Ægir - 01.10.2005, Blaðsíða 24

24
Æ G I S V I Ð TA L I Ð
við hérlend hátæknifyrirtæki hafa verið að ná. Menn
spá því að þessi þróun haldi áfram.. Hörður Arnar-
son, forstjóri Marels, hefur látið hafa eftir sér að af-
köstin í landvinnslunni gætu verið komin í 50-60 kg
á manntíma eftir þrjú til fjögur ár, þegar róbóta-
tæknin hefur rutt sér til rúms.
Ef við horfum á flutningamálin, þá eru forsendur
gjörbreyttar. Flutningsgetan með flugi er orðin allt
önnur og betri en var fyrir fáum árum. Við erum vel
staðsettir, Íslendingar, gagnvart mörkuðunum, mitt
á milli Ameríku og Evrópu. Þetta gildir um bæði
viðskiptasambönd og flutning á fiskinum á markað.“
Mikil og ör þróun í fiskvinnslunni
„Það hefur orðið mikil og ör þróun í fiskvinnslunni.
Útflutningur á ferskum fiski hefur stóraukist, en við
viljum gjarnan halda því til haga hjá Samtökum
fiskvinnslu án útgerðar, að fyrirtæki í okkar röðum
eru frumkvöðlar í þessum útflutningi og hafa mark-
að leiðina.
Öflugt flutninganet frá Íslandi er ein af megin for-
sendum þess að skapa nýja möguleika í fiskvinnslu
hér á landi og síðan er það okkar sem rekum fyrir-
tækin að vinna úr möguleikunum. Það hefur verið
mikil þróun og aukning í útflutningi á ferskum fiski
og ég spái því að mikil þróun eigi eftir að eiga sér
stað í markaðssetningunni. Við gætum jafnvel verið
að sjá á næstu árum að það komi upp fleiri sölufyrir-
tæki erlendis sem Íslendingar hafi meiri ítök í. Þessi
fyrirtæki annist dreifingu og sölu vörunnar til enda.
Þetta er nú þegar byrjað og ég er þess fullviss að
mikil aukning verður í þessu í framtíðinni.
Auðvitað er það svo að flutningur á ferskum fiski
með flugi er dýr, en hins vegar virðast neytendur í
Bretlandi og á meginlandi Evrópu vera tilbúnir að
kaupa ferskan fisk frá Íslandi á háu verði. Ég er sann-
færður um að við getum náð betri árangri í því að
selja frystan fisk á háu verði. Til þess að svo megi
verða þurfum við að vinna meira í að þróa pakkning-
arnar - bæði fyrir frysta fiskinn og þann ferska. Því
miður hafa verið viðvarandi ákveðin tregðulögmál í
þessum efnum hjá stóru sölusamtökunum.“
Óttast ekki samkeppnina við Kína
Óskar er ekki smeykur við samkeppnina frá ört vax-
andi fiskvinnslu í Kína, jafnvel þótt launakjör séu
þar margfalt lægri en hér á landi. „Fiskurinn sem
Kínverjar eru að framleiða er allt önnur vara en við
erum að framleiða hér. Þetta er tvífrystur og jafnvel
þrífrystur bolfiskur, sem stendur langt að baki þeirri
vöru sem við Íslendingar framleiðum. Þetta er satt
best að segja eins og að bera saman Lödu og Benz.
Kínverjarnir þurfa að flytja hráefnið til sín um gríð-
arlega langan veg og síðan aftur á markaði. Ávinn-
ingurinn af lágum launum hverfur vegna gífurlega
mikils flutningskostnaðar á hráefninu og fullunninni
vöru.
Ég hef það staðfest að Kínverjarnir blanda í fiskinn
ýmsu sem þyngir vöruna þannig að þegar búið er að
elda fiskinn skreppur hann saman um allt að 40%.
Ég er ekki að segja að þetta sé algilt, en um þetta eru
staðfest dæmi. Ef við höldum rétt á okkar spilum, þá
tel ég að fiskvinnslan í Kína ógni ekki fiskvinnslunni
hjá okkur. En ég dreg ekki fjöður yfir það að þessi
Óskar Þór Karlsson: „Við viljum að þegar við kaupum fiskinn sé allur kostnaður kominn
fram. Við teljum að seljendur eigi að bera kostnað sem fellur á fiskinn áður en hann er
seldur og við kaupendur eftir að við höfum keypt hann. Þannig er málum yfirleitt háttað
í öllum öðrum viðskiptum.“
Óskar Þór í ræðustóli á aðalfundi SFÁÚ.
aegir10nov2005.qxd 30.11.2005 16:49 Page 24