Ægir - 01.10.2005, Blaðsíða 17
17
V E S T F I R Ð I R
„Háskólasetrið er ekki háskóli,
heldur stofnun á háskólastigi. Við
getum ekki innritað námsmenn
og sérstaklega getum við ekki út-
skrifað námsmenn. Samt hefur
háskólasetrið margt fyrir stafni:
Það hefur það markmið, að auka
framboð á háskólanámi á svæðinu
í samstarfi við háskóla innanlands
sem utan, að gefa fólki á Vest-
fjörðum mjög gott tækifæri til
fjarnáms í öðrum háskólum og að
vera samstarfsvettvangur mennt-
unar og rannsókna.“
Þetta sagði Peter Weiss, for-
stöðumaður Háskólaseturs Vest-
fjarða, á ráðstefnu Sóknar á Akur-
eyri, í erindi sem hann kallaði
„Hvaða hlutverki gegna rann-
sóknastofnanir á landsbyggðinni
við hafrannsóknir?“
Þjónusta við fjarnema
Peter sagði að ein helsta starfsemi
Háskólaseturs Vestfjarða yrði að
þjónusta fjarnema annarra há-
skóla, en flestir háskólanemar í
fjarnámi á Vestfjörðum eru inn-
ritaðir í Háskólann á Akureyri.
„Þjónustan við fjarnemana þýðir
að bjóða þeim góða aðstöðu,
tæknilega og félagslega, spara
þeim ferðir suður í próf og skipu-
leggja hluta fjarnáms sem stað-
bundið nám, þar sem hópstærð
og efni gefa tilefni til þess. Við
munum bjóða upp á klæðskera-
saumað fjarnám, sem er sniðið
eftir þörfum og áhuga hvers og
eins og mun slík þjónusta vera
vandfundin, þó víða sé leitað. Ég
tel að klæðskerasaumað fjarnám
geti haft aðdráttarafl fyrir náms-
menn, sem eru búsettir á öðrum
landssvæðum, jafnvel á höfuð-
borgarsvæðinu,“ sagði Peter.
Peter sagði að annað megin-
markmið með Háskólasetri Vest-
fjarða væri að renna stoðum undir
rannsóknartengd verkefni tengd
Vestfjörðum. Einnig að kynna
Vestfirði sem áhugaverðan kost,
fyrir þá sem stunda rannsóknar-
tengt framhaldsnám, stuðla að
samvinnu rannsóknarstofnana um
rannsóknir á Vestfjörðum sem
nýta sér m.a. sérstöðu svæðisins,
koma á framfæri sérstöðu Vest-
fjarða, hvað varðar fjölmenningu,
þorskeldi og þorskeldisrannsókn-
ir, Hornstrandafriðlandið, veiðar-
færarannsóknir, tónlistar- og
menningarlíf o.fl.
Að vera hugveita
„Sumir benda jafnvel á að sjávar-
útvegurinn sé á undanhaldi,“
sagði Peter. „Vestfirðir væru mun
meira en haf og fiskur, félagsvís-
indi, rural sociology, fjölmenn-
ing, náttúruvá og snjóflóðavarnir,
fuglafræði, miðaldafræði, jafnvel
galdur, allt eru það efni, sem
koma í hugann, þegar hugsað er
til Vestfjarða, það er ekki bara
fiskurinn. Og þó. Ekkert þessara
ransóknarsviða er líklegt til að
bera námsgrein, varla hálfs árs
nám. Flest allt er þetta tilvalið
fyrir stök námskeið, ráðstefnur og
rannsóknarverkefni. Ef við viljum
verða fagháskóli, þurfum við að
hugsa til sérhæfingar. Þegar við
hugsum til sérhæfingar, þá hugs-
um við samt sem áður helst út á
haf og inn í þorskeldiskvíar. Há-
skólasetur úti á landi getur eins
og hver annar háskóli reynt að
setja rannsóknaraðferðir, niður-
stöður og túlkanir fram á skiljan-
legan hátt og verið leiðandi í um-
ræðunni, að vera hugveita. Þó er
það ekki hlutverk háskóla að leiða
umræðuna í ákveðna átt, í fyrir-
fram ákveðna átt. Háskólar eiga
að veita mönnum, stjórnmála-
mönnum og kjósendum undir-
stöður til að mynda sér skoðun.
Til þess þarf að grandskoða allar
aðferðir, allar niðurstöður og allar
túlkanir.
Það er ánægjulegt, að þjóðin
skuli bera svo mikið traust til há-
skólanna og þá sérstaklega til Há-
skóla Íslands, jafnvel meira en til
kirkjunnar. Þetta er hvatning, en
um leið mikil ábyrgð að svíkja
ekki þetta traust. Umræðan innan
háskólanna á að vera takmörkuð
til rökræðu og rökhugsunar, en
hún á að vera ótakmörkuð að öðru
leyti. Þannig öflum vér okkur
trausts,“ sagði Peter Weiss.
Að hugsa út á haf og
inn í þorskeldiskvíar
- Peter Weiss, forstöðumaður Háskólaseturs Vestfjarða,
segir margháttaðan tilgang með starfsemi setursins
Peter Weiss, forstöðumaður Háskólaseturs Vestfjarða.
aegir10nov2005.qxd 30.11.2005 16:49 Page 17