Ægir - 01.11.2005, Blaðsíða 36

36
S J Ó Ð I R
Stjórn sjóðsins nýtti sér vinnu
sem hafði verið unnin af stýrihópi
um aukið verðmæti sjávarfangs,
sem sjávarútvegsráðherra hafði
sett á fót í janúar 2002 og lauk
störfum í nóvember sama ár.
(nálgast má skýrslu hópsins á
heimasíðu AVS www.avs.is)
Stjórnin ákvað að manna fjóra
faghópa sem fjölluðu um fiskeldi,
líftækni, markaðsmál og veiðar,
vinnslu, búnað og gæði. Reynt að
nýta þá þekkingu sem fyrir var
við myndun hópanna. Fiskeldis-
hópurinn er þannig að mestu
leyti með sama mannskap og þor-
skeldishópur sem starfaði á veg-
um ráðuneytisins. Líftæknihóp-
urinn er reyndar nýr og er undir
verkefnisstjórn starfsmanns Sam-
taka iðnaðarins og tengist ný-
stofnuðum samtökum líftækni-
fyrirtækja. Markaðshópurinn er
undir forystu Útflutningsráðs Ís-
lands og vinnsluhópurinn er að
stærstum hluta frá Samstarfsvett-
vangi sjávarútvegs og iðnaðar.
Þannig hefur verið leitast við
að hafa skipulag sjóðsins einfalt
og skilvirkt og áhersla lögð á
samstarf við ólíka aðila sem starfa
í greininni, eins og samsetning
faghópanna gefur til kynna.
Markmið AVS
Markmið sjóðsins er að styrkja
einstaklinga, fyrirtæki, rann-
sókna- og þróunarstofnanir og há-
skóla til að vinna að verkefnum
sem geta aukið verðmæti sjávar-
fangs. Því hefur megin starfsemin
snúist um að taka við umsóknum
og leggja á þær faglegt mat. Boð-
ið hefur verið upp á tvenns konar
verkefnisumsóknir. Einu sinni á
ári hefur verið hægt að sækja um
stærri verkefni þ.e. verkefni þar
sem óskað er eftir hærri styrk en
einni milljón króna og spanna allt
að þrjú ár og svo forverkefni eða
smáverkefni þar sem styrkur er
lægri en ein milljón króna og
verktími eitt ár eða styttri. Hægt
hefur verið að sækja um smáverk-
efnin hvenær sem er ársins og
hefur verið úthlutað til slíkra
verkefna allt árið eins og fjármun-
ir hvers árs heimila.
Mest er sótt um stærri verkefni
og hefur ferill slíkra umsókna ver-
ið með þeim hætti að einn um-
sóknafrestur er á ári hverju. Um-
sækjendur velja þann faghóp sem
þeir telja að umsóknin falli best
að og tekur sá faghópur við um-
sókninni og leggur faglegt mat á
verkefnið. Faghóparnir skila síðan
tillögum til stjórnar sjóðsins á
grundvelli matsins um hvaða
verkefni bæri helst að styrkja.
Stjórn AVS fer yfir tillögur allra
faghópanna og forgangsraðar
verkefnum. Tillögur stjórnarinnar
eru síðan sendar til sjávarútvegs-
ráðherra sem ákveður endanlega
hverjir fá styrk hverju sinni.
Þorskkvóti til áframeldis
AVS sjóðurinn hefur einnig haft
umsjón með umsóknum í þorsk-
kvóta til áframeldis, en úthlutað
hefur verið 500 tonnum af
óslægðum þorski árlega síðan á
fiskveiðiárinu 2001/2002. Þess-
um kvóta er úthlutað til fyrir-
tækja sem eru að gera tilraunir
með eldi og í raun að undirbúa
sig fyrir þorskeldi framtíðarinnar.
Kvótinn hefur reynst fyrirtækjun-
um afar mikilvægur til að byggja
upp þekkingu og reynslu, auk
þess sem ýmis rannsóknaverkefni
styrkt af AVS hafa tengst tilraun-
unum.
Frá því AVS sjóðurinn tók til
starfa árið 2003 hefur verið út-
hlutað styrkjum til 145 verkefna
að upphæð um 406 milljónir
króna. Hluti af ráðstöfunarfé AVS
er af sérstökum fjárlagalið sem
ætlaður er til að styrkja eldi sjáv-
ardýra sérstaklega og hefur sú
upphæð verið 19,1 milljón króna
undanfarin ár.
Fjölbreytt verkefni
Samkvæmt reglum sjóðsins fá
verkefni aldrei hærri styrk en sem
nemur 50% af heildarkostnaði
verkefnis. Oftast er styrkhlutfall-
ið nokkuð lægra og því má full-
yrða að AVS sjóðurinn hafi orðið
til þess að rannsókna- og þróunar-
verkefni fyrir um einn milljarð
króna hafi verið unnin í íslensk-
um sjávarútvegi síðastliðin þrjú
ár.
Páll Gunnar
Pálsson.
Höfundur er
matvælafræðingur hjá
Rannsóknastofnun fisk-
iðnaðarins og verkefn-
isstjóri AVS rannsókna-
sjóðsins.
AVS rannsóknasjóðurinn hóf störf
í febrúar 2003 og er megin mark-
mið sjóðsins að styrkja verkefni til
að auka verðmæti sjávarfangs. Sjá-
varútvegsráðherra skipaði stjórn
sjóðsins, en sjóðurinn starfar á
vegum sjávarútvegsráðuneytisins.
AVS
rannsóknasjóðurinn

Mynd 1.
aegir11_des2005.qxd 16.12.2005 15:47 Page 36