemmtisiglinga og ferju-
siglinga. Siglt er á ótal ferjuleið-
um víðs vegar um heim og í
mörgum tilvikum eru ferjurnar
ekki síður markaðssettar á for-
sendum skemmtunar og þæginda
en sem leið til að komast á milli
tveggja staða. Auðvitað er munur
á milli þessara tveggja forma. Við
vitum að farþegar með skemmti-
ferðaskipum hafa að öllu jöfnu
meira handa á milli en ferjufar-
þegarnir og því hefur meiri
áhersla verið lögð á hina fyrr-
nefndu. En það á hins vegar ekki
að koma í veg fyrir að við bjóðum
ferjufarþega einnig velkomna
hingað til lands. Ferjan er ekki
bara fátæka mannsins fley, heldur
myndi hún þjóna breiðum hópi
fólks, ekki síst þeim ferðamönn-
um sem vilja kynnast náttúru og
menningu landsins.“
Ísland hefur ævintýraljóma
Sumarið 1983 sameinuðust Eim-
skipafélagið og Hafskip um
rekstur bílferjunnar Eddu sem
sigldi milli Íslands og Evrópu.
Síðan þá hafa forsendur í stórum
atriðum breyst. „Íslendingar
sækja til dæmis í fjölbreyttari
ferðamáta. Eiga fleiri bíla nú en
þá og margir hafa fjárfest í hús-
bílum, tjaldvögnum eða fellihýs-
um fyrir stórfé. Fleiri vilja ferðast
á eigin vegum og ég er illa svik-
inn ef einhverjir þeirra vilja ekki
fara í skemmtisiglingar með þess-
ar fasteignir á hjólum og spóka
sig um með þær á erlendri
grundu. Þá er það erlendi mark-
aðurinn. Við vitum að margir út-
lendingar víla ekki fyrir sér að
taka skip til Íslands, það sýnir
reynslan. Líklegt er að ný ferja
myndi stækka markaðinn veru-
lega, ekki síst ef hún færi aðra
leið en Norræna gerir nú,“ segir
Kjartan og bætir við að margir
höfuðborgarbúar mikli fyrir sér að
keyra austur á Seyðisfjörð til að
komast í skip.
„Ég tel að öðru máli myndi
gegna um ferju sem sigldi beint
frá þéttbýlasta landshluta Íslands
til tveggja stórra hafnarborga í
Englandi og Þýskalandi, slíkur
hringur gæti rúmast innan vik-
unnar. Ferja, sem gengi þannig
frá aðaldyrum Íslands að aðaldyr-
um Evrópu, hefði góða möguleika
á því að ná til sín fjölda ferða-
þyrstra Evrópubúa. Ísland hefur
yfir sér ævintýraljóma í hugum
fjölmargra Evrópubúa og er í
tísku. eins og sagt er. Vöxturinn í
alþjóðlegum skemmtisiglingum
hefur verið gífurlegur eða í kring-
um 8 til 10% á ári og ef nú er
ekki rétti tíminn til að skoða
þessi mál gaumgæfilega veit ég
ekki hvenær sú stund rennur upp.
Verði ferjusiglingar að veruleika
munu þær fjölga ferðakostum
stórs hluta Íslendinga. Þær
myndu einnig efla innlenda ferða-
þjónustu og auka fjölbreytileika
hennar til muna. Millilandasigl-
ingar yrðu að nýju raunhæfur val-
kostur fyrir stóran hluta Íslend-
inga og mörgum vafalaust til
ánægjuauka. Þá yrðu slíkar sigl-
ingar kærkominn valkostur fyrir
þá, sem eiga erfitt með að fara út
fyrir landsteinana sökum flug-
hræðslu en það eru um 15 til
20% landsmanna,“ sagði Kjartan
í athyglisverðu erindi sínu á ráð-
stefnunni.
aegir9sept2005 7.11.2005 18:18 Page 17